ناوەندی یەكێتیی لە نەرویج
-
ئەمڕۆ یەکشەممە ڕێکەوتی ٢٠٢٣/١/٢٢ ناوەندی یەکێتیی نیشتمانیی کوردستان لە نەرویج بە ئامادەبوونی هەڤاڵ (هەندرێن باوەنوری) ئەندامی مەکتەبی ناوەندەکانی دەرەوەو بەسەرپەرشتی لێپرسراوی ناوەند هەڤاڵ ( نەبەز تۆفیق) کۆبونەوەەی ئاسایی خۆی بەبەشداری بەرپرسی( بەشەکان و زۆنەکان ) ی ناوەند ئەنجامدا کەتێیدا بەشێک لەهەڤاڵان لەڕێگەی ڤیدیۆ سکایپەوە بەشداربوون . کۆبونەوەکە بەساتێك بێ دەنگی بۆ ڕێزگرتن لە گیانی پاکی شەهیدانی کوردو کوردستان دەستی پێکرد، پاشان هەڤاڵ لێپرسراوی ناوەند تیشکی خستە سەر کۆبوونەوەیان لەگەڵ هەڤاڵ پۆڵا سیروان تاڵەبانی ئەندامی مەکتەبی سیاسیی و لێپرسراوی مەکتەبی ناوەندەکانی دەرەوە لەگەڵ لێپرسراوی ناوەندەکانی وڵاتانی دەرەوە، لەژێر نێونیشانی "ساڵی نوێ، ساڵی گەشەپێدانی زیاتری یەکێتی دەبێت" کەتێیدا چەندین تەوەرو بابەتی گرنگ بڕیاری لەبارەوە دراوە بەتایبەت بەرنامەی کاری ئەمساڵ، دوواتر باس لەکاروچالاکیەکانی ناوەند (ی ن ک )کرا بۆ داهاتوو، هەڤاڵ (هەندرێن باوەنوری) لەلای خۆیەوە پشتگیری تەوای بۆ بەرپرس و ستافی ناوەند دەربڕی و هیوای سەرکەوتنی بۆ خواستن و زۆر بە ووردی باسی تەواوی بەرنامەو کارنامەی داهاتوویی بۆ هەڤاڵان کرد و دڵنیایی دا کەوا ئەمساڵ ساڵی گەشەسەندنی ڕێزەکانی ی ن ک دەبێت لە دەرەوەی وڵات . پاشان هەڤاڵ مام سەید نەجمەدین کارگێڕی ناوەندو لێپرسراوی ڕێکخستنەکان بەتێرو تەسەلی باسی ڕێکخستنەوەی ڕێکخستنەکان کردو زۆر بە ووردی بەرنامەو کارنامەی ئایندەی بۆهەڤاڵان ڕوونکردەوە، دوواتر هەڤاڵان لە بەرپرسی (بەشەکان و زۆنەکان ) ڕاپۆرتی خۆیان پێشکەشکردو پێشنیارو بۆچونەکانیان لە بارەی بابەتە جیاوازەکانەوە گفتوگۆی لەسەرکرا و بڕیاری گونجاو پێویستیان لەبارەوە درا، لەکۆتاییدا لەلایەن هەفاڵانەوە جەختکرایەوە لەسەر بەردەوامی کۆبوونەوەکان و کارو چالاکییەکانی ناوەندەکە و بەم شێوەیە پاش چەند سەعاتێک گفتووگۆی یەکێتی یانەو هەڤاڵانە کۆتایی بەکۆبونەوەکە هێنرا.
