پۆڵا سیروان تاڵەبانی ئەندامی مەکتەبی سیاسی و لێپرسراوی مەکتەبی ناوەندەکانی دەرەوە پێشوازی کرد لە ژمارەیەک لە گەنجانی خۆبەخشی گەرمیان لەودیدارەدا پۆڵا سیروان تاڵەبانی وێڕای دەستخۆشی کردن لە پای هەوڵ و ماندوو بونیان بە خۆبەخشانە لە زۆربەی شەڕەکان و لە زۆربەی میحوەرەکان بو پاراستنی هەرێمی کوردستان و ئەزموونەکەی رولي گرنگیان هەبوە سوپاسي دلسوزي وە خەم خوري کردن بە تایبەت کە هەمو کەسو کاري شەهیدو ئەنفالن لای خۆیانەوە خۆبەخشان دووپاتیان کردەوە کە وەکو هەمیشە بەردەوام دەبن لە پشتیوانی کردنی یەکێتی نیشتیمانی وە ریبازي مام و لە هەرشوێنێک کەوا یەکێتی نیشتیمانی کاری پێیان هەبێت و سوپاسی پێشوازی گەرمی بەڕێز لێپرسراوی مەکتەبیان کرد

بافڵ جەلال تاڵەبانی، سەرۆکی یەکێتیی نیشتمانیی کوردستان لە بارەگای مەکتەبی سیاسی لە هەولێر پێشوازی لە برێت مەکگۆرک، نێردەی سەرۆکی ئەمریکا بۆ کاروباری رۆژهەڵاتی ناوەڕاست و باکووری ئەفریقا و وەفدێکی باڵای هاوڕێی کرد

پۆڵا سیروان تاڵەبانی ئەندامی مەکتەبی سیاسی و لێپرسراوی مەکتەبی ناوەندەکانی دەرەوە لە بارەگای مەکتەب پێشوازی کرد لە هەڤاڵ سەرکەوت زەکی ئەندامی مەکتەبی سیاسی و بەرپرسی مەکتەبی ڕێکخستن لەو دانیشتنەدا چەندین بابەتي کاری ڕێکخراوەیی و ئاڵوگۆڕی بیروڕا ئەنجامدرا و پەیوەندی نێوان مەکتەبی ناوەندەکانی دەرەوە لەگەڵ مەکتەبی ڕێکخستن تەوەرێکی گرنگ بوو و باسی چۆنیەتی زیاتر پیکەوە کارکردن و هەماهەنگی بۆ گەشەپێدانی  ئورگانەکانی مەکتەبی ناوەندەکانی دەرەوە.

قوباد تاڵەبانی جێگری سەرۆک وەزیران لە کۆبوونەوەی لەگەڵ برێت مەکگۆرک رێکخەری کۆشکی سپی بۆ کاروباری ئاسایشی رۆژهەڵاتی ناوەڕاست و باکوری ئەفریقا دۆخی هەرێمی کوردستان و چۆنییەتی چارەسەرکردنی ناکۆکییەکانی نێوان لایەنە سیاسییەکانیان تاوتوێ کرد

ئێوارەی ڕۆژی دووشەممەڕێکەوتی 16/01/2023  لەڕێگەی ڤیدیۆ سکایپەوە ستافی هەڵبژێردراوی ناوەندی یەکێتیی نیشتمانیی کوردستان لە ئەڵمانیا بەسەرپەرشتی لێپرسراوی ناوەندهەڤاڵ ( سەروەر ئیسماعیل) کۆبونەوەەی ئاسایی خۆی بەبەشداری بەرپرسی( بەشەکان و زۆنەکان و ڕاوێژکارەکان) ی ناوەند ئەنجامدا. 

پۆلا سیروان تالەبانی ئەندامی مەکتەبی سیاسی وە بەرپرسی مەکتەبی ناوەندەکانی دەرەوە لە بارەگای مەکتەب   پیشوازیکرد لە نوێنەرانی ناوەندی ئیتالیا کە پێک هاتبوو لە هەڤاڵ "ئارام آحمد " لێپسراوی ناوەند وهەڤاڵ "محمد علی " کارگێڕی چاودێری و بەدواداچوون ئامانجی سەردانەکە تایبەت بوو بە جێبەجێکردنی ئەرکە ڕێکخراوەییەکان و پێدانی ڕێنمایی نوێی کارکردن لە پێناو گەشەی زیاتری ئۆرگانەکان و خزمەتی زیاتر شایەنی باسە لەو سەردانەدا بە گشتی باسی مەکتەبی ناوەندەکانی دەرەوە کراو وە ناوەندی ئیتالیا  بە تایبەتی وە لە لایەن بەڕێز لێپسراوی مەکتەبەوە کاروچالاکیەکانی ڕابردووی ناوەندی ی ن ک لە ئیتالیا بە گرنگ هەڵسەنگێندرا، هەروەها پلانی کاری نوێ تاوتوێ کرا

بافڵ جەلال تاڵەبانی، سەرۆکی یەکێتیی نیشتمانیی کوردستان لە دەباشان پێشوازیکرد لە ئێرڤن هیکس، کونسوڵی گشتیی ئەمریکا لە هەرێمی کوردستان.

لە دیدارێکدا جەخت لە پەرەپێدانی پەیوەندییەکان و فراوانکردنی هاریکارییەکان لە بوارەکانی وەبەرهێنان، کشتوکاڵ و بوژاندنەوەی ژێرخانی ئابووریی هەرێم کرایەوە و رۆڵی ئازادی رادەربڕین و میدیای سەربەخۆ لەبەرەوپێشچوونی رەوتی دیموکراسیدا گفتوگۆی لەبارەوەکرا.

لە درێژەی دیدارەکەدا سەرۆک بافڵ ئاماژەی بە هەنگاوەکانی بووژاندنەوەی بازاڕ و کاروکاسبی هاوڵاتییان کرد و داواکارییەکانی بازرگان و خاوەنکارانی گەیاندە کونسوڵی ئەمریکا و داوایکرد هاوکار و پشتیوان بن لەسەرخستنی ئەم پرۆسەیەدا.

سەبارەت بە رووبەڕووبوونەوەی تیرۆر و ریشەکێشکردنی پاشماوەکانی داعش، سەرۆک بافڵ سوپاسی رۆڵ و پشتگیری بەردەوامی هێزەکانی هاوپەیمانانی کرد کە هاوکار و بەشدارێکی سەرەک…

• "ئەو بریارە، برینی جەستەی خوشک و برا ئیزدییەکانمان ساڕێژدەکات"
  
  لەپێشهاتێکی نوێی چاوەڕوانکراودا پەرلەمانی ئەڵمانیا
  
   جینۆسایدی ئیزدییەکان لە عێراقدا بەڕەسمی ناساند
  
  رۆژی پێنج شەممە ١٩ کانوونی دووەم ٢٠٢٣
  
  پەرلەمانی ئەڵمانیا کۆمەڵکوژی ئیزدییەکانی عیراقی لەلایەن جیهادییەکانی بەناو دەوڵەتی ئیسلامی لە عیراق بە "جینۆساید" ناساند، کە لە٩حوزەیرانی ٢٠١٤ەوە بەپیلان و نەخشەیەکی رەگەزپەرستی داعش کۆمەڵکوژیی کردن
  
  مەکتەبی ناوەندەکانی یەکێتیی نیشتمانیی کوردستان لەدەرەوەی وڵات بەخۆشحاڵیەوە پێشوازیی لەو هەنگاوە درەنگ وەخت و گرنگەی ئەڵمانیا دەکات، کە هەرچەندە درەنگ وەخت بوو، بەڵام لانی کەم بەشێکی برینی جەستەی خوشک و برا ئیزدییەکانمان ساڕێژدەکات، کە بۆ هەتاهەتایە، خەبات و تێکۆشان و چەوساندنەوەو ستەمەکانیان  لەیادەوەری کۆمەڵگەی مرۆڤایەتیدا بەنەمری دەمێننەوە، کە تاکو ئێستاش، "هەروەکو خوشک و براکانیان لەکارەساتی پڕ لەتراژیدیای ئەنفالدا  لەلایەن رژێمی بەعسی لەناوچووەوە هەر بەزیندوویی، زیندە بەچاڵ کران"، خوێن لەزامەکانیان دەچۆڕێت...
  
  هاوکات خوازیارین ئەو بڕیارەی ئەمڕۆ لەپەرلەمانی ئەڵمانیا بەزۆرینەی دەنگ پەسەندکرا، ببێتە سەرەتاو دەستپێکێک تاکو تێکڕای پەرلەمانانی وڵاتانی دنیا بەبوێرانەو دلێرانە، کۆمەڵکوژی خوشک و برا ئیزدییەکان بەڕەسمی بناسێنن و ئۆقرەیی و سەبووریی بۆ هەست و نەستی کەسوکاریی قوربانییەکان بگڕنەوە کە نزیکەی نۆ ساڵە بەردەوام برین و ئازارەکانیان دێنەوە سوێ.
  
  بۆ ئەو مەبەستەش هیوادارین پێکەوە بەگیانی هەستکردن بەبەرپرسیارێتیی نیشتمانیی و هاوسۆزییەوە، رەوەندی کوردستانی وێڕای پشتیوانیی و پشتگیریی لەو بڕیارە، بەگرنگییەوە تواناکانی خۆی بۆ سەرخستنی هەوڵ و کۆششەکانی کۆمەڵگەی مرۆڤایەتی بخاتەکارو
  
   
  
  مەکتەبی ناوەندەکانی یەکێتیی نیشتمانیی کوردستان، بەرێزەوە یادی قوربانییەکان بەبەرزیی و نەمریی دەنرخێنێت، هەروەها ئەو بڕیارەی پەرلەمانی ئەڵمانیا بەگرنگ دەزانێت بۆ گەڕانەوەی ماف و هەقی زەوتکراوی خوشک و برا ئێزدییەکانمان، بەچاکیش درک بەسوێی ئازارەکانیان دەکات، بۆیە هەر لەسەرەتای تراژیدیاکەوە هاوخەم و پشتیوانییان بووەو بەسنگێکی فراوانەوە ئامێزی گەرمی نیشتمانیی و کوردستانیانەی بۆ ئاوەڵڵا کردوون...
  
  لەناخی دڵەوە خۆشحاڵی خۆمان بەو بڕیارە دەردەبڕین هیوادارین هەنگاو دەستپێکێکیش بێت بۆ ئەوەی کارەساتی ئەنفالیش لەسەر ئاستی دنیا دانی پێدابنرێت و بەڕەسمی بناسێنرێت کەتاهەتایە ئەو دوو تاوانە پەڵەیەکی رەشن بەنێوچەونی دوژمنانی مرۆڤ و کۆمەڵگەی مرۆڤایەتییەوە...
  
   
  
  پۆڵا سیروان تاڵەبانی
  
  لێپرسراوی مەکتەبی ناوەندەکانی دەرەوەی
  
  یەکێتیی نیشتمانیی کوردستان
  
  ١٩ کانوون دووەم ٢٠٢٣
  
  
  
  ناوەرۆکی بڕیاری ئەڵمانیا سەبارەت بە ناساندی جینۆسایدی ئێزیدیەکان
  
  قەتڵوعامی سەر ئێزیدییەکان کە بە جینۆساید ناسێنرا
  
  کوشتن وبڕین و کۆیلەکردن و دەستدرێژی
  
  لە ساڵی ٢٠١٤وە میلیشیای تیرۆریستی (داعش) "دەوڵەتی ئیسلامی" هەزاران ئێزیدی لە باکووری عێراق کوشت. ئێستا  "Bundestages" ئەمەی بە جینۆساید ناساندووە. ئەندامانی پەرلەمانی ئەوروپا بە کۆی دەنگ دەنگیان بەو بڕیارنامەیە دا کە لەلایەن ترافیک لایت و یەکێتییەوە پێشکەشکرا.
  
  Bundestages قەتڵوعامی و کوشتنی سیستماتیکی ئێزیدیان لە باکووری عێراق لەلایەن میلیشیای تیرۆریستی "دەوڵەتی ئیسلامی" (داعش) بە جینۆساید ناساندووە. جێگرەکان بە کۆی دەنگ دەنگیان بەو بڕیارنامەیە دا کە بە هاوبەشی لەلایەن گروپەکانی ترافیک لایت و CDU/CSU پێشکەشکرا.
  
  بەم پێیە Bundestages یەکەم پەرلەمانی دەوڵەتێکی گەورەی ئەوروپایە کە ئەو دڕندەییانەی لە ساڵی ٢٠١٤دا بەرامبەر کوردانی ئێزیدییەکان ئەنجامدراون بە جینۆساید بناسێت. لە بڕیارنامەکەدا هاتووە، " Bundestages ئەڵمانی کڕنۆش دەبات بۆ قوربانیانی تاوانەکانی جەنگ و تاوانەکانی دژ بە مرۆڤایەتی کە لە لایەن داعشەوە ئەنجامدراون".
  
  پەرلەمان دان بەوەدا دەنێت کە تاوانەکانی میلیشیاکانی داعش "بابەتی جینۆسایدە بە مانای ڕێککەوتننامەی نەتەوە یەکگرتووەکان بۆ ڕێگریکردن و سزادانی تاوانی جینۆساید".
  
  لە مانگی ئابی 2014ەوە هەزاران ئێزیدی لە ماڵ و حاڵی خۆیان لە چیای شنگال لە باکوری عێراق لەلایەن داعشەوە دەرکراون، بە کۆیلە کراون یان کوژراون و دەستدێژیان کراوەتە سەر. ژنان و منداڵان بە شێوەیەکی سیستماتیکی دەستدرێژییان کراوەتە سەر و فرۆشراون. بە مەزەندەکردنی ٥٠٠٠ کەس کوژراون.
  
  وەزیری دەرەوەی فیدراڵی ئانالینا باربۆک (گرینز) Annalena Baerbock (Grüne)  ڕایگەیاند، بڕیارەکەی بوندستاگ Bundestages هەروەها قبوڵکردنی فەرمانی گەڕان بەدوای ئەو کەسانەدا بووە کە تا ئێستا بێسەروشوێنن و ڕفێنراون. چاودێران وا گریمانە دەکەن کە نزیکەی سێ هەزار ئێزیدی هێشتا لەلایەن چەکدارانی داعشەوە دەستبەسەرن یان بێسەروشوێنن. بایربۆک وتی: ناتوانین جینۆسایدەکە پێچەوانە بکەینەوە، بەڵام دەتوانین دڵنیابین لەوەی قوربانییەکان دادپەروەری وەربگرن بۆ ئەوەی جینۆسایدەکە بۆ میرات نەبێت.
  
   
  
  لە ئەڵمانیا "گەورەترین ڕەوەندی ئێزیدی لە سەرانسەری جیهاندا".
  
  ووتاردەرانی هه‌موو فراکسیۆنه کان له گه ڵ به ڕده وامبوون له پێدانی پاراستنی مافی په نابه ڕی ئێزیدیان له ئه ڵمانیا هاته ده نگ. لە هەمان کاتدا گەڕانەوەی ئاوارەکان بۆ زێدی خۆیان بتوانرێت ببێتە میکانیزمێک و خێزانەکان یەکبگرنەوە. هەروەها پێشخستنی ئۆفەری پەروەردەیی و توێژینەوە و دامەزراندنی ناوەندی ئەرشیف و بەڵگەنامەسازیش جێگەی نیگەرانییە.
  
   
  
  بۆندستاگ لە بڕیارنامەکەیدا ڕایگەیاندووە "گەورەترین ڕەوەندی ئێزیدی لە جیهاندا لە ئەڵمانیا دەژین". "گرنگ ژیانی ئەوانە لە چارەنووسی خۆیاندا". ڕەوەندی ئێزیدیەکان بەشێکە لە کۆمەڵگای ئەڵمانی. بۆندستاگ بە جەختەوە کار بۆ پاراستنی ژیانی ئێزیدیەکان لە ئەڵمانیا دەکات.
  
   
  
  هەروەها پەرلەمانتاران کۆمەڵێک داواکارییان ئاراستەی حکومەتی فیدراڵی کرد لەو بارەیەوە. ئاماژەی بەوەشکردووە، پێویستە لێکۆڵینەوەی یاسایی و لێپێچینەوە لە تاوانبارانی داعش لە ئەڵمانیا بەردەوام بێت و "بە بەردەوامی" ئەنجام بدرێت و فراوانتر بکرێت. هەروەها داوایان کرد لە نێوان شتەکانی تردا بۆ چاکسازی لە یاسای تاوانەکانی عێراق و پاڵپشتی لە گەڕان بە دوای "ژن و منداڵ و کەسوکاری ڕفێندراودا کە تا ئێستا بێ سەروشوێنن" و هاوکاری بن لە بنیاتنانەوەی شارۆچکە و گوندە وێرانبووەکان، دەشڵێت .
  
   
  
  ئەنجوومەنی ناوەندی ئێزیدییەکان خۆشحاڵی خۆی دەردەبڕێت
  
  ئەنجوومەنی ناوەندی ئێزدییەکان لە ئەڵمانیا باسی لە ڕۆژێکی مێژوویی کرد. لە هەژماری تایبەتی خۆی لە تۆڕی کۆمەڵایەتی تویتەر نووسیویەتی "ئێمە ئەوەمان کرد". ئێستا دەبێت دەڤەری شنگال بە خێرایی ئاوەدان بکرێتەوە، زمفیرە دلۆڤانی، سەرۆکی ئەنجوومەنەکە لە تۆڕی کۆمەڵایەتی فەیسبووک دەڵێت. ئێزیدییەکان "سەر بە خێمە و کەمپ نین، سەر بە زێدی خۆیانن". بە گوتەی چاودێرانی نێودەوڵەتی، لە ئێستادا نزیکەی ٣٠٠ هەزار ئێزیدی لە کەمپەکانی ئاوارەکاندا دەژین، لە هەندێک حاڵەتدا لە بارودۆخێکی وێراندا دەژین.
  
  پڕۆژە یاسا پەسەندکراوەکە لە ڕووی یاساییەوە پابەندکەر نییە. بەڵام بۆندستاگ هەڵوێستێکی مێژوویی ڕوونی هەیە و داواکارییە سیاسییەکان ئاراستەی حکومەتی فیدراڵی دەکات. هەروەها فراکسیۆنەکانی چەپ و ئەفدە کە لە داڕشتنی بڕیارنامەکەدا بەشدار نەبوون، دەنگی بەڵێیان دا. پێش بوندستاگ، پەرلەمانەکانی هۆڵەندا، بەلجیکا و ئوسترالیا پێشتر کردەوەی توندوتیژی دژی ئێزیدییەکانیان بە جینۆساید ناساندبوو.
  