لەگەڵ ڕێزماندا
ڕاگەیاندنی ناوەندی یەکێتی نیشتمانی کوردستان/ نەرویج
-
نەرویج/ بەڕێوەچونی مەراسیمی پرسە
ڕۆژی یەکشەممە ڕێکەوتی ٢٠٢٣/١/٢٢ مەراسیمی پرسەی دایکی هونەرمەند (شێروان بێرکۆتی) بەڕێوەچوو، بەمەبەستی بەشداری و سەرەخۆشی کردن شاندێکی ناوەندی نەرویج بەسەرپەرەشتی هەڤاڵ هەندرێن باوەنوری ئەندام مەکتەب و هاوڕێیەتی هەڤاڵان نەبەز تۆفیق لێپرسراوی ناوەند و ژمارەیەک لە هەڤاڵان بەشداریان کرد و پرسەو سەرەخۆشی ناوەندەکەیان ئاراستەی هونەرمەند شێروان بێرکۆتی و بنەماڵە بەڕێزەکەیان کرد هیوایان خواست ئەمە دوا کۆستیان بێت
لەگەڵ ڕێزماندا
ڕاگەیاندنی ناوەندی یەکێتی نیشتمانی کوردستان/ نەرویج
-
نەرویج/ یادی 48 هەمین ساڵڕۆژی یەكێتی پیرۆز ڕاگیرا
ڕۆژی هەینی بەرواری ٩/٦/٢٠٢٣ لە مەڕاسیمێکی پڕ شکۆدا یادی ٤٨ مین ساڵڕۆژی دامەزراند و ٤٧ ساڵڕۆژی هەڵگیرساندنی شۆڕشی نوێی گەلەگەمان بەرزو پیرۆز ڕاگیرا بەئامادەبوونی هەڤاڵ (پۆڵا تاڵەبانی ) لێپرسراوی مەکتەبی ناوەندەکانی دەرەوەو ئەندامی مەکتەبی سیاسی (ی.ن.ک) و هەڤاڵ هەندرێن باوەنوری ئەندام مەکتەب و بەڕێز نەبەز سەلیم لێپرسراوی ناوەندو ژمارەیەکی بەرچاو لە بەرپرس و نوێنەری پارت و ڕێکخراو کەسایەتی سەربەخۆ و ئەندام و لایەنگری ئۆرگان و كەرتە تێكۆشەرەكان و دڵسۆزانی یەكێتی ئامادەبوون
سەرەتای مەراسیمەكە لەگەڵ سرودی مەشخەڵان بەخولەکێک وەستان بۆ ڕێزگرتن لە شەهیدانی یەکێتی و سەرجەم شەهیدانی ڕێگای ڕزگاری کوردو کوردستان دەستی پێکرد، پاش وتەی بەخێرهێنان مۆمی تەمەنی ٤٨ ساڵڕۆژی دامەزراندنی یەکێتی نیشتیمانی کوردستان داگیرساو دواتر کێکی ئەم بۆنە پڕ شکۆییە بڕا، دواتر پەیامی ناوەند لەلایەن هەڤاڵ هەندرێن باوەنوری پێشکەشکراو تێیدا بەخێرهاتنی هەڤاڵ پۆڵا تاڵەبانی و ئامادەبوانی کردو خۆشحاڵی ناوەندەکەی دەربڕی بە بەئامادەبوونیان لەم ڕۆژە پڕشکۆیەدا، بەڕیزیان داوای کرد لە هەڤاڵ پۆڵا تاڵەبانی وتەیەک بەم بۆنەیەوە پێشکەش بکات، بەڕێز پۆڵا تاڵەبانی پاش بەخێرهێنان و خۆشحاڵی بۆ ئامادەبوونی لەم یادە پڕشکۆیەدا دەستخۆشی خۆی دەربڕی و تیشکی خستە سەر مێژوو و پێگەی پڕ لە خەبات وكاریگەری یەكێتی لە قۆناغە جیاوازەکانی وێسگەی ژیانی سیاسی و زۆر بەووردی باسی دامەزراندن و هەڵگیرساندنی شۆڕشی نوێی ی.ن.ک کرد بەسەرکردایەتی هەڤاڵ ڕەوانشاد( سەرۆک مام جەلال) و هاوڕێکانی، لە کاتێکدا کە هیچ تروسکایەک ئومێد نەمابوو لەپاش هەرەس، ئەوی ڕۆژێ مام و هاوڕێکانی "هەرەسیان بەهەرەس هێناو" بە گڕێ لولەی تفەنگەکانیان کوردستانیان لەشەوەزەنگ و نائومێدییەوە کردەوە بە چراخان و جارێکیتر هیواو ئومێدو ژیانیان بۆ بزاڤی ڕزگاریخوازی ئەم گەلە ستەم لێکراوە گەڕاندەوەو بوون بەو هێزەی کە ئێستا لەسایەیی خەبات و قوربانی حیزبی شەهیدان کوردستان بەم ڕۆژە گەشتووە، دوواتر تیشکی خستەسەر دووا گۆڕانکاری و بارودۆخی ئێستای یەکێتی و دڵنیایی بەهەموواندا کە حیزبی شەهیدان ئێستا لەهەموو کات بەهێزترو تۆکمەترەو لەداهاتوویەکی نزیکدا دەبێتەوە بەو هێزەی کە هەمووان چاوەڕوانی بوون و ئەو یەکێتیەی سەردەمانی شاخ کە هەرەسی بەهەرەسەکان دەهێنا لەپێناو بەرژەوەندی گەل و ئەمانجە باڵاکانی، لەدرێژەی وتارەکەیدا ئاماژەی ووردی بەدۆخی کوردستان و عێراق و ناوچەکە بەگشتی داو هیوای سەرکەوتنی بۆ هەڤاڵان خواست و بەڵێنی بۆ دوپاتکردنەوە کە هاوکارو پشتیوانی تەواو دەبن وەک مەکتەبی ناوەندەکانی دەرەوە لەسەر ڕیبازی مام و گەڕانەوەی یەکێتی بۆ سەرشاڕیگای خۆی
وتەی بەخێرهاتن بە زمانەکانی نەرویجی کوردی عەرەبی لەلایەن بەڕیزان (هاوار عمر،ئەڤین ماجد،ڕزگار هۆرێنی) پێشکەش کرا
دواتر چەند پەیامێک پێشکەشکران کە بریتی بوون لە
پارتی چەپی سۆشیالیستی نەرویج لەلایەن دکتۆر موبەشیر بەرناز ئەندامی شارەوانی ئۆسلۆ خوێندرایەوە
پارتی سور لەلایەن سیاڤەش موبەشەری ئەندامی شارەوانی ئۆسلۆ خوێندرایەوە
پارتی کرێکارانی نەرویج لەلایەن خاتوو هودا عیماد کاندیدی هەرێمەکان بۆ هەڵبژاردنی شارەوانی ئۆسلۆ خوێندرایەوە
لیژنەی تەنسیقی ئەحزابی عێراقیەکان لە لایەن بەڕێز موهەند خوێندرایەوە کۆمیتەی دیبلۆماسی پارتە کوردستانیەکانی نەرویج لەلایەن بەڕێز فەخرەدین خوێندرایەوە
کۆمیتەی هاوکاری پارتە کوردستانیەکانی نەرویج لە لایەن بەڕێز ڕودی لگین خوێندرایەوە.
لە کۆتایدا سیاسەتمەداری نەرویج بەڕێز هایکی هۆڵمۆس پەیامێکی کورتی پێشکەشکرد کە بەڕیزیان لەماوەی دوخولی پێشوی پەرلەمان وەزیری گەشەپێدان بووە
لەپەیامەکاندا بەکورتی و بەگشتی پیرۆزبایی ئەم یادە پڕشکۆیەییان کردو ڕۆڵی و کاریگەری گەلی کوردو شۆڕشی نوێیان باسکرد کە چۆن بە ئازایانە بەسەر ڕژێمی بەعسداسەرکەوتوون
شایانی باسە لە بڕگەیەکیتردا چەند خەڵاتێکی ڕێزلێنان لەلایەن بەڕیزان کاک نەبەز سەلیم لێپرسراوی ناوەندو بەڕیز عەلی فەزلی پێشکەشکرا بەم بەڕیزانە
کە تیایدا ئامادەبووان خۆشحاڵی و سوپاس گوزەشتی خۆیان دەربڕی، بەهۆکاری ئەکتیڤکردنی پرۆسەی بەدوواچوونی پرۆسەی چارەسەرکردنی ئەو بەڕێزانەی کە کێشەیان دووناویان هەبوو (یان ئولە،سیروان نوری،محمد مریەم،تەها احمد، ئۆریان حمەنوری، کاکە زیز کەریمی) پاشان بەڕێز یوسف سوری خەڵاتکرا بەهۆی پێشکەشکردنی تابلۆیەکی بەڕێز ڕەوانشاد سەرۆک مام جەلال بە ناوەندینەرویج
بڕگەی کۆتایی تەرخانکرابوو بۆ ئاهەنگ و گۆرانی و شادی و هەمووان بەدڵ و خۆشی و هیوایەکی زۆرەوە تا دواچرکە لەکەش و هەوایەکی هەڤاڵانە و بەگڕو تین و جۆش و خرۆشی ئەندامان هۆڵەکەیان پڕکرد
لەگەڵ ڕیزماندا
ڕاگەیاندنی ناوەندی نەرویج
-
مەکتەبی ناوەندەکانی دەرەوە
(پرسەنامە)