  وەرگێڕانی لە فەڕەنسیەوە بۆ کوردی سۆرانی
  
   عەلی محمود موستەفا

نەرویج/ بەڕێوەچونی سمینارێکی سیاسی
 ئەمڕۆ شەممە ڕێکەوتی ٢٠٢٣/١/٢١  وەفدێکی یەکێتی نیشتمانی کوردستان بەشداریان کرد لە سمینارێکی سیاسی کە لەلایەن حیزبی دیموکراتی
 کوردستانی ئێران بە بۆنەی ٢ی ڕێبەندان، ٧٧مین ساڵوەگەڕی دامەزراندنی کۆماری کوردستان، بۆ بەرێزان: حەسەن حاتەمی و هاشم رۆستەمی ڕێکخرابوو، نێونیشانی بابەتەکان بریتی بوون لە دوێنی و ئەمڕۆ و سبەینێ.
کە تێیدا چەندین بابەتی هەنووکەیی و گرنگ باسی لەبارەوە کرا

لەگەڵ ڕێزماندا
ڕاگەیاندنی ناوەندی یەکێتی نیشتمانی کوردستان نەرویج

رۆژی شممە ریکەوتی ٢١/١/٢٠٢٣ لە شاری هیلسنکی شاندی ناوەندی یەکیتی نیشتیمانی کوردستان لە فیلاندا کە پیک هاتبوون لە هەڤاڵان ئەنوەر پینجوینی بەرپرسی پەیوەندیەکان و مەیهەن نجیب نامدار لیپرسراوی راگەیاندن بەشداری سیمیناریک بوون کە لەلایەن حزبی دیموکراتی کوردستانی ئیران  بۆ خاتوو کویستان جلیل گادانی مامۆستای زانکۆ لە ووڵاتی نروج  بەبۆنەی ٧٧ هەمین ساڵیادی کۆماری کوردستان ریکخرابوو سیمینارەکە  بەشیوەیەکی گشتی پرسیارو وەڵامدانەوەی  لەخۆگرتبوو  هەروەها چەند پارچە میوزیکیک لەلایەن هونەرمەند فەیزی نژاد پیشکەش کرا جیگای ئاماژەیە سیمینارەکە ٣ کاتژمیری خایاند

چل رۆژ لەمەوبەر فەرماندەیەكی قارەمان، پێشمەرگەیەكی چاونەترس، برا و هاوڕێیەكی شیرینمان چووە ریزی شەهیدان و بەڵێنەكەی خۆی بەرامبەر خاك و خەڵكەكەی بەجێهێنا، كە ئەمەش ئاكاری هەمیشەیی پێشمەرگە و فەرماندە تێكۆشەرەكانی یەكێتیی نیشتمانیی كوردستان بووە و هەرواش دەبێت.

‏‎ئەوەی كاك ئاكام لە جەنگی رووبەڕووبوونەوەی تیرۆر و پاراستنی خاكی كوردستاندا ئەنجامیدا، زۆر لەوە زیاتر و گەورەتربوو كە لێی چاوەڕێدەكرا. ئەو بەتەمەنێکی کەم و لێهاتووییەکی زۆرەوە داستانێکی تۆمارکرد کە بۆ هەمیشە لە یادەوەریماندا بە زیندوویی دەمێنێتەوە و بەشانازییەوە لە مێژوودا دەنووسرێتەوە.

بەڵێنی خۆمان بۆ رۆحی شەهید ئاکام و هەموو هاوسەنگەرەکانی دووپاتدەکەینەوە کە خەبات و ماندووبوونەکانی ئەو فەرماندەیەمان لەیاد ناکەین و درێژەی پێدەدەین، کوردستان وەک چاومان دەپارێزین و هێزی کۆماندۆی کوردستان کە بەرهەمی هەوڵ و تێکۆشانی ئەو برایەمان بوو، گەورەتر و پتەوتر دەکەین.

دروود بۆ رۆحی شەهید ئاکام عومەر و سەرجەم شەهیدانی رێگای رزگاریی کوردستان

بافڵ جەلال تاڵەبانی
سەرۆکی یەکێتیی نیشتمانیی کوردستان

ناوەندی (ی.ن.ک)سوید

ڕۆژی یەک شەممە 15-01-2023 بەئامادەبوونی لێپرسراوی ناوەندی (ی ن ک) لە سوید وئەندامانی مەکتەبی ناوەندی دەرەوە و ئەنجومەنی ڕێکخستنی سوید کۆبوونەوە بەڕێوەچوو
دەستپێکی کۆبونەوە بەدەقەیەک بێدەنگی بۆگیانی پاکی شەھیدان و دواتر ل.ناوەند بەخێرھاتنی ھەڤاڵانی ئەندام مەکتەب و سەرجەم بەشداربوانی کرد ھەریەک لەھەڤاڵانی مەکتەب و ئەنجومەنی ناوەندی یەکێتی سوید قسەوباسێکی زۆریانکرد وەباس لە کاروچالاکیەکانی ڕابردوکرا و تیشک خرایەسەر کار چالاکی و ھەنگاوەکانی جێبەجێ کردنی بەرنامەی ئایندە و  کاری پێکەوەی

تەوەرێکی کۆبوونەوەکە  پێکھاتبوو لە پرسیارو پێشنیاری  ھەڤاڵانی ناوەند بەخۆشحاڵیەوە ئەندامانی مەکتەب وەڵامی سەرجەم پرسیار و پێشنیارەکانیان دارایەوە و کۆتای بە کۆبونەوەکەھێنرا.

ئەمڕۆ بەرواری ٢١-١-٢٠٢٣ بە ئامادەبوونی ھەڤاڵ لەمیعە بالەک لێپرسراوی بەشی ڕێکخستن ناوەندی نەمسای یەکێتی نیشتمانی کوردستان ھەڵمەتی بەسەر کردنەوەی ئەندامان و ھەروەھا پڕکردنەوەی فۆرمی ئەندامێتی نوێ ، لای خۆشیەوە بەرپرسی بەشی ڕێکخستن سوپاسی ھەڤاڵان کرد کە بەدەم داواکاری پڕ کردنەوەی فۆرمەکە بوون .


ناوەندی نەمسا ی.ن.ك
٢١-١-٢٠٢٣

ناوەندی ئوسترالیا کۆبووەوە
بە سەرپەرشتی بەڕێز ھاوار حاجی لێپرسراوی ناوەندەکانی دەرەوە ٢٢/١/٢٠٢٣ لە ڕێی تۆڕی سکایپ ناوەندی یەکێتی نیشتمانی کوردستان کۆبوونەوەیەکی تێر و تەسەلی ئەنجامدا بە ئامادەبوونی لێپرسراوی ناوەندو سەرجەم لێپرسراوی بەشەکان و بەرپرسی کەرتەکانی ھەرپێنج ویلایەت و ھەرێمەکانی کیشوەری ئوسترالیا.
سەرەتای کۆبوونەوەکە بە خولەکێک بێدەنگی بۆ گیانی پاک و پیرۆزی شەھیدان دەستی پێکرد ، پاشان بەڕێز کاک ھاوار تیشکی خستە سەر چەندین تەوەری گرنگ سەبارەت بە کاری ڕێکخستن و ناوەندەکانی دەرەوە و بارودۆخی ھەنوکەیی ئێستای یەکێتی و کوردستان و وەڵامی پرسیار ی ئامادەبووانی دایەوە و ڕوونکردنەوەی گرنگ وسوودمەندی خستە ڕوو .. کۆبوونەوەکە دوو کاتژمێر و نیوی خایاند و بە سەرکەوتوویی ئەنجامدرا..
ناوەندی ئوسترالیا

لەچلەی فەرماندە ئاکام دا
هەردەم لەبیرمانی

جوامێری و دڵسۆزییەکانت چرای رۆشنی داهاتوومانە

ئێوارەی شەممە ٢١ کانوون دووەم ٢٠٢٣ لەسلێمانی بەشداریمان کردلە رێڕەسمی شکۆدارو ماتەمینی چلەی فەرماندە ئاکام عومەر

لەو رێوڕەسمەدا بەشکوە رێزمان لە خەبات و گیانبازیی و قوربانیدانی شەهیدي فەرماندە گرت و بەڵێنمان نوێ کردەوە کە تا کۆتایی لەسەر رێ و رێبازی شەهیدانی کوردستان بەردەوام بین

راگەیاندنی
مەکتەبی ناوەندەکانی دەرەوەی
یەکێتیی نیشتمانیی کوردستان

سویسرا/ بەڕێوەچونی سمینارێکی سیاسی
 ئەمڕۆ یەکشەممە ڕێکەوتی ٢٠٢٣/١/٢٢  وەفدێکی یەکێتی نیشتمانی کوردستان بەشداریان کرد لە سمینارێکی سیاسی کە لەلایەن حیزبی دیموکراتی
 کوردستانی ئێران بە بۆنەی ٢ی ڕێبەندان، ٧٧مین ساڵوەگەڕی دامەزراندنی کۆماری کوردستان، بۆ بەڕێز خالید عەزیزی وتەبێژی حیزبی دیموکراتی کوردستانی ئێران ڕێکخرابوو، سیمینارەکە خۆی لەدوو تەوەردا دەبینیەوە یەکەم کۆماری مھاباد و گۆڕانگاریەکانی دنیا و بەتایبەت ناوچەی خۆرھەڵاتی ناوەڕاست و چۆنێتی پەرەپێدانی پەیوەندیە کوردستانیەکان. پاش چەند سەعاتێک سیمینارەکە
 کۆتایهات و ھەڤاڵانی ناوەند زۆر سوپاسی کۆمیتەی حیزبی دیموکراتیان کرد بۆ ئەو پێشوازیە گەرمەی لێیانکرا

لەگەڵ ڕێزماندا
ڕاگەیاندنی ناوەندی یەکێتیی نیشتمانیی کوردستان/ سویسرا

ئەمڕۆ یەکشەممە ڕێکەوتی ٢٠٢٣/١/٢٢ ناوەندی یەکێتیی نیشتمانیی کوردستان لە نەرویج بە ئامادەبوونی هەڤاڵ (هەندرێن باوەنوری) ئەندامی مەکتەبی ناوەندەکانی دەرەوەو  بەسەرپەرشتی لێپرسراوی ناوەند هەڤاڵ ( نەبەز تۆفیق)  کۆبونەوەەی ئاسایی خۆی بەبەشداری بەرپرسی( بەشەکان و زۆنەکان ) ی ناوەند ئەنجامدا کەتێیدا بەشێک لەهەڤاڵان لەڕێگەی ڤیدیۆ سکایپەوە بەشداربوون  . کۆبونەوەکە بەساتێك بێ دەنگی بۆ ڕێزگرتن لە گیانی پاکی شەهیدانی کوردو کوردستان دەستی پێکرد، پاشان هەڤاڵ لێپرسراوی ناوەند تیشکی خستە سەر کۆبوونەوەیان لەگەڵ هەڤاڵ پۆڵا سیروان تاڵەبانی ئەندامی مەکتەبی سیاسیی و لێپرسراوی مەکتەبی ناوەندەکانی دەرەوە لەگەڵ لێپرسراوی ناوەندەکانی وڵاتانی دەرەوە، لەژێر نێونیشانی "ساڵی نوێ، ساڵی گەشەپێدانی زیاتری یەکێتی دەبێت" کەتێیدا چەندین تەوەرو بابەتی گرنگ بڕیاری لەبارەوە دراوە بەتایبەت بەرنامەی کاری ئەمساڵ، دوواتر باس لەکاروچالاکیەکانی ناوەند (ی ن ک )کرا بۆ داهاتوو،  هەڤاڵ (هەندرێن باوەنوری) لەلای خۆیەوە پشتگیری تەوای بۆ بەرپرس و ستافی ناوەند دەربڕی و هیوای سەرکەوتنی بۆ خواستن و زۆر بە ووردی باسی تەواوی بەرنامەو کارنامەی داهاتوویی بۆ هەڤاڵان کرد و دڵنیایی دا کەوا ئەمساڵ ساڵی گەشەسەندنی ڕێزەکانی ی ن ک دەبێت لە دەرەوەی وڵات .  پاشان هەڤاڵ مام سەید نەجمەدین کارگێڕی ناوەندو لێپرسراوی  ڕێکخستنەکان   بەتێرو تەسەلی باسی ڕێکخستنەوەی ڕێکخستنەکان کردو زۆر بە ووردی بەرنامەو کارنامەی ئایندەی بۆهەڤاڵان ڕوونکردەوە، دوواتر هەڤاڵان لە بەرپرسی (بەشەکان و زۆنەکان ) ڕاپۆرتی خۆیان پێشکەشکردو پێشنیارو بۆچونەکانیان لە بارەی بابەتە جیاوازەکانەوە گفتوگۆی لەسەرکرا و بڕیاری گونجاو پێویستیان لەبارەوە درا، لەکۆتاییدا لەلایەن هەفاڵانەوە جەختکرایەوە لەسەر بەردەوامی کۆبوونەوەکان و کارو چالاکییەکانی ناوەندەکە و بەم شێوەیە پاش چەند سەعاتێک گفتووگۆی یەکێتی یانەو هەڤاڵانە کۆتایی بەکۆبونەوەکە هێنرا.

لەگەڵ ڕێزماندا
ڕاگەیاندنی ناوەندی یەکێتی نیشتمانی کوردستان/ نەرویج

نەرویج/ بەڕێوەچونی مەراسیمی پرسە

ڕۆژی یەکشەممە ڕێکەوتی ٢٠٢٣/١/٢٢   مەراسیمی پرسەی دایکی هونەرمەند (شێروان بێرکۆتی)  بەڕێوەچوو، بەمەبەستی بەشداری و سەرەخۆشی کردن شاندێکی ناوەندی نەرویج بەسەرپەرەشتی هەڤاڵ هەندرێن باوەنوری ئەندام مەکتەب و هاوڕێیەتی هەڤاڵان نەبەز تۆفیق لێپرسراوی ناوەند و ژمارەیەک لە هەڤاڵان بەشداریان کرد و پرسەو سەرەخۆشی ناوەندەکەیان ئاراستەی هونەرمەند شێروان بێرکۆتی و  بنەماڵە بەڕێزەکەیان کرد هیوایان خواست ئەمە دوا کۆستیان بێت


لەگەڵ ڕێزماندا
ڕاگەیاندنی ناوەندی یەکێتی نیشتمانی کوردستان/ نەرویج

مەکتەبی ناوەندەکانی دەرەوە

(پرسەنامە)

بۆ بەڕێزان / بنەماڵەی کۆچکردوو بەدیعە عوسمان موستەفا چوارباخی

بەناوی لێپرسراوی مەکتەب و هەموو هەڤاڵانی مەکتەبی ناوەندەکانی دەرەوە پرسەو سەرەخۆشی ئاراستەی هەڤاڵان  کاک حەمە عوسمان مستەفا لە ووڵاتی فەڕەنسا وە ھەڤاڵ ناهیدە عوسمان مستەفا لە ووڵاتی ئەڵمانیا وە هەروەها خانەوادەی تێکۆشەر و کەسوکاری و هەڤاڵانی خوالێخۆشبوو دەکەین

لە دەستدانی کەسایەتیەکی وەک خاتوو بەدیعە عوسمانی تێکۆشەر لە ناخەوە هەموومانی نیگەرانکرد، داواکارین لە خوای گەورە گیانی خوالێخۆشبوو بە بەهەشتی بەرینی خۆی شاد بکات و سەبووری و ئارامی ببەخشێت بە خانەوادە تێکۆشەرەکەیان


پۆڵا سیروان تاڵەبانی
لێپرسراوەی مەکتەبی ناوەندەکانی دەرەوە
٢٣/٠١/٢٠٢٣

سەردان و بەسەر کردنەوە

ئەمڕۆ بەرواری ٢٣-١-٢٠٢٣ هەریەک لە هەڤاڵان ئامینە محمد ئەندامی مەکتەبی ناوەندەکانی دەرەوە و لێپرسراوی ناوەندی نەمسا و هەڤاڵ کاک جەمال خانەقینی ئەندامی کەرتی ڤییەنا و هەڤاڵ لەمیعە بالەک لێپرسراوی بەشی ڕێکخستن و هەڤاڵ سەردار ئەحمەد لێپرسراوی بەشی دارای و هەڤاڵ شاخان عەلی لێپرسراوی کەرتی گراتس و لێپرسراوی ڕاگەیاندن بە مەبەستی لە نزیکەوە ئاگادار بوون لە ڕەوشی تەندروستی سەردانی هەڤاڵ (کامەران کەریم جاف) مان لە نەخۆشخانە کرد کە ماوەیەکی زۆرە تەندروستی باش نیە ، بە ناوی ناوەندی نەمساوە هیوای تەندروستیەکی باشی بۆ ئەخوازین

ناوەندی نەمسا ی.ن.ک

٢٣-١-٢٠٢٣

کۆبوونەوە


ئەمڕۆ بەرواری ٢٣-١-٢٠٢٣ ھەڤاڵ ئامینە محمد ئەندامی مەکتەبی ناوەندەکانی دەرەوە و لێپرسراوی ناوەندی نەمسا یەکێتی نیشتمانی کوردستان و ھەڤاڵ کاک حەمە کەریم لێپرسراوی بەشی پەیوەندیەکانی ناوەندی نەمسا کۆبوونەوە
دانیشتنەکە تایبەت بوو بە تاوتوێکردنی پەیوەندیەکان و چۆنیەتی بەڕێوەچونی کاروبارەکان لە داھاتودا و سەبارەت بە پەیوەندیە گشتیەکان و پەیوەندیە کوردستانیەکان ، ھەروەھا بەرنامەی کاری ساڵی ٢٠٢٣ تاوتوێ کرا و باس لە چۆنیەتی ڕێکخستنەوە و بەرەو پێش بردنی پەیوەندیەکانی یەکێتی نیشتمانی کوردستان کرا


ناوەندی نەمسا ی.ن.ك
٢٣-١-٢٠٢٣

کۆبوونەوە

لەسەر بانگھێشتی باڵوێزی عێراق لە ووڵاتی نەمسا بەڕێز کاک بکر فتاح ئەمڕۆ ھەریەک لە ھەڤاڵان ئامینە محمد ئەندامی مەکتەبی ناوەندەکانی دەرەوە و لێپرسراوی ناوەندی نەمسا ی.ن.ك و ھەڤاڵ کاک حەمە کەریم لێپرسراوی پەیوەندیەکانی ناوەندی نەمسا بەشداریان کرد لە کۆبوونەوەی نوێنەری حیزبە عێراقیەکان لە ووڵاتی نەمسا و لە کۆبوونەوەکەدا بەڕێز کاک بەکر فەتاح تیشکی خستەسەر دواین ڕوداوەکانی عێراق و ئەو ھەوڵانەی کە سەفارەت دەیدات و بەڕێزیان ئاماژەیان بە کردنەوەی سەفارەتی نەمسا لە عێراق داو لە ھەمان کاتدا تەوەری سەرەکی کۆبوونەوەکە بردنەوەی عێراق بوو لە جامی کەنداو کە دەستپێکێکی گرنگە بۆ سەرجەم گەلانی عێراق ھەروەھا گرنگی دان بە بواری وەرزش و ھەستانەوە بۆ سەجەم عێراقیەکان وە ھەروەھا ھەوڵە جدیەکان بۆ چارەسەری ئەو کێشانەی کە لە ڕابردودا و لە ئێستادا چەقیان بەستبوو
دواتر ئامادەبوانیش بە پێشنیار و ڕاوبۆچون و پرسیارەکانیان بەشدار بوون لە دانیشتنەکەدا ، وە بەڕێز جەنابی سەفیر سوپاسی ئامادەبوانی کرد بۆ بەشداری کردنیان

ناوەندی نەمسا ی.ن.ك
٢٣-١-٢٠٢٣

بافڵ جەلال تاڵەبانی، سەرۆکی یەکێتیی نیشتمانیی کوردستان بەیاوەری رەفعەت عەبدوڵا، بڕیاردەری دەستەی کارگێڕی و فەرید ئەسەسەرد، سكرتێری ئەنجوومەنی سەركردایەتی، سەردانی بزووتنەوەی گۆڕانی کرد و لەلایەن عومەر سەید عەلی و وەفدێکی باڵای بزووتنەوەکەوە پێشوازیلێکرا

لە کۆبوونەوەکەدا دوایین گۆڕانکارییە سیاسی و ئابوورییەکانی هەرێم تاوتوێکران و جەخت لە پاراستنی یەکڕیزی و لێکتێگەیشتن کرایەوە لەپێناو چارەسەرکردنی کێشەکان و زاڵبوون بەسەر ئاڵنگارییەکاندا

لە درێژەی کۆبوونەوەکەدا پتەوترکردنی پەیوەندییەکانی نێوان هەردوولا جەختیلێکرایەوە و خێراترکردنی هەنگاوەکان بۆ چارەسەرکردنی کێشەکان لە بەغدا لەچوارچێوەی دەستوور و دەستبەرکردنی ژیانێکی شایستە بۆ خەڵک بەپێویست زانرا

دانیمارک
کۆڕی ماتەمینی بۆ  ساڵیادی تیرۆرکردنی  شەھید( محمد باقر الحکیم ) بەڕێوەچوو

ئێوارەی ڕۆژی سێشەمە ڕێکەوتی 2023.1.24 بە ئامادەبوونی بەڕێز ( د. دیار ئەحمەد مەجید ) کاربەڕێکەری باڵێۆزخانەی عێراق لە دانیمارک وە  چەندین پارت و لایەنی سیاسی کوردی و عەرەبی کۆڕیادێک بۆ شەھیدی میحراب ( بەڕێز محمد باقر الحکیم )  سازکرا کەتیایدا باس لە خەبات و تێکۆشانی ئەو زانا ئاینیە کرا وە باس لە ھەڵوێستی بەرھەڵستکارانەی کرا بەرامبەر ڕژێمی سەدام کە ھەمیشە کەسێک بووە پارێزگاری لە مافەکانی گەلی عێراق کردووە بە ھەموو چین و توێژەکانیەوە
بۆ ئەو مەبەستە و لەسەر بانگھێشتی فەرمی سەرپەرشتیارانی مەراسیمەکە  ھەریەک لە ( مجلس الاعلی الاسلامی و ڕەوتی حیکمەی نیشتیمانی) وەفدێکی ناوەندی یەکێتی نیشتیمانی کوردستان لە دانیمارک کە پێکھاتبوون لە
 ھەڤاڵان ( ھاوڕێ محمود ) کارگێڕی ناوەندی یەکێتی نیشتیمانی کوردستان لە دانیمارک و ( سەباح فاروق )  کارگێڕی کەرتی ڕێکخستنی کۆبنھاگن  ئامادەی ئەو ڕێو ڕەسمە بوون . کەتیایدا لەلایەن (ھاوڕێ محمود)ەوە ووتەی پرسە و سەرەخۆشی ناوەندی یەکێتی  ئاراستەی ئامادەبووان کرا ، کە ئاماژەی کردە سەر خەبات و تێکۆشانی ئەو زانا ئاینیە وە ھەڵوێستی ئەو بەڕێزەی بەرز نرخاند کە یەکێک بووە لە دۆستە نزیکەکانی ( سەرۆک مام جەلال ) وە زۆربەی قوناغەکانی خەبات دژی ڕژێمی سەدام ھاو ھەڵوێست بوون وە پارێزگاری لە مافەکانی گەلی کورد کردووە و خوێن ڕژانی کوردی بە حەرام زانیوە..جێگای ئاماژەیە ئەم ڕۆژە بەڕۆژی شەھیدانی عێراق ناسراوە لەناویاندا  شەھیدان لە ھێزی پێشمەرگەی کوردستان کە گیانی خۆیان بەخت کردووە لە پێناوی ئاشتی و ئارامی بۆ تەواوی گەلانی عێراق بۆیە لە بەشێکی ووتەکەدا ڕێز لە قوربانیەکانی ھێزی پێشمەرگە گیرا

مەراسیمەکە بە گووتنەوەی چەندین دروشم و ھۆنراوەی تایبەت بەو یادە کۆتایی ھات

ڕاگەیاندنی ناوەندی دانیمارکی( ی.ن.ک )
                                                                     2023.1.25

دانیمارک
ڕێزلێنان و بەسەرکردنەوە

لە درێژەی کارو چالاکیەکانی ناوەندی یەکێتی نیشتیمانی کوردستان لە دانیمارک ڕۆژی سێشەمە ڕێکەوتی 2023.1.24  وەفدێکی ناوەندی دانیماک کە پێکھاتبوون لە ھەڤاڵان ( ھاوڕێ محمود  ) کارگێڕی ناوەندی یەکێتی نیشتیمانی کوردستان لە دانیمارک و ھەڤاڵ (سەباح فاروق ) کارگێڕی کەرتی ڕبکخستنی کۆبنھاگن سەردانی ھەڤاڵ ( شوکر محمود حەمە) یان کرد  وە لەپای خەبات و ماندوبوونی  لە ماوەی ڕابردوودا ، سوپاسنامە و مەدالیای ڕێزلێنانی ناوەندەکەیان پێش کەش کرد  ، دیارە ھەڤاڵ ( شوکر ) ھەمیشە بەردەوام بووە لە  ئەرکەکانی سەر شانی و لە خێزانێکی تێکۆشەرە و خاوەنی قوربانی زۆرن
لەلایەن خۆیەوە ھەڤاڵ ( شوکر محمود حەمە )   خۆشحاڵی خۆی دەربڕی بۆ ئەم بەسەرکردنەوەیە وە  زۆر سوپاسی ھەڤاڵانی ناوەندی یەکێتی نیشتیمانی کوردستانی لە دانیمارک کرد

ڕاگەیاندنی ناوەندی دانیمارکی ( ی.ن.ک )
                                                                          2023.1.25

سوپاس و پێزانین
ڕاگەیاندنی مەکتەبی  ناوندەکانی دەرەوەی یەکێتی نشتمانی کوردستانی کوردستان
سڵاوێکی گەرم

بەناوی خۆم و بنەماڵەکەمانەوە سوپاس و پێزانینم بۆ بەڕێز بەرپرسی مەکتەبی ناوەندەکانی دەرەوە کاک پۆڵا  سوپاسی پرسەنامەکە و ھەڵوێستی جوانت دەکەم  سەبووریت پێ بەخشین کە ئێمەت بەسەرکردۆتەوە بە پرسەنامە خوای گەورە تەمەن درێژو لەش ساغت بکات  خوا یارمەتیمانبات ھیچ کۆستێکی تر نەیەتە ڕێگەمان بتوانین لە موناسبە خۆشیەکانا بەسەرت بکەینەوە           کاک پۆڵا

لەگەڵ ڕێزی
ناھیدە عوسمان لە ئەڵمانیا

پەیامی هەڤاڵ پۆڵا سیروان تاڵەبانی لەیادی تەقینەوە تیرۆریستییەکەی ١شوباتدا

دوژمنان، جیاوازیی لەنێوان یەکێتی و پارتیدا ناکەن، لای ئەوان گرنگ ئەوەیە زیان بەکوردو هەرێمی کوردستان بگەیەنن

خوێنی گەشی شەهیدانی ١شوبات
١٩ ساڵ لەمەوبەرو لە١شوبات٢٠٠٤ کەهاوکاتیش بوو لەگەڵ یەکەم رۆژی جەژنی قوربانی پیرۆز، دوو تێرۆریستیی بێ بەریی لەبەها بەرزەکانی مرۆڤایەتی لە مەڵبەندی ٣ی رێکخستنی ی.ن.ک لەهەولێرو لقی دووی پارتی لەهەولێر لەناوئاپۆڕای پیرۆزباییکارانی جەژندا خۆیان تەقاندەوەو لەیەک ساتدا ٩٨ کەس بوون بەقوربانیی و سەدان کەسی تریش برینداربوون

زامی بەسوێی لەدەستچوونی ئەو پۆلە قوربانییە تادێت بەسوێتردەبێت و ئازارەکانی لەدەستچوونیان بوون بەتوێشوو بۆ راماڵینی یەکجاریی و کۆتاییهێنان بەرژێمی داگیرکاریی، کەساڵەهای ساڵە بەداخەوە چاویان بەئازادیی کوردو لانی کەم گەیشتنی بەمافە رەواکانیان پێ قبوڵناکرێ، هەرکاتێک خۆری ئازادی و رێککەوتنی کورد بەدیبکەن، بەداخەوە نەخشەو پیلانێکی تیرۆریستیی هاوشێوەی تەقینەوە خۆکوژییە تیرۆریستییەکەی ١شوبات٢٠٠٤ دادەڕێژن

بەداخەوە بۆ  لەدەستچوونی قوربانیانی ئەو تراژیدییە نەخوازراوە، هاوکات پەیامێکیش بوو هێزو لایەنە سیاسییەکانی هەرێم بەتایبەتی یەکێتیی نیشتمانیی کوردستان و پارتی دیموکراتی کوردستان، کە وەک هەمیشە بەگیانی هەستکردن بەبەرپرسیارێتیی ئەوێ رۆژێ و بەئێستاشەوە ،  پێکەوە هەموو هەوڵ و تواناکانیان بۆ پاراستنی خاکی هەرێمی کوردستان و ئەزموونەکەی بخەنەکارو، پێکەوە شانبەشانی یەکتر کاربکەن تێپەڕاندنی کۆسپ و ئاستەنگەکان و کۆتایهێنان کێشەکانیان، چونکە، کارەساتی تیرۆریستیی ١شوبات بۆ هەمووانی سەلماند دوژمنانی هەرێم، جیاوازیی لەنێوان یەکێتی و پارتیدا ناکەن، گرنگ ئەوەیە زیان بەکوردو هەرێمی کوردستان بگەیەنن، بۆیە پێویستە، کوردبوون و خوێنی گەشی قوربانییەکانمان زامن و بنەمای رێککەوتن و کۆتایهێنان بێت بەوەی تەنیا یەکلایەن دەست بەسەر کایەو جومگەکانی دەسەڵاتدا بگرێت


ئەزموونی رابردووش ئەوەی سەلماندووە، تێکڕای دەستکەوت و سەرکەوتنەکانمان، بەرهەمی یەکێتی نێوان حزبەکان و کارکرن بووە بۆ هێنانەدی ویست و خواستی شەهیدە نەمرەکانمان بەتایبەتی شەهیدانی تەقینەوە خۆکوژییەکەی ١شوبات٢٠٠٤

لەم یادەدا خۆم و هەڤاڵانم لەمەکتەبی ناوەندەکانی دەرەوەی ی.ن.ک، سەری رێزو نەوازش بۆ تێکڕای شەهیدانی کوردستان و بەتایبەتی شەهیدانی کارەساتی ١شوبات دادەنەوێنین و سەرەخۆشی لەکەسوکاری سەربەرزیان دەکەین
نەمری بۆ شەهیدانی ١ی شوبات
سەرکەوتن بۆ تێکۆشان و خەباتی خەڵک و هێزە ئازادیخوازەکان

پۆڵا سیروان تاڵەبانی
لێپرسراوی مەکتەبی ناوەندەکانی دەروەی
یەکێتیی نیشتمانیی کوردستان

١شوبات٢٠٢٣

هاوخەمیی هەڤاڵ پۆڵا
 بۆ کوردان و لێقەوماوانی کارەساتی بوومەلەرزەی  باکوورو رۆژئاڤای کوردستان

کۆمەڵانی خەڵکی تێکۆشەرو دڵسۆزو تازیەباری کوردستان

بەندەو هەڤاڵەکانم لەمەکتەبی ناوەندەکانی دەرەوە، بۆ لەدەستچوون و گیانلەدەستدانی قوربانییەکانی ئەو بوومەلەرزە بەهێزەی  بەیانیی زووی دوێنێ دووشەممە " ٦شوبات٢٠٢٣" لەباکوورو رۆژئاڤای کوردستانیدا، زۆر دڵتەنگ و خەمبار بووین، داواکارم لەخوای گەورە بیانخاتە بەر رەحمەت و سۆزو بەزەیی خۆی و رووحی پاکیان  بەبەهەشتی بەرینی خۆی شادبکات، هیوای زوو چاکبوونەوەش بۆ بریندارەکان دەخوازین


 کارەساتەکە بەسوێترە لەکاتێکدا بەهەزاران خەڵکی تر لەژێرداروپەردووی خانوو باڵەخانەو تەلارەکاندا گیریان خواردووەو ماونەتەوە

دیمەنە هەستیارو ویژدان هەژێنەکانی دوو رۆژی رابردووی پەیوەست بەو کارەساتە، هێندە تراژیدیی و خەمناکن، کە هیچ کەسێک ناتوانێت وەک پێویست گوزارشت لەوکارەساتە بکات کە بەڕاستی ناخی هەموو کۆمەڵگەی مرۆڤایەتی بەگشتیی و کۆمەڵانی خەڵکی کوردستانی بەتایبەتی هەژاندووە، هەریەکەو لای خۆمانەوە پرسەو شینگێڕی ئازیزانمانین لەباکوورو رۆژئاوای کوردستان، بەبێ جیاوازیی و ئینتیمای وڵات و  نەتەوەو ئاین

بۆ ئەوکۆست و خەمە قوڵەمان... هەروەک پیشەو خەسڵەتی سروشتیی بەرزو جوامێریی کوردانە، دڵمان لەگەڵ کەسوکاری قوربانییەکان و بریندارەکان و ئەو هەزاران هەزار خەڵکە لێقەوماوەیە کە بەم وەرزی ساردو سەرمایەی زستاندا بێ نوا ماوونەتەوەو لەبەر مەترسی روودانی کارەساتی سرووشتیی هاوشێوەی بوومەلەرزە بەو سەرماو بەستەڵەکە لەشەقام و شوێنە گشتییەکاندا ماونەتەوەو رۆژدەکەنەوە....  لەوەها دۆخێکدا کە زۆر تراژیدیی و هەستیارو ناخهەژێنە، گەڕانەوەمان بۆ ئاکارە بەرزو رەسەنەکانی باوباپیران و پێشینانمان لەپێشکەشکردنی کۆمەک و هاوکاریی بۆ لێقەوماوانی رووداوەکە، کەمترین ئەرکی سەرشانمانە بۆ ئاسوودەیی رووح و دڵ و دەروونمان

جارێکی تر پرسەو سەرەخۆشیی و هاوخەمی و دڵتەنگیمان دوپاتدەکەینەوە، داواکارین دوا خەم و پەژارەی کۆمەڵگەی مرۆڤایەتی بێت

پۆڵا سیروان تاڵەبانی
لێپرسراوی مەکتەبی ناوەندەکانی دەرەوەی
یەکێتیی نیشتمانیی کوردستان
٧ شوبات ٢٠٢٣

پیرۆزبایی رێکخراوە دیموکراسییەکانی مەکتەبی ناوەندەکانی دەرەوەی ی.ن.ک
بۆ ژنانی خۆڕاگرو قەڵای پشتیوانیی کۆمەڵگە


ژنانی تێکوشەرانی ی.ن.ک  شان بەشانی پیاوان لە سەنگەری خەبات و تیکوشاندا، قاڵبووی بۆتەی خەبات بوون، لەسیاسەت و کاری دیپلۆماتیشدا پێشەنگی هەوڵ و کوشش بوون


بەناوی بەشی رێکخراوە دیموکراسییەکانی مەکتەبی ناوەندەکانی دەرەوەی ی.ن.ک، گەرمترین پیرۆزبایی ئاراستەی تێکڕای ژنانی جیهان بەگشتیی و ژنانی کوردستان بە تایبەتی دەکەین... هیوادارین وەکو هەمیشە، ئەو قەڵا پتەو و پۆڵایینەبن، کە لەسایەیاندا تێکڕای کۆمەڵگەی مرۆڤایەتی بەگشتیی و کۆمەڵگەی کوردەواریی هەست بە ئۆقرەیی و ئارامیی دەکەن

وەک لای هەموان ئاشکرایە ژنان هەردەم  رۆڵی گرنگیان هەبوە لە بزووتنەوەی رزگاریخوازیی خەڵکی کوردستانداو بۆ بەدیهێنانی مافە رەواکانی، شانبەشانی هاوسەرو براو هەڤاڵەکانیان لەکۆڕی خەبات و تێکۆشاندا، چەکی کوردایەتی و داکۆکیکردنیان لەشانکردووەو رووبەڕووی دوژمنان بوونەتەوە،  وەهەروەها رۆڵی تایبەتیتریشیان هەبووە دژی چەوسانەوەو زۆرداریی و داگیرکاریی دوژمنان
 لەو پێناوەشدا خاوەنی سەدان هەزار  قوربانیی و کەمئەندامی سەنگەرن،  هەروەها هەم لەکارو چالاکییەکانی رێکخستن و هەمیش لەپێشمەرگایەتیدا، ژنانی کوردستان بەگشتیی و ژنانی تێکوشەرانی ی.ن.ک  شان بەشانی پیاوان لەسەنگەری خەبات و تێکوشاندا، قاڵبووی بۆتەی خەبات بوون، هاوکات لەسیاسەت و کاری دیپلۆماتیشدا ژنان پێشەنگی هەوڵ و کۆشش بوون و ئەو چەمکانەی خەباتیان ئاوێتەی پەروەردەی رۆڵەو نەوەو خێزانەکەی کردووەو هەردەم لە خەباتی بێوچاندا بووە بۆ داکۆکیکردن لە مافەرەواکانی خۆی و کۆمەڵانی خەڵکی دلێری کوردستاندا

ئاشکرایە لەڕیزەکانی یەکێتیی نیشتمانیی کوردستانداو لەهەموو قۆناغەکاندا، ژنان پێشەنگی خەبات و تێکۆشان بوون و  بەگرنگیی و بایەخیشەوە رۆڵیان هەردەم بەرزنرخێنراوە، بەتایبەتی لەلایەن رەوان شاد سەرۆک "مام جەلال"وە هەمیشە رێز و گرنگی تایبەتی بەڕۆلی ژنان دراوە  لەدامەزراوە سیاسیی و حکومیەکاندا

بۆیە ئێستاش رێبازو رێگەی خەباتی سەرۆک مام جەلالی سەرکردەو رابەرمان وامان لێدەخوازێت، لەم قۆناغەی خەباتدا، لەجاران زیاتر گرنگیی و بایەخ بەڕۆڵ و پێگەی ژنان بدەین، چونکە بایەخدان بەژنان و دەستەبەرکردنی مافەکانیان، زامنی هێنانەدی کۆمەڵگەیەکی پێشکەوتوو و تێگەیشتووە لەهەموو کایەکانی ژیاندا

لەم یادە بەرزەدا، درود بۆ گیانی پاکی هەموو ئەو ژنانەی لەپێناوی بەدەستهێنانی یەکسانیی و ئازادیی و مافەرەواکانی خۆیان، شەهیدبوون و گیانی خۆیان لەوپێناوەشدا بەختکردوو بوون بەسومبولی رووناکی و رۆشنایی بۆ ئێستاو داهاتووی نەوەو نەتەوەکەیان


پیرۆز بێت رۆژی جیهانیی ژنان، پیرۆزە لەدایکی سەربەرزو و خوشکی سەلاری شەهیدان

صلحیە حمید محمد
لێپرسراوی بەشی رێکخراوە دیموکراسییەکان

مەکتەبی ناوەندەکانی دەرەوەی یەکێتیی نیشتمانیی کوردستان
٨  ئازار٢٠٢٣

بانگەوازو پشتگیریی هاوکاریی بۆ زیانلێکەوتووانی بوومەلەرزەکە

کەمپینی مەکتەبی ناوەندەکانی دەرەوە، لەبانگەوازێکیدا بۆ کۆمەڵانی خەڵکی کوردستان بەگشتیی و کوردستانیانی خۆشەویست لە دەرەوەی وڵات وەکو نەریتی بەرزی کوردەواریی و خەسڵەتی رەسەنی باوباپیرانمان، کەلەسەختی و دژوارییەکانی ژیانیشیاندا هەردەم  بەشداریی کارایان بووە لەدڵ ئاوەڵایی و جوامێریی و مەردایەتی و هاوکاریی ئەو کەسانەی پێوێستیان بەو هاوکارییانە هەیە،  بە تایبەتی بەشداریی  لەکۆکردنەوەی کۆمەک هاوکاریی بۆ زیان لێکەوتووانی بوومەلەرزەکە لەباکوورو رۆژئاوای کوردستان بکەن