بۆ بەڕێز هەڤاڵ سەید شوان بەرزنجی کادیری پێشکەوتووی ناوەندی نەرویج
بۆ ناوەندی نەرویجی تێکۆشەر
دڵگران و خەمبار بووین بە کۆچی دوای خاڵی تیکۆشەرو بەهەلوێست و پێشمەرگەی ریگای کوردایەتی و
کەسایەتیەکی کردار جوانی دەشتی هەولێر کۆچکردوو ( عومەر نۆغەرانی ) لێرەوە پرسەو سەرخۆشی لە بنەمالەی تێکۆشەری بەرێزتان دەکەین و لەخودای گەورە داواکارین جێگەی کۆچکردوو بەھەشتی بەرین بێت و دوا ناخۆشی بنەمالەی بەرێزتان بێت
انا للة وإنا الية راجعون
پۆڵا سیروان تاڵەبانی
لێپرسراوەی مەکتەبی ناوەندەکانی دەرەوە
١٨\٦\٢٠٢٣
-
بەڕێوەچونی کۆبونەوەی دەستەی ناوەندی نەرویج
ڕۆژی یەکشەممە ڕێکەوتی ١٩/١١/٢٠٢٣ بە سەرپەرشتی هەڤاڵ نەبەز سەلیم لێپرسراوی ناوەندی نەرویج و بە ئامادەیی هەڤاڵانی ئەندام مەکتەب هەڤاڵ هاوار حاجی لێپرسراوی بەشی ناوەندەکان و هەڤاڵ هەندرێن باوەنوری لێپرسراوی بەشی چاودێری و بەدوواچوون دەرەوەو هەڤاڵانی دەستەی بەڕێوەبەری ناوەند کۆبونەوە
ئامانج لە کۆبوونەوەکە بۆ چەند پرسێکی حزبی و ڕێکخستنەوەی ناوەندەکانی دەرەوەو هەوڵ و پشتیوانیەکانی هەڤاڵانی دەرەوەبوو لە بانگەشە بۆ لیستەکانی یەکێتی بۆ هەڵبژاردنی ئەنجومەنی پارێزگاکانی عێراق و سەرخستنی کاندیدەکانی یەکێتی نیشتمانی کوردستان لە ناوچە کوردستانییەکاندا
سەرەتایی کۆبونەوەکە بەخولەکێک وەستان بۆ ڕێزگرتن لە گیانی پاکی شەهیدانی ڕێگای ڕزگاری کوردوکوردستان دەستیپێکرد، پاشان لێپرسراوی ناوەند بەخێرهاتنی هەڤاڵانی کردوو داوایی لە هەڤاڵ هاوار حاجی کرد لەسەر کۆیی گشتی تەوەرەکان دەست بەکۆبوونەوەکە بکرێت، بەڕێزیان سەرەتا تیشکی خستەسەر بەستنی کۆنگرەو سەرکەوتنی و دانانی میکانیزمی نوێ و گەڕانەوەی مەرکەزیەت و دانانی نەخشەڕێگایەکی نوێ بۆ کارکردن لە دەرەوەی وڵات، دوواتر گرنگی هەڵبژاردنەکانی بۆ هەڤاڵان ڕوونکردەوە بەتایبەتیش ناوچە کوردستانییەکان و کەرکوک و گرنگی و پێگەی یەکێتی لەوناوچانەداو سەرکەوتنی کاندیدەکانی و چۆنێتی هەوڵەکانی هەڤاڵانی بۆ پاڵپشتی و سەرکەوتنی کاندیدەکانی بۆ هەڤاڵان ڕوونکردەوە، لەدرێژەی کۆبوونەوەکەدا هەڤاڵان هەندرێن باوەنوری و هەڤاڵ نەبەز باسێکی تێرو تەسەلی گۆڕانکاریەکان و هەروەها بەرنامەو نەخشەڕێگای نوێ خرایه ڕوو بۆداهاتوو، لەکۆتایدا هەڤاڵانی ناوەند تیشکیان خستە کارو چالاکیەکانیان و هەوڵەکانیان و هەروەها چەند پێشنیازو داواکاریەکیان ئاراستەی هەڤاڵان کرد و ئەوانیش وەڵامی پێویستیان دایەوە،هەروەها لە درێژەی ووتەو ڕوونکردنەوەکان باسیان لەوە کرد ئێستا دەرەوە وەکو ئۆرگانێکی مەکتەب ڕێکخستن بە سەرپەرشتی بەڕێز هەڤاڵ سەرکەوت زەکی کارەکانی دەرەوە ئەنجام دەدات، هەروەها دەوری کاریگەری ناوەندی نەرویجیان بەرز نرخاند و داوایان کرد بەوپەڕی توانایانەوە هەوڵی سەرکەوتنی یەکێتی بدەن.
ڕاگەیاندنی ناوەندی نەرویج