لەئێستادا، لەم وەرزی زستان و سەرمایەدا دەیان هەزار لێقەوماو و زیانلێکەوتووانی بوومەلەرزە بەهێزەکەی باکوورو رۆژئاوا چاوەڕوانی هیمەتی خێرخوازیی و  مرۆڤدۆستانەی ئێوەی دڵسۆزا، زۆرگرنگە لێرەشدا دەستبگرین بەچەمکی یەکخستنی تواناکانمان، بۆ ئەوەی  بەتواناکانی هەموومان لەم کۆستە گەورەو خەمە قوڵەیاندا دڵی ئازیزە بێ نازەکانمان راگرین و پێکەوەبوون و هەستی مرۆڤ دۆستانەی خۆمانیان بۆ دووپاتبکەینەوە

مەکتەبی ناوەندەکانی دەرەوەی
یەکێتیی نیشتمانیی کوردستان

ناونێشانی بانکی ئەڵمانیاو ئەوروپا

Sparkasse Darmstadt
KKH ev
IBAN :- DE 36 5085 0150 0000 7782 14
BIC :- HELADEF 1 DAS
Verwendungszweck   : -Spendenaktion für die Opfer des Erdbebens in der Türkei und in Syrien

ناونێشانی بانکی بەریتانیا

Eville nwes LTD
Sord Code: 08 71 99
Account: 03178371
Ref: Bo Kurd

هەر هاوڵاتیەک خوازیارە بەشداربێت لە هاوکاریکردن دەتوانن لە رێگەی ناوەندەکانی ووڵاتەکەوە هاوکاریەکانیان بنێرن

بانگەواز و پشتگیری بۆ هاوکاری زیانلێکەوتووانی بومەلەرزە وێرانکاریەکەی باکوور و رۆژئاوای کوردستان

کەمپینی ناوەندی ی.ن.ک لە سویسرا، لەبانگەوازێکیدا بۆ کوردستانیانی نیشتەجێی سویسرا وەکو نەریتی بەرزی کوردەواریی و خەسڵەتی ڕەسەنی باوباپیرانمان، کەلەسەختی و دژوارییەکانی ژیانیشیاندا هەردەم  بەشداریی کارایان بووە لەدڵ ئاوەڵایی و جوامێریی و مەردایەتی و هاوکاریی ئەو کەسانەی پێوێستیان بەو هاوکارییانە هەیە،  بە تایبەتی بەشداریی  لەکۆکردنەوەی کۆمەک هاوکاریی بۆ زیان لێکەوتووانی بوومەلەرزەکە لەباکوورو رۆژئاوای کوردستان بکەن

لەئێستادا، لەم وەرزی زستان و سەرمایەدا دەیان هەزار لێقەوماو و زیانلێکەوتووانی بوومەلەرزە بەهێزەکەی باکوورو رۆژئاوا چاوەڕوانی هیمەتی خێرخوازیی و  مرۆڤدۆستانەی ئێوەی دڵسۆزن، زۆرگرنگە لێرەشدا دەستبگرین بەچەمکی یەکخستنی تواناکانمان، بۆ ئەوەی  بە هاوکاریەکانی هەموومان لەم کۆستە گەورەو خەمە قوڵەیاندا دڵی ئازیزە بێ نازەکانمان راگرین و پێکەوەبوون و هەستی مرۆڤ دۆستانەی خۆمانیان بۆ دووپاتبکەینەوە

ناوەندی ی.ن ک. سویسرا

زانیاری زایاتر بۆ پێدانی هەر کۆمەکێک دەتوانن لەڕێگای ئەم ژمارە توینتەوە هاوکاریەکانتان بنێرن

TWINT : 076 512 54 05

بۆ هەر زانیاریەکی پێویست تکایە پەیوەندی بەم ژمارانەوە بکەن

078 768 20 04

076 505 82 46

079 906 36 46

078 748 94 96

سەردان و بەسەرکردنەوەی ناوەندی ئەڵمانیا

لە درێژەی کارو چالاکیەکانی ناوەندی ئەڵمانیا ئێوارەی ڕۆژی شەممە بەرواری ١١/٢/٢٠٢٣ بەرپرسی ناوەند بەیاوەری شاندێک کە پێکهاتبو لە بەڕێزان بەرپرسی زۆنی ناوەڕاست و بەرپرسی بەشی کۆمەڵایەتی و بەرپرسی بەشی ژنانی ناوەند لەگەڵ بەرپرسی کەرتی ڕێکخستنی دۆرتموند سەردانی هەڤاڵی بەڕێزو پێشمەرگەی دێرین بەڕێز یوسف سعید سندی ڕاوێژکاری ناوەندی ئەڵمانیان کرد و چەپکە گوڵی ڕێزو وەفایان پێشکەش کرد
لە سەردانەکەدا بەڕێز بەرپرسی ناووند  سوپاس و ستایشی  بەڕئز ڕاوێژکاری ناوەندی کرد بۆ ئەرک و ماندوبونەکانی لە ڕێکخستنەکانی ئەڵمانیا دا
تەوەرێکی تری قسەکانی بەرپرسی ناوەند لەسەر ڕێکخستنەکانی شارەکە بو تیایدا جەختی لە سەر کارو چالاکیەکانی داهاتو کردەوە
شایەنی باسە لە میوانداریەکەدا چەند چالاکوانێکی ڕۆشنبیر ی و سیاسی ڕۆژئاوای کوردستان ئامادە بون و ناوەندی ئەڵمانیا هاوخەمی خۆیان گەیاندە گەلەکەمان لە ڕۆژئاوا لەسەر ئەو کارەساتە دڵتەزێنەی بەسەر باکور و ڕۆژئاوای کوردستاندا هاتوە و دوپاتیانکردەوە کە ناوەندی ئەڵمانیا کەمپینێکی کۆکردنەوەی یارمەتیان دەستپێکردوە بۆ لێقەوماوانی بومەلەرزەکە، وەک چۆن لە باشور کەمپینی هاوشێوە تائێستا بەردەوامە
پاشان بەڕێزان بەرپرسی کۆمەڵایەتی و بەرپرسی بەشی ژنانی ناوەند و بەرپرسی زۆنی ناوەڕاست جەختیان لەسەر کاری سیاسی نێوان ناوەند و چالاکوانانی ڕۆژئاوا کردەوە و بەڵێنیاندا وەک هەمیشە ناوەند پشت و پەنای گشت کوردستانیان دەبێت
لای خۆیەوە بەڕێز هەڤاڵ یوسف سندی ڕاوێژکاری ناوەند سوپاسی شاندەکەی ناوەندی ئەڵمانیای کرو خۆشحاڵی خۆی و خانەوادەکەی دەربڕی بۆ سەردانەکە

ڕاگەیاندنی ناوەندی ئەڵمانیا ی.ن.ک

بەشداریکردنی شاندی ناوەندی (ی.ن.ک)ئەڵمانیا لە ساڵیادی دامەزراندنی کۆمەڵەی شۆشگێڕی زەحمەتکێشانی کوردستانی ئیران

ڕۆژی شەممە ڕيکەوتی ١١/٢/٢٠٢٣ شاندێکی ناوەند  کە پێکهاتبوو لە بەرپرسی زۆنی ناوەڕاست و هەڤاڵانی کەرتی ڕێکخستنی کۆلن بەشداریان کرد لە ساڵڕۆژی دامەزراندنی کۆمەڵەی شۆشگێڕی زەحمەتکێشانی کوردستانی ئێران

لە وتارێکدا بە ناوی بەرپرس و گشت هەڤاڵانی ناوەندەوە پیرۆزبایی ناوەندی (ی ن ک) یان گەیاندە کادرو ئەندامانی کۆمەڵە و جەختیان لەسەر یەکڕیزی و تەبایی هێزە سیاسیەکانی کورستان کردەوە بۆ گەیشتن بە ئازادی و ئارامی و خۆشگوزەرانی ئامانجە ڕەواکانی گەلەکەمان

ڕاگەیاندنی ناوەندی  (ی ن ک) ئەڵمانیا

دانیمارک
کۆبوونەوەی فیدراسیۆنی کۆمەڵە کوردیەکان

 بەمەبەستی ناردنی ھاوکاری و  دەربڕینی ھاوخەمی بۆ قوربانیانی کارەساتی باکورو ڕۆژئاوای کوردستان  ، ڕۆژی شەمە ڕێکەوتی 2023.2.11 فیدراسیۆنی کۆمەڵەکوردیەکان بەبەشداری چەندین لایەنی سیاسی و ڕێکخراوەکان کۆبوونەوەیەکان ئەنجام دا
سەرەتای کۆبوونەوەکە ھاوخەمی خۆیان دەربڕی بۆ کەس وکاری قوربانیانی ئەو کارەساتە و ھیوای چاکبوونەوەیان بۆ بریندارەکان خواست
 دیارە ئامانج لەم کۆبوونەوەیە ئەوەبوو کە ھەرچی زووە بتوانن کۆمەک و ھاوکاری پێویست بنێرن بۆ لێقەوماوانی ئەو کارەساتە لە باکور و ڕۆژئاوای کوردستان. بۆ ئەو مەبەستە بە نوێنەرایەتی ناوەندی یەکێتی نیشتیمانی کوردستان لە دانیمارک ھەریەک لە ھەڤاڵان ( ھاوڕێ محمود ) کارگێڕی ناوەند و ( حسن عزیز ) لێپرسراوی کەرتی ڕێکخستنی کۆبنھاگن ئامادەبوون ڕاو پێشنیاری ناوەندی دانیمارکیان گەیاندە بەشدارپووان ئاماژەیان کردە سەر کەمپینی مەکتەبی ناوەندەکانی دەرەوە و کەمپینی کەناڵی میدیایی کوردسات و کۆکردنەوە و ناردنی ھاوکاریان بە ئەرکێکی نیشتیمانی و پێویست زانی بۆ قوربانیانی ڕۆژئاوا و باکوری کوردستان

ڕاگەیاندنی ناوەندی (ی ن ک )دانیمارکی
                                                                          2023.2.11

ڕێزلێنان
خۆبەخشانی دووزخورماتوو خەڵاتی ڕێزلێنانیان بەخشیە بەڕێز پۆڵا سیروان تاڵەبانی ئەندامی مەکتەبی سیاسی وە لیپرسراوي مەکتەبي ناوەندەکاني دەرەوە

 پۆڵا سیروان تاڵەبانی لەبارەگای مەکتەب پێشوازی کرد لە حاجی زوهدی لەتیف بەرپرسی خۆبەخشەکانی دووزخورماتوو کە بە نوێنەرایەتی ٩٠ پیشمەرگەي خو بەخش سەردانی بەڕێز لێپرسراوی مەکتەبیان کردبوو وە خەڵاتی ڕێزلێنانیان پێ بەخشی لە پای هاوکاریکردنیان وە لای خۆیەوە پۆڵا سیروان تاڵەبانی سوپاسی خۆبەخشانی دووزخورماتووی کرد و ڕۆڵی بەرچاویانی بەرزنرخاند لە بەرەنگار بوونەوەی تیرۆر و پاراستنی سەروماڵی هاوڵاتیان و زیاتر سەلماندنی کوردستانی بوونی ئەوناوچانە وە بەڵێنی پشتیوانی بەردەوامی بۆ دووپات کردنەوە وە بەڕێز حاجی زوهدی سوپاسی پێشوازی و هاوکاریەکانی بەڕێزیانی کرد

بافڵ جەلال تاڵەبانی، سەرۆکی یەکێتیی نیشتمانیی کوردستان لە دەباشان پێشوازی لە دکتۆر عەبدوللەتیف ئەحمەد کرد

لە دیدارێکدا گفتوگۆ لەبارەی قووڵکردنەوە و پەرەپێدانی گیانی تەبایی و پێکەوەژیان کرا و جەخت لە هەماهەنگی و هاریکاری زیاتر کرایەوە لەپێناو گەشەپێدانی ئەو ئاشتەوایی و پێکەوەییەی لەنێوان نەتەوە و پێکهاتە جیاوازەکاندا هەیە و پارێزگاریکردن لەو بەها باڵایانەی پەیوەستن بە کایەکانی ژیانەوە

سەرۆک بافڵ بە گرنگییەوە ئاماژەی بە رۆڵی مامۆستایانی ئاینی کرد لە هۆشیارکردنەوەی کۆمەڵگە و ئاڕاستەکردنی هاوڵاتیان بەرەو تەبایی و پێکەوەژیان و رایگەیاند، مامۆستایانی ئاینی لە شۆڕشەکانی کورددا رۆڵێکی گرنگیان گێڕاوە و فاکتەرێکی گرنگی سەرخستنی شۆڕش بوون، ئەمڕۆش دەبێت بە هەمان رۆحیەتی کوردانە و مرۆڤدۆستانەوە بەردەوامبن لە رێنوێنیکردنی کۆمەڵگە بە ئاڕاستەی چاکە، دوورکەوتنەوە لەبیری توندڕەوی و قووڵکردنەوەی تەبایی لەنێو کۆمەڵگەدا

بافڵ جەلال تاڵەبانی، سەرۆکی یەکێتیی نیشتمانیی کوردستان لە دەباشان پێشوازی لە تاقانەکانی کیمیابارانی هەڵەبجە کرد

لە دیدارێکدا کە نوخشە ناسیح، قائیمقامی هەڵەبجە و وەهاب هەڵەبجەیی، بەڕێوەبەری گشتیی دژەتیرۆر ئامادەبوون، گفتوگۆ لەبارەی دۆخی تەندروستی و ژیانی تاقانەکانی هەڵەبجە و بەرکەوتووانی چەکی کیمیایی کرا و لە چەند خاڵێکدا تاقانەکان خواست و داواکارییەکانیان خستەڕوو

لەبەرامبەردا سەرۆک بافڵ جەلال تاڵەبانی پشتیوانی خۆی و یەکێتی بۆ داواکارییەکانیان خستەڕوو و رایگەیاند، ئێوە رۆڵەی ئێمەن و لەهەموو قۆناغەکانی ژیاندا لەگەڵتان دەبین و پشتیوانتانین. کار لەسەر هەموو داواکارییە رەواکانتان دەکەین و نوێنەرانمان لە هەرێم و بەغدا بەدیهێنەری مافەکانتان دەبن. ئەو خوشک و برایانەشمان کە تەندروستییان ناجێگیرە و پێویستیان بە هاوکاری هەیە، بێگومان بەدەنگەوەهاتنی خێرامان دەبێت و لەخزمەتتاندا دەبین

هەر لە دیدارەکەدا سەرۆک بافڵ ئاماژەی بە مێژووی خەبات و قوربانییەکانی هەڵەبجە و هەڵەبجەییەکان کرد و وتی، بەدرێژایی مێژوو هەڵەبجەییەکان نموونەی خەبات و تێکۆشان بوون لەپێناو کوردستان و لەرووی فەرهەنگیشەوە مێژوویەکی درەوشاوی هەیە. وتیشی، کیمیابارانی هەڵەبجە بۆ هەمیشە لە یادەوەریماندا ئامادەیی هەیە و هەموو خزمەتەکانی ئێمە بارتەقای قوربانییەکانی ئێوە نییە. بۆیە بەڵێنتان پێدەدەم هەرشتێک لەتواناماندا بێت بۆ خزمەتی ئێوە ئەنجامی دەدەین

پۆڵا سیروان تاڵەبانی ئەندامی مەکتەبی سیاسی و لێپرسراوی مەکتەبی ناوەندەکانی دەرەوە لەبارەگای مەکتەب پێشوازی کرد لە بەریز (  Mia finlaryson) ڕاوێژکار لە وەزارەتی بەرگری بەریتانیا و بەڕێز jack gebhard وە بەریز میران حەسەن سەرۆکی مەڵبەندی ڕۆشنبیری کورد لە لەندەن لە دانیشتنێکدا تیشک خرایە سەر دوا گۆڕانکارییە سیاسیەکان لە کوردستان و عێڕاق و ناوچەکە بە گشتی وە هەڵوێستی یەکێتی بۆ چارەسەرکردنی کێشە و قەیرانەکان وە ڕۆڵی سەرۆک بافڵ جلال تاڵەبانی لە کۆکردنەوەی لایەنەکان بۆ چارەسەر کردنی سەرجەم پرسەکان هەروەها جەخت لە بەردەوام بوونی پڕۆسەی بەرەنگاربوونەوەی تیرۆر و تیرۆرستان کرایەوە کە یەکێتی نیشتیمانی ڕۆڵی کاریگەری لەو پڕۆسەیەدا هەیە لە کۆتایی دانیشتنەکەدا جەخت لە هەماهەنگی و کاری پێکەوەیی زیاتر کرا لەگەڵ بەردەوام بوونی هارییکاریەکانی هاوپەیمانی نێودەوڵەتی بۆ هێزەکانی پێشمەرگە و دژەتیرۆر بۆ بەرەنگار بوونەوەی تیرۆرستان

پۆڵا سیروان تاڵەبانی ئەندامی مەکتەبی سیاسی و لێپرسراوی مەکتەبی ناوەندەکانی دەرەوە سەردانی کۆمەڵەی پێشمەرگە دێرینەکانی کوردستانی کرد و لە لایەن بەڕێز جمیل هەورامی سەرۆکی کۆمەڵەکە و ئەندامانی کۆمەڵەکە بە گەرمی پێشوازی لێکرا لە کۆبوونەوەیەکدا پۆڵا سیروان تاڵەبانی دەستخۆشی لە کۆمەڵەی پێشمەرگە دێرینەکان کرد کە هەمیشە لە خزمەت پێشمەرگە دێرینەکان بووە و پشتیوانی تەواوی مەکتەبی ناوەندەکانی دەرەوەی بۆ دووپات کردنەوە لای خۆیەوە بەڕێز جمیل هەورامی خۆشحاڵی خۆی بەوسەردانە دەربڕی و جەختی لە هەماهەنگی زیاتر کرد لەگەڵ مەکتەبی ناوەندەکانی دەرەوە و هیوای خواست لەو پێشمەرگە دێرینانەی لە دەرەوەی وڵاتن ڕۆڵی کاریگەری خۆیان بگێڕن لە ناو ناوەندەکانی دەرەوە بۆ سەرخستنی زیاتری ناوەندەکان وەکو بەشێکی سەرەکی لە ناو ناوەندەکانی وڵاتان

بافڵ جەلال تاڵەبانی، سەرۆکی یەکێتیی نیشتمانیی کوردستان لە دەباشان لەگەڵ نوێنەرانی هەزاران مامۆستای وانەبێژ لە هەرێم کۆبووەوە

‏‎لە کۆبوونەوەکەدا نوێنەرانی مامۆستایانی وانەبێژ لە هەرێم لەبارەی کێشە و گرفتەکانیان، دانەمەزراندن و بەهەندوەرنەگرتنی خواستەکانیان لەلایەن حکومەت و وەزارەتی پەروەردەوە راپۆرتێکیان خستەڕوو و لەچەند خاڵێکیشدا داواکارییەکانیان روونکردەوە

‏‎لە بەرامبەردا سەرۆک بافڵ جەلال تاڵەبانی دوای گوێگرتن لە گرفت و ناڕەزایەتییەكانیان، پاڵپشتی خۆی و یەکێتی بۆ داواکاری مامۆستایانی وانەبێژ دەربڕی و رایگەیاند، یەكێتی ئەم پرسە گرنگە بەهەندوەردەگرێت چونكە پەیوەستە بە زیاتر لە ٣٠ هەزار مامۆستاوە كە بەشێكی گرنگ و كاریگەرن لەپرۆسەی پەروەردە و فێركردندا. وتیشی، نابێت چیتر خزمەت و هەوڵەكانتان نادیدە بگیرێت و كەمتەرخەمیتان دەرحەق ئەنجامبدرێت چونكە هیچ شانازییەك لە فەرامۆشكردن و نادیدەگرتنی چینێكی گرنگی كۆمەڵگەدا نییە كە پەروەردەی منداڵەكانمان دەکەن. خەرجكردنی شایستە داراییەكانیشتان هەرجارەو لەژێر ناونیشانێكدا نیشانەی سەرسوڕمانە و مافخواردنێكی ئاشكرایە

‏‎لەبارەی گرنگی پرۆسەی پەروەردە و فێركردن لە هەرێمی كوردستان و هەوڵەكان لەپێناو پەروەردەكردنی نەوەیەكی هۆشیار و زانستخواز سەرۆك بافڵ وتی، ئەگەر بمانەوێت کۆمەڵگەیەکی پێشکەوتوو بونیادبنێین و نەوەیەکی سوودبەخش پێشكەشی كۆمەڵگە بكەین ئەوا پێویستە گۆڕانکاری ریشەیی لە سیستمی پەروەردە بكەین و رۆڵی مامۆستایان رێزلێگیراوبێت. لای ئێمە كەرتی پەروەردە زۆر لە نەوت و غاز گرنگترە، بۆیە بەڵێنتان پێدەدەین خەم و كێشەكانتان لەئەستۆ دەگرین و لە هەوڵەكانمان بۆ دەستەبەركردنی ژیانێكی شایستە و شەرەفمەندانە بەردەوام دەبین

دانیمارک
پێشانگای شێوەکاری
 بەمەبەستی دەست خۆشی کردن  و پشتگیری کردن لە خاتوو ( دونیا ) لە کاری ھونەری و کردنەوەی پێشانگای شێوەکاری  ئەمڕۆ شەمە ڕێکەوتی 2023.2.18  لەشاری ڕاناس ووڵاتی دانیمارک ھەڤاڵ ( وشیار جلال دەربەندی ) لێپرسراوی ناوەندی یەکێتی نیشتیمانی کوردستان لە دانیمارک سەردانی پێشانگاکەی کرد و وێڕای دەست خۆشی لەو کارە ھونەریەی پاڵپشتی ناوەندی  یەکێتی نیشتیمانی کوردستانی لە دانیمارک پێڕاگەیاند وە ھیوای خواست کە ھەمیشە سەرکەوتوو و بەردەوام بێت
دیارە خاتوو ( دونیا ) خەڵکی باشووری کوردستانە و ماوەی چەند ساڵێکە لەگەڵ خانەوادەکەی لە ووڵاتی دانیمارک دەژین و تا ئێستا چەند پێشانگای شێوەکاری کردۆتەوە و زۆر سەرکەوتوو و کارامایە لە بوارەکەیدا

ڕاگەیاندنی ناوەندی (ی.ن.ک)دانیمارک
                                                              2023.2.18

دانیمارک
کۆبوونەوەی کەرتی ڕێکخستنی  کۆبنھاگن

بەمەبەستی تاوتوێ کردنی ئیش و کارەکانی کەرتەکە و دانانی بەرنامەو کاری نوێ ڕۆژی یەکشەمە ڕێکەوتی 2023.2.19 بەشێک لە ھەڤاڵانی کەرتەکە کۆبوونەوەی ئاسایی خۆیان ئەنجامدا
سەرەتای کۆبوونەوەکە بەساتێک  وەستان بۆ گیانی پاکی شەھیدان دەستی پێکرد و پاشان ھەڤاڵ ( حسن عزیز ) لێپرسراوی کەرتەکە باسی کاروچالاکیەکانی کەرتەکەی بۆ ئامادەبووان کرد
لە بەشێکی تردا ھەڤاڵ ( وشیار جلال دەربەندی ) لێپرسراوی ناوەندی یەکێتی نیشتیمانی کوردستان  لە دانیمارک دەست خۆشی لە ھەڤاڵان کرد بۆ کاروچالاکیەکانیان و لەسەر کۆمەلێک تەوەری گرنگ و تایبەت بە ناوەندەکە قسەی کرد
 دواتر ھەریەکە لە ھەڤاڵان ( ھەڤاڵ عمر ) کارگێڕی ڕێکخستن و ( ھاوڕێ محمود )کارگێڕی ڕاگەیاندن لەسەر بەشەکانیان ھەندێ بڕگەو بابەتی پێویستان بۆ بەشداربووان باس کرد
ھەڤاڵانی بەشداربووی کۆبوونەوەکە بەڕاو بۆچوون و پێشنیارەکانیان  بەشداری کارای کۆبوونەوەکە بوون

ڕاگەیاندنی ناوەندی (ی.ن.ک) دانیمارکی
                                                                             19.02.2023

دانیمارک
مەڕاسیمی ڕۆژی شەھیدانی حیزبی شیوعی

 بە ئامادەبوونی بەڕێز دکتۆر ( دیاری ئەحمد مجید ) باڵێۆزی کاربەڕێکەر  لە باڵێۆزخانەی عێراق لە دانیمارک و نوێنەرانی پارت و لایەنە  سیاسیەکان و جەماوەرێکی زۆر  ئێوارەی ڕۆژی یەکشەم ڕێکەوتی 2023.2.19 لە شاری کۆبنھاگن ( ٧٤ ) مین ساڵیادی ڕۆژی شەھیدانی حیزبی شیوعی  عێراقی و حیزبی شیوعی کوردستانی بەڕێوەچوو
سەرەتای مەڕاسیمەکە بەساتێک وەستان بۆ گیانی پاکی شەھیدان دەستی پێکرد ، پاشان ووتاری حیزبی شیوعی بەم بۆنەوەیە خوێنرایەوە ، دواتر بەڕێز دکتۆر  دیاری ووتەیەکی تایبەت بە ڕۆژی شەھیدان بەگشتی پێش کەش کرد
تیپی مۆسیقای بابلیۆن بەچەند پارچە سروودێک بەشداریان کرد

بۆ ئەو مەبەستە و لەسەر بانگھێشتی فەرمی ھەردوو ( حیزبی شیوعی عێراقی و کوردستانی ) وەفدێکی ناوەندی یەکێتی نیشتیمانی کوردستان لە دانیمارک کە پێکھاتبوون لە ھەڤاڵان ( وشیار جلال دەربەندی لێپرسراوی ناوەند و  ھەڤاڵ عمر و ھاوڕێ محمود کارگێڕانی ناوەند و ھوشیار محمود کارگێڕی کەرتی ڕێکخستنی کۆبنھاگن) بەشداری ئەو ڕێو ڕەسمەبوون وە پەیامی ھاوخەمی ناوەندی یەکێتی نیشتیمانی کوردستان لە دانیمارکیش لەلایەن ( وشیار جلال دەربەندی ) خوێنرایەوە
بە سروودی نیشتیمانی و تایبەت بە شەھیدان کۆتایی بە مەڕاسیمەکە ھات

ڕاگەیاندی ناوەندی دانیمارکی ( ی.ن.ک )
                                                                        

چوارشەممە ٢٢/٢/٢٠٢٣

پۆلا سیروان تالەبانی ئەندامی مەکتەبی سیاسی وە لیپرسراوی مەکتەبی ناوەندەکانی دەرەوە لە بارەگای مەکتەب پیشوازی کرد لە ژمارەیەک لەهەڤالان و سەروکی لیستی یەکیتيی لە ئەنجومەنی پاریزگای دهوک وە هەڤالان لە کومیتەی پیشمەرگە دیرینەکان لە بەریتانیا گفتوگوی هەڤالانە کر لە سەر چەندین بابەتی کاری ریکخراوەی

یەکێتی لەسەردان و پەیوەندیەکانیدا پێداگریی لەھەڵبژاردنێکی پاک و بێگەرد دەکات

رۆژی چوارشەممە ٢٢شوبات ٢٠٢٣ ھەڤاڵ كاروان ئەندامی مەکتەبی ناوەندەکانی دەرەوە بەیاوەریی ھەڤاڵ دلێر ئەندامی ناوەندی یەکێتیی نیشتمانیی کوردستان لە ئەڵمانیا سەردانی وەزارەتی دەرەوەی ئەڵمانیایان کرد لەلایەن فرێدیک نیکۆلاس ئردت  و ئامێلیا بلومن  لێپرسراوی دۆسێیەی عیراق لەوەزارەتی دەرەوەی ئەڵمانیا پێشوازیان لێکرا

لەو سەردانەدا پەیوەندیەکانی عیراق و کۆماری فیدراڵی ئەڵمانیا، بەتایبەتی سەبارەت بەدواین دۆخی ھەرێمی کوردستان و یەکێتیی نیشتمانیی کوردستان و ھەنگاوەکانی ئایندەو پێداگریی یەکێتی لەچاکسازیی و خزمەتی ناوچەکە، بەتایبەتی "سلێمانی و ھەڵەبجەو گەرمیان" تاوتوێکران و بەگرنگیەوە رێوشوێنی چارەسەرەکان هەڵسەنگێندرا

هەروەها جەخت لەپشتیوانیی و پێداگریی یەکێتی بۆ ھەڵبژاردنێکی پاک و بێگەرد کرایەوە

ڕاگەیاندنی مەکتەبی ناوەندەکانی دەرەوە

دانیمارک
ساڵیادی یانەی ڕۆشنبیری عێراقی - دانیمارکی کرایەوە
 بەبۆنەی تێپەڕبوونی ساڵێک بەسەر دروست بوونی ( یانەی ڕۆشنبیری عێراقی - دانیمارکی )یدا ئێوارەی ڕوژی شەمە ڕێکەوتی 2023.2.25 بە ئامادەبوونی نوێنەرانی حیزب و لایەنەکان و جەماوەرێکی زۆر لە پێکھاتەکانی ڕەوەندی عێراقی ئەم ساڵیادە کرایەوە
سەرەتای مەڕاسیمەکە بە سروودی نیشتیمانی و ساتێک وەستان بۆ گیانی پاکی شەھیدان دەستی پێکرد
پاشان لەلایەن دکتۆر محمدەوە ووتاری یانەکە خوێنرایە و ئاماژە کرایە سەر کاروچالایەکانیان لەماوەی ساڵی ڕابردوودا
لەبەشێکی تردا بەڕێز  دکتۆر ( دیاری ئەحمەد مەجید ) باڵێۆزی کاربەڕێکەر لە باڵێۆزخانەی عێراق ووتەیەکی پێش کەش کرد کە تیایدا وێڕای دەست خۆشی لە دامەزرێنەرانی ئەم یانەیە و کار و چالاکیەکانیان ھیوای خواست کە پێکھاتەو کاروچالاکیەکانی ئەم یانەیە تەواوی عێراقیەکان بگرێتەوە بەھەموو پێکھاتەکانەوە
ھەر لەم ئێوارە ڕۆشنبیریەدا خەڵات دابەش کرایە سەر ئەو کەسانەی کە چالاکانە کارەکانیان ئەنجام داوە
بۆ ئەم مەبەستەو لەسەر بانگھێشتی فەرمی سەرپەرشتیارانی یانەی ڕۆشنبیری عێراقی - دانیمارکی وەفدێک کە پێکھاتبوون لە ھەڤاڵان ( ھاوڕێ محمود کارگێڕی ناوەندی یەکێتی نیشتیمانی کوردستان لە دانێمارک و شوان اسماعیل لێپرسراوی کەرتی ڕێکخستنی ھۆیتاسترۆپ و مامۆستا ئارام ساڵح کارگێڕی کەرتی ھۆی تاسترۆپ و ھوشیار محمود کارگێڕی کەرتی ڕێکخستنی کۆبنھاگن ) بەشداری ئەو ڕێوڕەسمەبوون و لە نزیکەوە دەست خۆشیان لە کارو چالاکیەکانیان کردو پاڵپشتی ناوەندی یەکێتی نیشتیمانی کوردستانیان لە دانیمارک پێڕاگەیاندن
لە کۆتابەشی ئێوارە ڕۆشنبیریەکەدا لەلایەن تیپی مۆسیقای ( ئور) ەوە چەند پارچە مۆسیقایەک پێشکەش بە ئامادەبووان کرا
 
ڕاگەیاندنی ناوەندی دانیمارکی ( ی.ن.ک )   
                                                                2023.2.26

ۆلا سیروان تالەبانی پێشوازی لە نوێنەری پەیەدە کرد

پۆلا سیراون تالەبانی ئەندامی مەکتەبی سیاسی وە بەرپرسی مەکتەبی ناوەندەکانی دەرەوە لە بارەگای مەکتەب پیشوازی کرد لە دکتور جاویدان نوینەری پەیەدە لە هەریمی کوردستان  وە خاتوو بیریڤان ئەندامی مەکتەبی پەیوەندیەکانی پەیەدە لە دانشتنیکی دوستانەدا باس لە دوا پیشهاتەکانی دوخي سیاسی وە دوخی روژئاواکرا شاندی میوان دەست خوشیان لە مەکتەبی ناوەندەکانی دەرەوە کرد کە کەمپینیکی راگەیاندوە بۆ هاوکاری لێ قەوماوانی بومەلەرزەکەی روژئاوا لای خویەوە پۆلا سیروان تالەبانی هاوکاری کردنی کوردانی روژئاوا وە هەموو پارچەکانی تری کوردستان بە ئەرکیکی نیشتیمانی زانی کە یەکێتی هەمیشە بە ئەرکی خۆی دەزانێت

"یەکێتی پێشەنگی خزمەت و  کوردایەتییە"

 هەڤاڵ پۆڵا سیروان تاڵەبانی ئەندامی مەکتەبی سیاسیی و لێپرسراوی مەکتەبی ناوەندەکانی دەرەوە، رۆژی پێنج شەممە ٢ ئادار ٢٠٢٣، لەبارەگای مەکتەب لەچەند چاوپێکەوتن دیداری جیاجیادا  پێشوازيکرد لە"ژمارەیەک گەنجانی دڵسۆزو تێکوشەر لەپێشمەرگە خۆبەخشەکانی گەرمیان و لەبنەماڵەی شەهید فازیل کە خاوەنی ٣ شەهیدی قارەمانن لە یەک خێزانداو لە لیوا دلێر فەرماندەی لیوای گەرمیان و دکتۆر کاوە راگری پەیمانگەی دوکان و کاک زولفەقار کادری ناوەندی ئەمەریکاو جەنابی کاک محەممەد لێپرسراوی رێکخستنی ی.ن.ک لە ئیرلەندا"....

لەتێکڕای دیدارو کۆبوونەوەکاندا هەڤاڵ پۆڵا، وێڕای خستنەڕووی دواین گۆڕانکاریی و رووداوەکان،  جەختی لەگرنگی و بایەخی پێکەوەکارکردن و پێشکەوتن و دەستکەوتەکان کردەوەو داوای لەهەمووان کرد، بەگیانی هەستکردن بەبەرپرسیارێتییەوە هەموو تواناکانیان بخەنەکار، بۆ ئەوەی یەکێتیی نیشتمانیی کوردستان، ئەم قۆناغە هەستیارەش بەسەرکەوتوویی تێبپەڕێنێت، هەردەم بەپێشەنگی خزمەت و کوردایەتیی بمێنێتەوە، بەتایبەتی کە یەکێتی قۆناغی زۆر سەختترو هەستیارتری تێپەڕاندووە مام وتەنی "زۆر گورگمان بینی و لێی نەترساوین".

راگەیاندنی
مەکتەبی ناوەندەکانی دەرەوەی
ی.ن.ک
٢ ئادار ٢٠٢٣

مەكتەبی سیاسی یەكێتیی نیشتمانیی كوردستان، لە یادی راپەڕین دا راگەیەندراوێک بڵاودەکاتەوە و رایدەگەیەنێت: یەكێـتیی بەشانازییەكی زۆرەوە 32 ساڵە خاوەندارێتی رێبەرایەتی كردنی راپەڕین و پارێزگاری كردن لە پەیام و ئامانجە پیرۆزەكانی دەكات

دەقی راگەیەندراوەکەی مەکتەبی سیاسی
سی ودوو ساڵ بەسەر راپەڕینی گەلەكەمان دژی زوڵم و ستەمی دیكتاتۆری رژێمی بەعس تێپەڕدەبێت.

لە دەروازەی راپەڕینەوە بۆ وێستگەكانی زەماوەندی سلێمانی و روخانی قەڵای ستەم لە هەولێری دێرین و راماڵینی سوپای بەعس لە دهۆكی دەلال تا تاجی راپەڕینەكان لە نەورۆزی رزگاری كەركوكدا، دەیان شار و شارۆچكەی كوردستان بە خوێنی دەیان شەهید و رەنجی دەیان هەزار راپەڕیوی میللەتەكەمان ئازادكران

یەكێـتیی نیشتمانیی كوردستان بەشانازییەكی زۆرەوە 32 ساڵە خاوەندارێتی رێبەرایەتی كردنی راپەڕین و پارێزگاری كردن لە پەیام و ئامانجە پیرۆزەكانی دەكات. بەهاوكاری هێز و لایەنە نیشتمانپەروەرەكان لە هەموو كایەكاندا خەباتی بێوچان دەكات بۆ گەشەپێدانی دەستكەوتەكانی ئازادی و دیموكراسی و حوكمڕانییەكی ڕاست و دروست، بۆ ئەم مەبەستە پیرۆزەش قوربانی داوە و ئامادەی  قوربانی زیاتریشە

ئەمرۆ (32) ساڵە نەوەكانی راپەڕین لە سایەی كوردستانی ئازاددا پێدەگەن و بەگیانی پەیامی راپەڕین دژی ستەم و دیكتاتۆری چاویان لە ئایندەی گەش و ئاسۆیەكی شایانتری ژیان و گوزەرانە

ساڵ لەدوای ساڵ نەوەیەكی تازە دێنە كۆڕی ژیانی سیاسیی و گشتییەوە و روانینی نوێیان بۆ كوردستان و بۆ راستكردنەوەی ئەزموونی حوكمڕانی وڵاتەكەمان هەیە و هەقیشیانە بە نەفەسی رەخنەگرانە و بە پەرۆشی پەیامی جارانی راپەڕینەوە ویست و ئیرادەی تازە لە خۆیان نیشان بدەن

یەكێتیی نیشتمانیی كوردستان بە گیانی هەمیشە زیندووی راپەڕین و بۆ پارێزگاری لە دەستكەوتەكانی 32 ساڵەی ئازادی و دیموكراسیی رووی لە هەموو هێزە سیاسییەكانی وڵاتە بۆ ئاشتییەكی سەربەرزانە و دادپەروەرانە، رووی لە كچان و كوڕانی كوردەوارییە تا پێكەوە خاوەندارێتی لە پەیامی هەمیشە نوێبونەوەی راپەڕین بكەن و پێكەوە  بەخەباتی دیموكراتی و مەدەنی و هەڵبژاردن ویستی جیاكاری و مەیلی پاشەكشێ لە ئازادی و دیموكراسیی بەرپەرچبدەینەوە

كە ئەمە داخوازی رەوای كوردەواری سەدەی بیست و یەكە و پابەند بوون و رێزگرتنیشە لە خەباتی دەیان ساڵەی گەلەكەمان و شەهیدە سەربەرزەكانی كاروانی دوورودرێژی شۆرش و راپەڕینەكانی.

پیرۆز بێت یادی راپەڕین و نەمری بۆ شەهیدەسەر بەرزەكانی
پیرۆز بێت لە كچان و كوڕانی كوردستانی ئەمرۆ كە خەباتی دیموكراسی و مەدەنییان بۆ ژیانێكی شایستە و هیوا بەخش جوانترین دیاری بەهارییە

مەكتەبی سیاسی
یەكێتیی نیشتمانیی كوردستان

بە ئامادەبوونی سەروک بافڵ جەلال تاڵەبانی، سەرۆکی یەکێتیی نیشتمانیی کوردستان و ژمارەیەک لە ئەندامانی مەکتەبی سیاسی و سەرکردایەتی یەکێتی و خەڵکی تێکۆشەری دەڤەری رانیە پۆلا سیروان تالەباني ئەندامي مەکتەبي سیاسي بەشداري کرد، لە کەرنەڤاڵێکی جەماوەری و شکۆداردا لە رانیەی دەروازەی راپەڕینەوە یادی راپەڕینە مێژووییەکەی گەلی کورد کرایەوە

لە کەرنەڤاڵەکەدا سەرۆک بافڵ جەلال تاڵەبانی وێڕای سەردانکردنی مۆنیومێنتی راپەڕین و دانانی تاجەگوڵینەی رێز و وەفا، وتارێکی گرنگی پێشکەشکرد و پیرۆزبایی ئاڕاستەی سەرجەم خەڵکی کوردستان، پێشمەرگە قارەمانەکان و کەسوکاری سەربەرزی شەهیدان کرد و رایگەیاند، ئێوە و یەکێتیی نیشتمانیی کوردستان لە دۆخی کوردستان ناڕازین و داوای لێبوردنتان لێدەکەم. بەڵام ئەمڕۆ یەکێتیی نیشتمانیی کوردستان خاوەنی هێز و توانایە و داواتان لێدەکەم باسی زۆنی سەوز و زەرد نەکەن، چونکە یەکێتیی نیشتمانیی کوردستان خاوەنی هەموو کوردستانە و نوێنەرایەتی هەر چوارپارچەی کوردستان دەکات. وتیشی، بەڵێنتان پێدەدەین یەکڕیزیی کورد بپارێزین و هەموو هەوڵێک لەپێناو یەکخستنی کوردستان بخەینەگەڕ

لەبەشێکی تری وتارەکەیدا سەرۆک بافڵ ئاماژەی بەوەکرد دوای هەڤاڵ مام جەلال، کاک جەبار فەرمان و نەخۆشکەوتنی کاک کۆسرەت و هێرۆخان وەک پێویست خزمەتی هاوڵاتیان نەکراوە و روونیکردەوە "بەداخەوە زوڵمێکی زۆرتان لێکراوە و ئەو خوێنەی رشتووتانە وەک پێویست رێزی لێنەگیراوە، دوو ساڵە یەکێتی هەوڵی پڕکردنەوەی بۆشایی حکومەت دەدات
وتیشی، لەدوای نەخۆشکەوتنی سەرۆک مام جەلالەوە تاوەکو ئێستا یەکێتی هێندە بەهێز نەبووە، بۆیە دڵنیابن یەکێتی نوێنەرایەتی هەموو کوردستان دەکات و کۆمەڵانی خەڵکیش خاوەنی راستەقینەی یەکێتییەکەی خۆیانن

لە کۆتایی وتارەکەشیدا سەرۆک بافڵ پەیامێکی ئاڕاستەی سەرجەم هێز و لایەنە سیاسییەکانی کوردستان کرد و رایگەیاند، با ئەمڕۆ بکەین بە رۆژی ئاشتەوایی، ئێمە لێرەوە دەستی ئاشتی و تەبایی بۆ هەموو حزب و لایەنێک درێژ دەکەین کە بتوانێت خزمەتی هاوڵاتیان بکات و پێکەوە خەڵک و میللەتی خۆمان ئاشت بکەینەوە

پۆڵا سیروان تاڵەبانی ئەندامی مەکتەبی سیاسی و لێپرسراوی مەکتەبی ناوەندەکانی دەرەوە لە بارەگای مەکتەب پێشوازی کرد لە کۆمەڵێک کەسایەتی شاری چەمچەماڵ وە لە دانیشتنێکی دۆستانەدا باس لە کۆمەڵێک کێشە و گیروگرفتی شاری چەمچەماڵ کرا و چۆنیەتی هەوڵدان بۆ چارەسەرکردنیان تاووتوێ کرا و بەڕێز پۆڵا سیروان تاڵەبانی سوپاسی دڵسۆزی و خەمخۆری کردن بۆ شارەکەیان و هیوای خواست هەموو کێشەکانی چەمچەماڵ چارەسەربکرێن و بەڵێن و پشتیوانی خۆی بۆ هەر هاوکاریەک دەربڕی بۆ چارەسەرکردنی کێشەکان

پۆلا سیروان تالەبانی لەیادی ٣٢ ساڵەی ڕاپەڕینە مەزنەکەی بەھاری ١٩٩١ی سلەیمانی شاری ھەڵمەتوو قوربانی مەڵبەندی سلیماني بەسەرکردەوە

پۆڵا سیروان تاڵەبانی ئەندامی مەکتەبی سیاسی و لێپرسراوی مەکتەبی ناوەندەکانی دەرەوە بە بۆنەی یادی ڕاپەڕینی خەڵکی شاری سلێمانی بە ڕابەرایەتی یەکێتی نیشتیمانی کوردستان سەردانی مەڵبەندی سلێمانی کرد وە لەلایەن هەڤاڵ جزا سیدمجید بەرپرسی مەڵبەند وە هەڤالاني مەلبەندەوە بە گەرمي پێشوازی لێکرا هەرلەو سەردنەدا پۆڵا سیروان تاڵەبانی ڕادیۆی مەڵبەندی بەسەر کردەوە و پیرۆزبای ساڵ ڕۆژی دامەزراندنی لێ کردن و دەستخۆشی لە کارمەند و کادرانی ڕادیۆکە کرد

ڕۆژی ٤/٣/٢٠٢٣ لە شاری کۆلن وڵاتی ئەڵمانیا نمایشێکی جلوبەرگی کوردی بەڕێوەچوو لە لایە خاتوو هەورین جەلال دیزاین کراوە
بە مەبەستی ناساندنی کلتورو جل و بەرگی کوردی سالانە ئە م نمایشە لە لایەن ئەم خانمەوە نمایش دەکریت
بە هاوکاری کج و کورە گەنجەکانمان لە هەندەران
ئیمەش وەک بە شی ریکخراوەدیموکراتیەکان ئامادەی نمایشەکە بوین و دەست خۆشیمان لە م خاتوونە کرد وە پاڵپشتی و پشتیوانی مەکتەبی ناوەندەکانی دەرەوەی یەکێتیی نیشتمانیی  کوردستانمان بۆ دووبارە کردەوە

ڕۆژی چوارشەممە ڕێکەوتی 03/08/ 2023 ناوەندی ئەڵمانیای (ی.ن.ك )بۆ بەرزڕاگرتنی ڕۆژی جیهانی ژنان، بەئامادەبونی بەڕێز (پۆڵا سیروان تاڵەبانی) ئەندامی مەکتەبی سیاسی و لێپرسراوی مەکتەبی ناوەندەکانی دەرەوە وبەرپرسی ناوەندی ئەڵمانیا هەڤاڵ( سەروەر اسماعیل )و ھەڤاڵانی ئەندام مەکتەبی ناوەندەکانی دەرەوە و هەڤاڵان لێپرسراوی بەشەکانی ناوەندی ئەڵمانیا
سیمینارێک لەڕێگای ڤیدیۆ سکایپەوە بۆ بەڕێز( دکتۆرە شیلان فەتحی) مامۆستای زانکۆو ڕاوێژکاری مەکتەبی بیرو هوشیاری ی.ن.ك سازکرا, لەژێر ناوی( بەتواناکردنی ڕۆڵی ژنان لەسیاسەتدا)، سەرتای سیمینارەکە بەساتێك بێدەنگی بۆ شەهیدانی ڕێگای ڕزگاری کوردستان دەستی پێکرد، پاشان بەڕێز  هەڤاڵ (پۆڵا سیروان تاڵەبانی) سوپاسی ئامادەبووان و دکتۆرە شیلان کرد بۆ سازدان و بەشداری کردنیا لەم سیمینارەداو ,بەڕێزیان باسی ڕۆڵ و گرنگی بەشداریکردنی ژنانی کرد لە بوارە جیا جیاکانی ژیاندا چ لەناوڕێکخستنەکانداو چ لەدەرەوەی ڕێکخستن. پاشان بەرپرسی ناوند ووتەیەکی پێشکەشی ئامادە بووان کردو  بوواردرا بەبەڕێز (دکتۆرە شیلان فەتحی ) بابەتی سیمینارەکەی بەشێوەیەکی زۆر ئەکادیمی پێشکەش بەئامادەبووان کردوو ، بواریش ڕەخسێنرا بۆ ئامادەبووان پرسیارەکانیان ئاراستەی بەڕێزیان بکەن و دووای گفتوگۆکردن وەڵامی گشت پرسیارەکان لەلایەن بەڕێزیانەوە درایەوە. دیارە مەکتەبی ناوەندەکانی دەرەوە بەگرنگی دەڕوانێتە خەبات و تێکۆشان و مافەکانی ژنان لە بوارە جیاوازەکانی ژیاندا، ی.ن.ك هەمیشە داکۆکیکارێکی سەخت بووە بۆ بەدەست هێنانی مافەکانی ژنان کەخۆی دەبینێتەوە لە قوتابخانەکەی بەڕێز (سەرۆك مام جەلال )کە خودی بەڕێزیان هەمیشە داکۆکیکارێکی سەختی مافەکانی ژنان بووە ، وە ئێمەش کە خۆمان بەفێرخوازی ئەوقوتابخانەیە دەزانین بە شانازییەوە، بێگومان درێژە پێدەرو تەواوکەری ئەو خەباتە دەبین کەلەسەرەتای دامەزراندنی (ی.ن.ك ) وە پەیڕەو کراوە. لەکۆتاییدا سیمینارەکە زۆر بەسەرکەوتویی وبە ڕەزامندی  ئامادە بووان کۆتایی هات و پەیمانی دووبارە بوونەوەی ئەم جۆرە سیمینارانە درا لە بوارە جیاوازەکاندا  بۆ بەرەو پێشچون وهوشیارکردنەوەی هەڤاڵانمان لە ڕێکخستنەکانمان لە مەکتەبی ناوەندەکانی دەرەوە دا

ڕاگەیاندنی ناوەندی ئەڵمانیا ی.ن.ك
                                             08/03/2023

هەولێری قەڵای سەوز بەعسیشی بەزاند

دەقی پەیامی سەرۆکی یەکێتیی نیشتمانی کوردستان

ماتەمینی و هاوخەمیی قووڵی خۆمان بۆ کۆچی دوایی خاتوو هێلێن قاسملوو ناسراو بە نەسرین قاسملوو، هاوژینی شەهید دوکتور عەبدولڕەحمان قاسملوو دەردەبڕین

دوکتور قاسملوو ناوێکی دیار و سەرکردەیەکی لەبیرنەکراوی مێژووی خەباتی کوردایەتییە. لە ڕووداوە سیاسییەکانی ڕۆژهەڵات و باشووری کوردستان ڕۆڵێکی بەرچاوی هەبوو و بە بیروباوەڕە شۆڕشگێڕی و دڵسۆزانەکەیەوە مێژوویەکی پڕ لە شانازی و سەروەریی بۆ خۆی تۆمار کردووە

خاتوو هێلێنی هاوژینیشی پشتیوانێکی هەمیشەیی و دۆستێکی دڵسۆزی خەباتی گەلی کورد و مافە ڕەواکانی بوو

ڕۆحی خاتوو هێلێن قاسملوو شاد بێت و یاد و یادەوەریی دوکتور قاسملوو بۆ هەمیشە بەرز بێت

بافڵ جەلال تاڵەبانی

سەرۆکی یەکێتیی نیشتمانیی کوردستان

لێپرسراوی بەشی ڕێکخستن سەردانی چەند ئۆرگانێکی باڵا دەکات

ڕۆژی ١٣-٣-٢٠٢٣ هەڤاڵ صاڵح قەیتوولی لێپرسراوی بەشی ڕێکخستنی مەکتەبی ناوەندەکانی دەرەوە بە یاوەری ئەندامانی مەکتەب هەڤاڵ سۆران عەلی و هەڤاڵ باهیر محمد سەردانی هەر یەک لە بەڕێزان ئارێز  عبداللە ئەندامی مەکتەبی سیاسی و لێپرسراوی مەکتەبی بیرو هۆشیاری

بەڕێز جوتیار نوری ئەندامی مەکتەبی سیاسی و لێپرسراوی مەکتەبی ڕێکخراوە دیموکراتیەکان

بەڕێز سەرکەوت محمد غفور لێپرسراوی بۆردی پەیوەندیەکانی دەرەوە

بەڕێز عبداللە کانی بەردی لێپرسراوی بۆردی تێکۆشەران

خاتوو فریال عبداللە لێپرسراوی بۆردی ڕیکخراوە پیشەیەکان

خاتوو چرا عمر لێپرسراوی بۆردی شەهیداب و جینۆساید

ئامانج لە سەردانەکان  گفتو گۆو بە هێزکردنی و پشتیوانی سەرجەم ئۆرگانی دەرەوە لە چوارچێوەی بەرنامەکانی مەکتەبی ناوەندەکانی دەرەوە

ئەنجومەنی سەركردایەتیی یەكێتی كۆبووەوە

ئەمڕۆ (١٤/٣/٢٠٢٣) ئەنجومەنی سەرکردایەتی یەکێتیی نیشتمانیی کوردستان بە سەرپەرشتیی سەرۆک بافل جەلال تاڵەبانی کۆبووەوە
ئەنجومەنی سەرکردایەتی لە کۆبوونەوەی ئاسایی خۆیدا کە لە هۆڵی کۆبوونەوەکانی سەرکردایەتی سازکرا، وێڕای ڕێزگرتن لە یادی قوربانیانی کارەساتی هەڵەبجە کە تاوانێکی بێ وێنەی ڕژێمی دیکتاتۆری بەعس بوو دژ بە گەلەکەمان، و ناردنی درود و سڵاو بۆ گیانی پاکی شەهیدانی کارەساتەکە و سەرجەم شەهیدانی کوردستان، پیرۆزبایی لە خەڵکی خۆڕاگری پارێزگاکە کرد بە بۆنەی بڕیاری بەرەسمی ناساندنی هەڵەبجە وەک پارێزگای (١٩)هەمین لە عێراقدا، دەستخۆشی لە حکومەتی ئیتیحادی کرد کە رەمزیەتی ئەم بڕیارە قەرەبوویەکی مەعنەوییە بۆ کۆمەڵانی خەڵکی شارەکە و هاندەریشە تاوەکو لە هەموو ئاستەکان قەرەبووی ئاوەدانکردنەوە و ساڕێژکردنی برینەکانی هەڵەبجە بکرێت
لە کۆبوونەوەکەدا بە تێروتەسەلی گفتوگۆ لەسەر دۆخی سیاسی هەرێم و عێراق کرا، بە تایبەت پەیوەندی روو لە گەشەکردوی یەکێتی لەگەڵ هێزە سیاسیەکانی کوردستان و بەغدا، لەم بارەیەشەوە هەڤاڵ بافڵ سەرۆکی یەکێتی ئاماژەی بە سەرکەوتنی سیاسەتی یەکێتی لە ئاستی کوردستان و عیراق کرد کە بەرهەمی یەک هەڵوێستی و یەک بڕیاری سەرکردایەتییە و بۆتە راستییەکی حاشاهەڵنەگر لای دۆستەکانی یەکێتی لە ناوەوە و دەرەوەشدا
لە بەشێکی تری کۆبوونەوەکە گفتوگۆ لەسەر کاروباری رێکخراوەیی ئۆرگانەکان و رێوشوێنی پێشخستنیان، کرا

هەڵەبجە زامی ساڕێژنەبووی دڵ و ویژدانمانە

٣٥ ساڵ لەمەوبەر "١٦ئادار١٩٨٨"،  رژێمی داگیرکەری بەعس، لەپیلانێکی تریدا بۆ کۆمەڵکوژیی لەریشەهەڵکەدنی خەڵکی کوردو بەسووتماک کردنی کوردستان، شاری هەڵەبجەی پێشەنگی رۆشنبیریی و زانست و داهێنانی بەچەکی کیمایی بۆردومانکرد، لەوکارەساتە کۆمەڵکوژییەدا هەزاران کەس بوونە قوربانیی و دەیان هەزارکەسیش ئاوارەبوون و هەزارن کەسی دیکەش برینداربوون کە دوای تێپەڕبوونی زیاتر لە سێ دەیە، تائێستاش بەشێکی زۆریان بەهۆی ئازارو ناسۆریی کاریگەرییەکانی ئەو چەکە قەدەغەکراوەوە دەناڵێنن

سەرباری گەورەیی و  قوڵیی برینی ئەو کارەساتە مرۆییە، بۆردومانی هەڵەبجە بەچەکی کیمیایی فاکتەرێکی سەرەکیی بوو بۆ ئەوەی رژێمی بەعس و دارودەستەکەی بەتایبەتی عەلی حەسەن مەجیدی دڵرەق و بێ بەزەیی بەرپرسیاری تاوانەکە لەناوبچن و بەسزای رەوای خۆیان بگەن

راپەڕینی کۆمەڵانی خەڵکی کوردستان وپێکهێنانی پەرلەمان و حکومەتی هەرێمی کوردستان،کە ی.ن.ک داینەمۆو بنیاتنەرو پێکهێنەری سەرەکییان بوو، گوڕوتینێک بوو بە ئاراستەی دووبارە بنیاتنان و بووژانەوەی ئەوشارو خەڵکە تێکۆشەرو خۆڕاگرەی کەهەمیشە لەرابردوو ئێستاو داهاتووشدا سومبولی جوامێریی و دڵسۆزیی و کانگای زانست و رۆشنبیریی و شوێنی پێگەیاندنی زانایانی ئاینیی و هونەرو ئەدەب و زانیاریی بوون

لەم ساڵدا کە یادی ئەو تراژیدیایەی هەڵەبجە دەکەینەوە، سەرباری ئەوەی هیچ درێغییەک لە خزمەتکردنی خەڵکە سەربڵندەکەی و بنیاتنانەوەی شاری شەهیدان نەکراوە، بەڵام هێشتا لەئاستی ویست و خواستی لەبن نەهاتووماندا نیە کە بۆ خەڵکەکەی و شاری هەڵەبجەی دەخوازین، سەرباریی هەموو ئەوکۆسپ ئاستەنگانەی کە بەداخەوە بەبەرنامەوپیلان لەدژیان داڕێژراوون و هەر ساڵێک دەیانەوێ یادی کارەساتی هەڵەبجە بەوئاقارەدا بەرن کە ئاواتی بۆ ئەخوازن،  بەڵام ئێمەی یەکێتی بەدرێژایی دامەزاندنمان تائەمڕۆ پێشەنگین لەخوێن بەخشین و قوربانیدان بۆ هاتنەدی ئازادیی و رزگاریی خەڵکی کوردستان، بۆ ئەوەش رابردوومان شاهیدە، کەچۆن خەباتمان درێژەپێداو هەرەسمان بەهەرەسی نائومێدی خەڵکی تێکۆشەری کوردستان هێناو لەشەوەزەنگی نائومێدیدا چرای گەشی داگیرساوی دڵ و دەروونی کۆمەڵانی خەڵکی کوردستان بووین،  ئاشکرایە کە  هەر ئێمەین هەڵگری نازو ئازارەکانی هەڵەبجەییەکان، کارەساتی هەڵەبجە زامی ساڕێژنەبووی دڵ و ویژدانمانە، بەڵێنیشمان داوە کە هەموو تواناکانمان بۆ خزمەتی هەڵەبجەو ئاوەدانکردنەوەو بنیاتنانەوەی بێت و  بەردەوامیش دەبین لە تیمارو ساڕێژیی برینی ئازارەکانی دڵ و دەروونی خەڵکی تێکۆشەرو بەڕێزی هەڵەبجە

لەم یادەدا سەری رێزو نەوازش لەبەردەم شەهیدانی هەڵەبجە دادەنەوێنین و پەیمان دووپاتدەکەینەوە کە ئێمەی یەکێتی  وەکو رابردوو داکۆکیکاری بەدەستهێنانی مافەکانیان و خزمەتکاریان بووین و هەرواش دەبین



راگەیاندنی
 مەکتەبی ناوەندەکانی دەرەوەی
یەکێتیی نیشتمانیی کوردستان
١٦ ئادار ٢٠٢٣

مەکتەبی ڕێکخستن یادی قوربانیەکانی هەڵەبجە دەکاتەوە

ڕۆژی ١٦/٠٣/٢٠٢٣ ھەڤاڵ ساڵح قەیتولی ئەندام مەکتەبی مەکتەبی ناوەندەکانی دەرەوە و لێپرسراوی بەشی ڕێکخستن بەشداریکرد لە ڕێوڕەسمی ساتێک وەستان بۆ رێزگرتن لە روحی قوربانیەکانی هەڵەبجە کە بە ئامادەیی بەڕێز سەرکەوت زەکی ئەندامی مەکتەبی سیاسی و لێپرسراوی مەکتەبی ڕێکخستن و مامۆستا کاکە ڕەش لێپرسراوی بۆردی ڕێکخستن و هەڤاڵ شێخ میقداد لێپرسراوی مەڵبەندی گەرمیان و بەشێک لە ئەندامانی مەکتەب و کادرانی مەکتەب ڕێکخستن بە ڕێوە چوو

برەودان و بوژانەوەو  گەشانەوەی یەکێتی لەیۆنان


بەئامادەبوون و سەرپەرشتی هەڤاڵ پۆڵا سیروان تاڵەبانی لێپرسراوی مەکتەبی ناوەندەکانی دەرەوەی یەکێتیی نیشتمانیی کوردستان، دوانیوەڕۆی پێنج شەممە ١٦ ئاداری ٢٠٢٣، کەهاوکات بوو لەگەڵ تێپەڕبوونی ٣٥ساڵ بەسەر بۆردوومانی هەڵەبجە بەچەکی کیمیایی لەلایەن رژێمی بەعسی لەناوچوو،  ئەنجومەنی ناوەندی ی.ن.ک لەیۆنان بەساتێک بێدەنگی و رێزلێنان لەشەهیدانی رێگەی رزگاری کوردستان و بەتایبەتی بۆ قوربانیانی کارەساتی بۆردومانی هەڵەبجە بەچەکی کیمیایی کۆبۆوە

سەرەتا هەڤاڵ رەوا لێپرسراوی پەیوەندییەکانی مەکتەبی ناوەند لەراپۆرتێکی زارەکیدا، دواین رووداوەکان لەیۆنان بەگشتیی و پەیوەست بەناوەندی یەکێتی لەیۆنان بەتایبەتی و کێشەو گیروگرفت و ئاستەنگەکانی خستەڕوو هەروەها ئاماژەی بەو فاکتەرانەکرد کە دەبنە بوژاندنەوەو گەشانەوەو برەودان بەریزەکانی رێکخستن و پاراستنی یەکێتیی نیشتمانیی کوردستان و یەکێتی نێوان هەڤاڵانی ناوەندو یەکێتی نێوان کوردستانیانی ئازیز لەیۆناندا

لای خۆیەوە هەڤاڵ پۆڵا، وێڕای سوپاس و ستایشی هەڤاڵانی ناوەندی ی.ن.ک لە یۆنان، لەوەی شانیان داوەتە بەر دۆخێکی هەستیارو ناوازە، کە شایستە بەقۆناغی ئێستای خەبات و تێکۆشانی هەڤاڵانی یەکێتییە لەیۆنان، هەڤاڵ پۆڵا، گرنگی و بایەخی کاری پێکەوەیی هەڤاڵانی ناوەندەکەی لەیۆنان روونکردەوە داواشیکرد لەجاران زیاتر تواناکانیان بخەنەکار بۆ ئەوەی وەک هەمیشە یەکێتی و هەڤاڵەکانی لەیۆنان، پێشەنگی خزمەتکردنی کوردستانیان لەیۆنان و ناساندنی پرسی رەوای خەڵکی کوردستان و خەبات و تێکۆشان و کاروچالاکیە چارەنووسسازەکانی ی.ن.ک بن بە رای گشتی ئەو وڵاتە

پاشان هەڤاڵ پۆڵا، وێڕای پیرۆزبایی لەهەڤاڵ فەرمان وەک دووبارە دیاریکردن و هەڵبژاردنی بەلێپرسراوی ناوەندەکە، داوای لەهەموو هەڤاڵەکانی کرد لەجاران زیاتر هاوکارو پشتیوانی بن لەجێبەجێکردن و سەرخستنی کاروچالاکییەکانیدا، بەتایبەتی کەهەڤاڵ فەرمان دوپاتیکردەوە، خزمەتکردنی کوردستانیانی خۆشەویست لەیۆنان و رێنمایی کردنیان بۆ گەیشتن بەکەناریی ئاسوودەیی و ئارامییان، لەپێشینەی کاری داهاتووی دەبێت

بەپرسیارو خستنەڕووی دیدو تێڕوانینەکانی هەڤاڵانی بەشداربوو و وەڵامدانەوەیان لەلایەن هەڤاڵ پۆڵا، کۆتایی بەکۆبوونەوەکە هات کە نزیکەی سەعات و نیوێکی خایاند

راگەیاندنی
 ناوەندی ی.ن.ک لەیۆنان

ھەڤاڵ پەیمان حەمە تاتە لێپرسراوی ناوەندی یەکێتی سوید لەلایەن بەڕێزان ھەڤاڵ جەزای سەید مەجید لێپرسراوی مەڵبەندی یەکی سلەیمانی و ھەڤاڵ وەستا ڕەسول لێپرسراوی مەڵبەندی پێشمەرگە پێشوازیەکی گەرمی لێکرا

لەمیانەی سەردانەکەیدا لەلایەن ھەڤاڵ ڕۆشنا دڕەییەوە لە ڕادیۆی سلەیمانی پێشوازیەکی گەرمی لێکرا لەسەر مێژوو خەباتی ھەڤاڵ پەیمان و بنەماڵە تێکۆشەرەکەیان دوان دیوە شاراوەو دژوارەکانی خەبات و قوربانی ئەم بنەماڵەیە تەنھا تێکۆشەرانی ڕۆژگارە سەختەکان پێی ئاشنان و دەزانن بنەماڵەی حەمە تاتە خاوەنی چ قوربانیەکی کەم وێنەن

بەبۆنەی جەژنی نەورۆز و ساڵی نوێی ٢٧٢٣ کوردی و هاتنەوەی وەرزی بەهارەوە

بەناوی تێکڕای هەڤاڵانمان لەمەکتەبی ناوەندەکانی دەرەوەی یەکێتیی نیشتمانیی کوردستان، پیرۆزبایی لەتێکڕای کۆمەڵانی خەڵکی کوردستان دەکەین و هیوادارین ئەم نەورۆزو بەهارە هاتنەدی ویست و خواستەکانتان بێت

 نەورۆزو ساڵی نوێ دەروازەیەک بێت بۆ یەکخستنی تواناکانمان لەبەرەنگابوونەوەی ستەم و خۆسەپاندن و هەروەها چەسپاندنی سیستمی دادپەروەری و یەکسانیی

 ی.ن.ک بەدرێژایی مێژووی پڕ لەشانازیی خۆی، لەهەر شوێنکی کوردستان پێویست بووبێت قوربانیی بۆ رزگاربوون لە ستەم و چەوساندنەوە بەخشیوەو تەنیا ئامانجیشی پاراستنی یەکێتی نێوان کۆمەڵانی خەڵکی کوردستانە


 نەورۆزو ساڵی نوێ جەژنی خۆشیی و دڵخۆشیی و شادیی بێت بۆ هەمووان


راگەیاندنی
مەکتەبی ناوەندەکانی دەرەوەی
ی.ن.ک

هاونیشتمانیانی خۆشەویست لە سەرتاسەری کوردستان

بەبۆنەی سەری ساڵی نوێی کوردی و جەژنی نەورۆزەوە، لە قووڵایی دڵمەوە پیرۆزباییتان لێدەکەم و هیوادارم رۆژانی جەژن لە دڵخۆشی و کامەرانیدا بەسەربەرن

هیوادارم جەژنی نەورۆز ببێتە مایەی خێر و خۆشی بۆ گەلەکەمان و هەوێنێک بێت بۆ قووڵکردنەوەی گیانی خۆشەویستی و تەبایی لەنێوانماندا. هەموومان بە رۆحێکی کوردانە و لەپێناو سەربەرزی و سەرفرازیی کوردستاندا کاربکەین و داهاتوویەکی سەقامگیر بۆ خەڵکەکەمان دەستەبەر بکەین

لەگەڵ دەستپێکی ساڵی نوێی کوردی و بڵێسەی ئاگری نەورۆزدا، رایدەگەیەنین کە یەکێتیی نیشتمانیی کوردستان پەرۆشی گەشەپێدانی پەیوەندییەکان و فراوانکردنی هەماهەنگییەکانە لەگەڵ هەموو لایەنە سیاسییەکان. پێشوازی لە هەر هەوڵ و دەستپێشخەرییەک دەکەین کە خزمەت بە گەلەکەمان و خەڵکە خۆڕاگرەکەمان بکات. ئێستا و هەمووکاتێک ئامادەی دیالۆگی نیشتمانی و بونیادنەرانەین و لە بەرامبەر ئەم ئەرکە نەتەوەیی و مێژووییەی لەسەر شانمانە بەرپرسیار دەبین
باوەڕی پتەو و نەگۆڕمان بە یەکگرتوویی هەیە، چونکە تەنیا لەو ڕێگەیەوە دەتوانین مافە رەواکانی گەلی کورد بەدەستبهێنین و داهاتوویەکی پرشنگدار بونیادبنێین

ئەمڕۆش کە هاوکاتە لەگەڵ ساڵیادی رزگارکردن و راپەڕینی کەرکووکی خۆشەویستمان، بە دڵ پیرۆزبایی لە کەرکوک و کەرکوکییە سەربەرزەکان دەکەم و دڵنیایان دەکەمەوە یەکێتیی نیشتمانیی کوردستان ئەو هێزە دەبێت بۆ هەمیشە لەگەڵیان دەمێنێتەوە و بە خوێنی خۆمان قودسی کوردستان دەپارێزین

دووبارە جەژنتان پیرۆزبێت و سەرفرازبن

بافڵ جەلال تاڵەبانی
سەرۆکی یەکێتیی نیشتمانیی کوردستان

پۆڵا سیروان تاڵەبانی ئەندامی مەکتەبی سیاسی و لێپرسراوی مەکتەبی ناوەندەکانی دەرەوە لە بارەگای مەکتەب پێشوازی کرد لە بەڕێزان عەتا سەراوی ئەندامی سەرکردایەتی و خاتوو پەیمان حەمە تاته بەرپرسی ناوەندی سوید و گفتوگۆیەکی هەڤاڵانە کرا لەسەر چەند تەوەرێکی کاری ڕێکخراوەیی و چۆنیەتی زیاتر گەشەپێدانی کارەکانی ناوەندی سوید

کوردی | عربي

‏‎دوای بڕیارەکەی دادگای پاریس و راگرتنی هەناردەکردنی نەوتی هەرێمی کوردستان لەڕێگەی تورکیاوە، لەپێناو داهاتووی میللەتەکەمان و رێگریکردن لە دروستبوونی گرفت و قەیرانی گەورە، کاتی ئەوەیە بڕیارە دروستەکە بدرێت. ‎کۆمپانیای سۆمۆ نەوتی هەرێمی کوردستان بفرۆشێت و کۆی داهاتی نەوت لە سەرتاسەری عیراق بچێتە یەک خەزێنەوە

پشکی هەرێمی کوردستان لە بودجە و داهاتی عیراق دیاری بکرێت و مووچەی فەرمانبەر و خانەنشینانی هەرێم گەرەنتی بکرێت. ‎سیستەمی بەنزین، نەوت و گازوایلی هەرێمی کوردستان ببەسترێتەوە بە عیراق و بەهەمان نرخ بدرێتەوە بە هاوڵاتیان. نوێنەری هەرێمی کوردستان لە کۆمپانیای سۆمۆ و کۆی سیستەمی نەوت و غازی عیراق هەبێت و بەشێکبن لە بەڕێوەبردن و بڕیاردان

‏‎یەکێتیی نیشتمانیی کوردستان ساڵانێكە هەوڵ بۆ رێككەوتن لەگەڵ بەغدا و كۆتاییهێنان بە ناكۆكییەكان دەدات. بیركردنەوەی دروست، هەماهەنگی و كاری پێكەوەییە نەك دووركەوتنەوە و قووڵكردنەوەی كێشەكان. ناکۆکییە ناوخۆییەکان و تاکڕەوی، قەوارەکەمان لاواز دەکات و هەرێمەکەمان دەخاتە مەترسییەوە نەک کاری هاوبەش و داواکردنی مافەکانمان لە بەغدا. یەكێتیی نیشتمانیی كوردستان رووبارێك خوێنی لەپێناو سەربەرزی و سەرفرازیی كوردستان رشتووە و هیچ هێز و لایەنێك لە خۆمان بە دڵسۆزتر نازانین بۆ كوردستان و بەدیهێنانی بەرژەوەندییە باڵاكانی. هەر بۆیە هەنگاوی لۆژیكی و بەرپرسیارانە، رێككەوتنە لەگەڵ بەغدا و دەستەبەركردنی مافەكانمانە

‏‎بافڵ جەلال تاڵەبانی
‏‎سەرۆكی یەكێتیی نیشتمانیی كوردستان

-----------

‏‎بعد القرار الذي اصدرته محكمة باريس وايقاف تصدير نفط اقليم كوردستان عبر تركيا، ومن اجل ضمان مستقبل شعبنا ومنع حدوث المشكلات والازمات الكبيرة، آن آوان اتخاذ القرار الصحيح. بان تبيع شركة سومو نفط اقليم كوردستان وتدخل جميع الواردات من شتى انحاء العراق في خزينة واحدة.

‏‎وان تحدد حصة اقليم كوردستان من الموازنة والواردات العراقية وتضمن رواتب موظفي ومتقاعدي الاقليم. وان يربط نظام توزيع الوقود والنفط لاقليم كوردستان بالعراق وتباع للمواطنين بالسعر العراقي نفسه. وان يكون هناك ممثل لاقليم كوردستان في شركة سومو ومجمل نظام النفط والغاز العراقي ويكون جزءاً من الادارة والقرار.

‏‎يسعى الاتحاد الوطني الكوردستاني ومنذ اعوام للاتفاق مع بغداد وانهاء الخلافات. ان التفكير الصائب هو التنسيق والعمل المشترك وليس التباعد وتعميق المشكلات، فالخلافات الداخلية والتفرد يضعف كياننا ويعرض اقليمنا للخطر، وليس العمل المشترك والمطالبة بحقوقنا في بغداد. لقد قدم الاتحاد الوطني الكوردستاني نهراً من الدماء من اجل رفعة وسمو كوردستان، ولانعتبر اي قوة او طرف اكثر اخلاصا منا لكوردستان وتحقيق مصالحها العليا، لذا فإن الخطوة المنطقية والمسوؤلة هي الاتفاق مع بغداد وتأمين حقوقنا.

‏‎بافل جلال طالباني
‏‎رئيس الاتحاد الوطني الكوردستاني

دانیمارك
ساڵیادی 89یەمینی حزبی شیوعی عێراقی وكوردستانی كرایەوە
 بە ئامادەبوونی جەماوەرێکی زۆر وە نوێنەرانی حیزب و لایەنە کوردستانی و عێراقیەکان ڕۆژی شەمە ڕێکەوتی 2023.4.1 ڕێوڕەسمەکە بەڕێوەچوو

‎سەرەتای ساڵیادەكە بەچەند بڕگەیەكی جیاوازی سیاسی و هونەری  وە بە ساتێك وەستان بە  بێدەنگی بۆگیانی پاکی  شەهیدان وسروودی نیشتمانی ‎دەستی پێکرد
پاشان ووتاری هاوبەشی حزبی شیوعی عێراقی وكوردستانی لەدانیمارك خوێندرایەوە
لەبڕگەیەكی تری یادەکەدا  تیپی مۆسیقای بابل كەپێك هاتبوون لە موسیكزان و دەنگبێژی كوردی و عەرەبی بەچەند سروود و گۆرانیەك یادەكەیان ڕازاندەوە
‎لەپای وەفاو خەبات و  قوربانی دانیان ..لەڕیزەكانی حزبی شیوعی دا ،چەند بنەماڵەی شەهید و پێشمەرگەی دێرین ..مەدالیای ڕێزلێنانیان پێبەخشرا
بۆ ئەم مەبەستەو لەسەر بانگهێشتی فەرمی حیزبی شیوعی کوردستانی و عێراقی لە دانیمارك وەفدێکی ناوەندی یەکێتی نیشتیمانی کوردستان لە دانیمارك کە پێکهاتبوون لە هەڤاڵان ( هاوڕی محمود کارگێڕی ناوەندی دانیمارك و شوان اسماعیل لێپرسراوی کەرتی ڕێکخستنی هۆیتاسرۆپ و هوشیار محمود کارگێڕی کەرتی  کەرتی ڕێکخستنی کۆبنهاگن ) ئامادەی ئەو یادە بوون

‎پەیام و برووسكەی لایەنەكان خوێندرانەوە .. لەوانە پەیامی ناوەندی یەكێتی نیشتمانی كوردستان لە دانیمارك كە بەهەردوو زمانی كوردی و عەرەبی  لە لایەن هەڤاڵ ( هاوڕێ محمود ) ەوە خوێنرایەوە  کە تیایدا ئاماژە کرابووە سەر خەباتی چەندین ساڵەی حیزبی شیوعی لە سەر ئاستی عیراق و کوردستان وە ڕۆڵ و کاریگەری ئەو حیزبە لە کایەی سیاسیدا بەرز نرخێنرا

   ڕاگەیاندنی ناوەندی دانیمارکی ( ی.ن.ك )
                                                                    2023.4.2

پۆڵا سیروان تالەباني پیشوازی کرد لە سەرۆکی مەجلیسی سوریای دیموکرات

پۆڵا سیروان تاڵەبانی ئەندامی مەکتەبی سیاسی و لێپرسراوی مەکتەبی ناوەندەکانی دەرەوە لە بارەگای مەکتەب پێشوازی کرد لەشاندێکی ڕۆژئاوای کوردستان بەسەرۆکایەتی خاتوو ئیلهام ئەحمەد سەرۆکی مەجلیسی سوریای دیموکرات لە کۆبوونەوەیەکدا دوا پێشهاتەکانی دۆخی سیاسی ناوچەکە باسی لێوەکرا و جەخت لە کاری پێکەوەیی و هاریکاری کردنی یەکتر کرا لەگەڵ لایەنە کوردستانیەکان بۆ ڕووبەڕووبونەوەی تیرۆر و تیرۆرستان

پەیامێك لە مەكتەبی سیاسیی یەكێتی-وە بۆ فراكسیۆنەكانی پەرلەمانی عیراق

مەکتەبی سیاسی یەکێتی نیشتمانی کوردستان بە گرنگیەوە لە پشتیوانی ئەنجومەنی نوێنەرانی عیراق و سەرجەم خوشک و برایانی ئەندامانی پەرلەمان  لە هەموو هاوپەیمانێتیەکان و حزبە سیاسیەکان و سەربەخۆکان دەروانێت  بۆ هەوڵی بەردەوامیان لەپێناو بە پارێزگا بوونی هەڵەبجەی شەهید و بوونی بە پارێزگای ژمارە نۆزدە لە عیراق ی فیدراڵ.
 یەکێتی ئەم هەوڵە پیرۆزانە بە هەڵوێستێکی نیشتمانی بەرپرسیارانە دەبینێت کە زیاتر یەکگرتوی نیشتمان و برایەتی نێوان پێکهاتەکانی گەلی عیراق پتەو دەکات کە پێشتر و لە ئەنجامی سیاسەتە چەوتەکانی رژێمی پێشوو   گەلانی عێراق تاڵی زۆریان چەشتبوو، هەروەها ئەم بریاردانە دیموکراتیە  بە مافێکی رەوای خەڵکی شاری هەڵەبجەی شەهید و کەس و کاری شەهیدان دەبینێت و  وەک چەسپاندنی ماف لێی دەروانێت کە دەبێتە ماکی پتەوکردنی گیانی نیشتمانی راستەقینەیە ، پیرۆزە هەوڵە پڕ شکۆکانتان
مەکتەبی سیاسی یەکێتیی نیشتمانیی کوردستان

ھەڤاڵ پۆڵا سیروان تاڵەبانی ئەندامی مەکتەبی سیاسی لێپرسراوی ناوەندەکانی دەرەوە ئێوارە خوانێکی بۆ چین وتوێژەکانی کەرکوک سازکرد

پۆڵا سیروان تاڵەبانی ئەندامی مەکتەبی سیاسی بە ئامادە بوونی هەڤاڵان ئاسۆ مامەند ئەندامی دەستەی کارگێڕی و ڕەوەند مەلا محمود ئێوارە خوانێكی بەربانگ بۆسەرجەم چین و توێژەکانی شاری کەرکوک لە تەکیەی تاڵەبانی سازکرا لەوئێوارە خوانەدا کە ژمارەیەکی زۆر لە سەرجەم پێکهاتەکان و نەتەوەکانی شارەکە ئامادە بوون جەخت لە ئاشتی و کۆمەڵایەتی و پێکەوە ژیانی پێکهاتە ڕەسەنەکانی شارەکە کرا وە پشتیوانی یەکێتی دووپاتکرایەوە بۆ خەڵکی کەرکوک و خزمەت کردنی شارەکە

بە توندی ئیدانەی هێرشکردنە سەر فڕۆکەخانەی نێودەوڵەتی سلێمانی دەکەین
بە ئامانج گرتنی فرۆکەخانەیەکی مەدەنی نەک تەنها بەزاندنی سیادەی عیراقە، بەڵکو تەسعیدێکی مەترسیدارە بۆ سەر گیانی هاوڵاتیانی کوردستان

لەهەمان کاتدا بۆ کۆمەڵانی خەڵکی کوردستانی روون دەکەینەوە کە؛ جوتیار عادل گووتەبێژی حکومەتی هەرێمی کوردستان نییە  و تەنها نوێنەرایەتی حزبێک دەکات لە ناو حکومەتدا و بە هیچ شێوەیەک بۆی نیە بە ناوی هەموو حکومەتەوە قسە بکات و دوا بەیاننامەشی شەرمەزار دەکەین

قوباد تاڵەبانی
٧ ی نیسانی ٢٠٢٣

کوردی | عربي

هێرشکردنە سەر فڕۆکەخانەی نێودەوڵەتیی سلێمانی و هەوڵە نەزۆکەکەی نۆکەرانی بێگانە بەتوندی ئیدانە دەکەین کە ئامانج لێی تێکدانی ئاسایشی سنووری سلێمانییە

کردەی تاوانکاری و بەزاندنی سنووری هەرێم و عیراق بە چاوساغی و رێنیشاندانی لایەن و دەزگایەکی ئەمنی هەواڵگریی ناوخۆیی، حاڵەتێکی نامۆ نییە و مێژوویەکی درێژمان لەگەڵیدا هەیە. بەڵام سلێمانی و مێژووەکەی، سلێمانی و خەڵکەکەی زۆر لەوە گەورەتر و قارەمانترن کە خەیاڵی پووچی لایەنێک ناو و ناوبانگی لەکەدار بکات و ژیانی خەڵکەکەی تێکبدات

یەکێتیی نیشتمانیی کوردستان لە رابردوودا لەپێناو پاراستنی تەبایی و بەدیهێنانی بەرژوەندییە باڵاکانی گەلەکەمان پشوودرێژ بووە، بەڵام بەردەوامیی رەفتارە نەشیاو و ناپەسەندەکانی بەشێک لە دەزگا ئەمنییەکانی لایەنێکی سیاسی لەژێر سایەی حکومەتێکی تاکڕەو و خۆسەپێندا، هەموو سنوورێکی بەزاندووە و دۆخەکەی گەیاندووەتە بنبەست

ئێمە شانازی بە کوردبوون و کوردایەتیی خۆمانەوە دەکەین. کوردستانمان لە دڵماندا هەڵگرتووە و لەپێناو ژیانی خەڵکەکەمان رووبەڕووی هەموو مەترسییەکان بووینەتەوە و دەبینەوە. تێکدانی ئارامیی هەرێم و شاری سلێمانی هێڵی سوورە

جارێکی تر و بە دەنگێکی بەرزتر دەیڵێینەوە، یان کوردستان یان نەما.

بافڵ جەلال تاڵەبانی
سەرۆکی یەکێتیی نیشتمانیی کوردستان

-------------------

ندين بشدة الهجوم على مطار السليمانية الدولي والمحاولة العقيمة لخدام الأجانب والتي استهدفت زعزعة أمن منطقة السليمانية

 إن العملية الإجرامية وخرق حدود الإقليم والعراق بأعين وإرشاد جهاز أمني استخباري داخلي ليست حالة غريبة ولدينا تاريخ طويل معها، ولكن السليمانية وتاريخها، والسليمانية وأهلها أكبر من ذلك وأكثر بطولة من أن ينال خيال أجوف لطرف من سمعتها ويفسد حياة أهلها

 لقد صبر الاتحاد الوطني الكوردستاني فيما مضى من أجل حماية الوئام وتحقيق المصالح العليا لشعبنا ولكن استمرار التصرفات غير اللائقة وغير المحبذة لبعض الأجهزة الأمنية التابعة لطرف سياسي في ظل حكومة تفردية فرضت نفسها قد تجاوز كل الحدود وأوصل الوضع إلى طريق مسدود

نحن نفخر بكوننا كوردا وقد حملنا كوردستان في قلوبنا وواجهنا ولا زلنا نواجه جميع المخاطر في سبيل حياة شعبنا وإن زعزعة أمن الإقليم ومدينة السليمانية خط أحمر

نکررها مرة أخرى وبصوت أعلى إما كوردستان أو الفناء

بافل جلال طالباني
رئيس الاتحاد الوطني الكوردستاني

هێرش کردنە سەر فرۆکەخانەی  نێو دەوڵەتی سلێمانی ، پیلانێکی پێشوەختە بۆ دارێژراوی  مخابەراتی و جاسوسیانەی دەرەکی و ناوخۆییە کە هەروەک چاوساغی  هێنانی  لەشکری  داگیرکەرە بۆ نێو خاکی  هەرێمی کوردستان، بۆیە ئەم پەلاماردانە بە توندی ئیدانە دەکەین، چاوەرێ‌ بووین  لایەنی پەیوەندیدار لەبری پاساو هێنانەوەو ڕەویەتیدانی کوێرانە بەم تاوانە ، رێوشوێن و بەدواداچوون و سەرکۆنەی بکردایە، بەڵام وەک پیشەی رابردوییان کەمینیەکی خۆسەپێنی نێو پارتی، کە پەیوەندی ژێر بە ژێر و تایبەتیان هەیە، دەبنە چاوساغ و دام و دەزگاکانی حکومەت بۆ کاری هەواڵگری دەوڵەتان و تێکدانی ئاسایشی هەرێمی کوردستان و پارێزگای سلێمانی بەکاردێنن

یەکێتیی نیشتمانیی کوردستان، هەمیشە  بروای بە یەکێتیی و یەکڕیزی خەڵک و لایەنە سیاسیەکانی کوردستان بووە، هەروەک ئامانجی بووە لەسەر ئاستی بەشەکانی تری کوردستانیش هاوکاری و هەماهەنگی و پەیوەندی دۆستانە هەبێت لەسەر بنەمای پاراستنی بەرژەوەندییە نەتەوەییەکان، هەروەک دەستدرێژی و هێرشکردنە سەر هەر ناوچە و پارێزگایەکی هەرێمی کوردستان بە تاوان دەزانێت و سەرکۆنەی دەکات، چونکە لەچوارچێوەی دیدی نەتەوەییانەی خۆی هەموو هەرێمی کوردستان بە پیرۆز دەبینێت و لەم پێناوەدا خەباتی نەپساوەی کردووە و خوێنی رشتووە
روورەشی بۆ دوژمنانی کورد و دەستوپێوەند و چاوساغەکانیان

مەکتەبی سیاسی
یەکێتیی نیشتمانیی کوردستان

مەکتەبی ناوەندەکانی دەرەوە

(پرسەنامە)

بۆ بەڕێز / هەڤاڵی ئازیزمان زاهیر خۆشناو

بەداخ و پەژارەیەكی  زۆرەوە  هەواڵی كۆچی دوایی  كاك  ( سابیر مستەفا  خۆشناو ) برای هەڤاڵی ئازیزمان زاهیر خۆشناو مان پێگەیشت  بەم بۆنە خەمناكەوە پرسەوسەرەخۆشی  تەواوی هەڤاڵانی ناوەندی دەرەوە  ئاڕاستەی خانەوادەو بنەماڵەی بەڕێزیان ئەكەین  لەخوای گەورە داواكارین جێگەی كۆچكردوو بەهەشتی بەرین بێت


إنالله وإناإليه راجعون

پۆڵا سیروان تاڵەبانی
لێپرسراوەی مەکتەبی ناوەندەکانی دەرەوە
٩\٤\٢٠٢٣

پۆڵا سیروان تاڵەبانی پێشوازي لە بەرپرسي مەلبەندي سلیماني کرد 

پۆلا سیروان تالەباني ئەندامی مەکتەبی سیاسی و لێپرسراوی مەکتەبی ناوەندەکانی دەرەوە لە بارەگای مەکتەب پێشوازی کرد لە هەڤاڵ جەزای سید مجید ئەندامی سەرکردایەتی و لێپرسراوی مەڵەبەندی ڕێکخستنی سلێمانی لە دانیشتنەکەدا گفتووگۆ کرا لەسەر چەند پرسێکی ڕێکخراوەیی و بەڕێز پۆڵا سیروان تاڵەبانی دەستخۆشی لە هەڤاڵانی مەڵبەندی ڕێکخستنی سلێمانی کرد کە هەمیشە دڵسۆزانە ئەرکەکانیان جێ بەجێ کردووە و لە هەموو ڕوویەکەوە لەخەمی شارە خۆشەویستەکەی سلێمانیدان و لای خۆیەوە هەڤاڵ جزا سید مجید سوپاسی پێشوازی گەرمی بەڕێزیانی کرد دووپاتی کردەوە کە هەمیشە لەسەر ڕێبازی مام بەردەوام بن وە دریغي ناکەن

ھەڤاڵ پۆڵا سیروان تاڵەبانی پێشوازی لە سەرۆکی فراکسیۆنی یەکێتی کرد لە پەرلەماني کوردستان

پۆڵا سیروان تاڵەبانی ئەندامی مەکتەبی سیاسی و لێپرسراوی مەکتەبی ناوەندەکانی دەرەوە لە بارەگای مەکتەب پێشوازی کرد لە بەڕێز زیاد جەبار سەرۆکی فراکسیۆنی یەکێتی لە پەرلەمانی کوردستان لە دانیشتنێکدا دوا پێشهاتەکانی دۆخی سیاسی لە هەرێم باس کرا و هەوڵەکانی یەکێتی بۆ چارەسەر کردنی قەیرانەکان خرایە ڕوو لای خۆیەوە بەڕێز پۆڵا سیروان تاڵەبانی دەست خۆشی لە هەڤاڵاني فراکسیوني یەکیتي کرد کە هەمیشە بۆ خزمەتکردنی خەڵکی کوردستان و بەرگری کردن لە مافەکانیان لە هەوڵ و تێکۆشاندان

١٢ی نیسانی ٢٠٢٣

تاوانی ئەنفال برینێكی ساڕێژنەبووە خزمەتكردنی زیاتری  نەوە و وارس و كەس وكاری ئەنفالكراوان وە هەول دان قەرەبوکردنەوەیان لە هەمو رویەکەوە ئەركي هەموانە

( ٣٥ ) ساڵ لەمەوبەر‌ ڕژێمی لەناوچووی بەعس له‌ چوارچێوه‌ی سیاسه‌تی له‌ناوبردن و سڕینەوەی گه‌لی كوردستان به‌ ( ٨ ) قوناغ تاوانی ئه‌نفالی ئه‌نجامدا

قۆناغەكانی ئەنفال زۆربەی ناوچه‌كانی كوردستانی باشووری گرته‌و بەو هۆیەشەوە 182 هه‌زار هاوڵاتی بێتاوانی کوردستان راپێچی مه‌رگی بەکۆمەڵ کران ولەبیابانەکانی ناوەڕاست وخوارووی عێراق
زیندەبەچاڵ کران،تائێستاش گۆڕی زۆرینەیان نادیارەنزیکەی پێنج
هەزار گوندی کوردستان ڕووخێنران و پاشانیش سوتێنران

لە یادی ٣٥ ساڵەی ئەنفالدا جەخت دەکەینەوە، شاڵاوه‌كانى ئه‌نفال به‌ هه‌موو پێوه‌ره‌ نێوده‌وڵه‌تیه‌كان و له‌ چوارچێوه‌ی ئه‌و به‌ڵگه‌نامانه‌ی كه‌ دوای رژێمی له‌ناوچوو به‌رده‌ست كه‌وتوون، تاوانی جینوسایده‌ و به‌ ئامانجی کۆمە‌ڵكوژی و له‌ناوبردنی گه‌لی كوردستان ئه‌نجامدراون، هه‌روەك چۆن دادگای باڵای تاوانه‌كانی عێراق له‌ بڕیاره‌كه‌یدا به‌ تاوانی جینوساید و تاوانى دژى مرۆڤایه‌تى و تاوانى جه‌نگ  ناساندوویێتی

بۆیه‌ داواكارین کۆمەڵگای  نێوده‌وله‌تى له‌ سەر بنه‌ماى ئه‌و به‌ڵگه‌نامانه‌ و بڕیارى دادگا ئه‌م كه‌یسه‌ له‌سه‌ر ئاستی جیهان به‌ جینۆساید بناسێنن و وه‌ك كه‌یسێكی نێوده‌وڵه‌تی مامه‌ڵه‌ی له‌گه‌ڵدا بكەن

هه‌روه‌ها داوا له‌ حكومه‌تی عێراقى فیدراڵ ده‌كه‌ین، پشت به‌ست به‌ بڕیاره‌كانی دادگای باڵای تاوانه‌كانی عێراق و ده‌قی مادده‌ی (132)ى ده‌ستوری عێراق و بریارى ژماره‌ (26)ى ساڵى 2018 ى ئه‌نجوومه‌نى نوێنه‌رانى عێراق قه‌ره‌بووی شایسته‌ی قوربانیانی ئه‌نفال بكاته‌وه‌ و چیدى ئه‌م پرسه‌ پشتگوێ نه‌خات



نەمری بۆ شەهیدانی ئەنفال و سەرجەم شەهیدانی کوردستان
سەربەرزی بۆ نەوە و وارس و کەسوکاری ئەنفالکراوان

                                 پۆڵا تاڵەبانی
                       ئەندامی مەکتەبی سیاسی
١٣  /٤ /  ٢٠٢٣

پرسەنامەی مەکتەبی ناوەندەکانی دەرەوە بۆ کۆچی دوایی ھەڤاڵ عەدنان عەلی مەولود ناسراو بە (مەھدی)ئەندامی کەرتی خور لە ناوەندی سویسرا

پرسەنامە بنەماڵەی کۆچکردوو ھەڤاڵ عەدنان عەلی مەولود ناسراو بە مەھدی
مەکتەبی ناوەندەکانی دەرەوە
(پرسەنامە)
بۆ بەڕێز / بنەماڵەی کۆچکردوو
بەناوی لێپرسراوی مەکتەب و هەموو هەڤاڵانی مەکتەبی ناوەندەکانی دەرەوە و سویسرا پرسەو
سەرەخۆشی خۆمان ئاراستەی بنەماڵە تێکۆشەرەکەتان دەکەین  هەروەها سەرەخۆشی لە
کەسوکار و هەڤاڵانی خوالێخۆشبوو دەکەین لە دەستدانی کاکە عەدنان لە ناخەوە هەموومانی
نیگەران کرد داواکارین لە خوای گەورە گیانی خوالێخۆشبوو بە بەهەشتی بەرینی خۆی شاد بکات
و سەبووری و ئارامی ببەخشێت بە خانەوادە تێکۆشەرەکەتان و سەرجەم هەڤاڵانی لە سویسرا

پۆڵا سیروان تاڵەبانی
لێپرسراوی مەکتەبی ناوەندەکانی دەرەوە

یەکێتیی نیشتمانیی کوردستان

14.04.2023

پۆلا سیروان تالەباني پیشوازی کرد لە سەروکی دەستەی گشتی  ناوچە کوردستانیەکانی دەرەوەی ئیدارەی هەریم

پۆڵا سیروان تاڵەبانی ئەندامی مەکتەبی سیاسی و لێپرسراوی مەکتەبی ناوەندەکانی دەرەوە لە بارەگای مەکتەب پێشوازی کرد لە هەڤاڵی بەڕێز فەهمی بورهان ئەندامی سەرکردایەتی و سەرۆکی دەستەی گشتی ناوچە کوردستانیەکانی دەرەوەی ئیدارەی هەرێم لە دانیشتنێکدا باس لە چەندین تەوەر کرا گرنگترینیان بارودۆخی ئەو ناوچانە و ئەو کێشە و ئالانگاریانەی کە هەیە و باس كردنی ڕۆڵی ڕێکخراوەکان لەو بارەیەوە و چۆنیەتی پاراستنی کوردستانی بوونی ئەو ناوچانە و لای خۆیەوە بەڕێز پۆڵا سیروان تاڵەبانی ئامادەیی هەموو پاڵپشتیەک و هاوکاریەک بوو لە هەر بوارێکدا بۆ کارەکاني دەستەکە دەربری وە دەست خوشي لە هەڤال فەهمي وە هاوکاەکاني کرد
١٦/٤/٢٠٢٣

بارەگای مەکتەبی ناوەندەکانی دەرەوە/ ھەڤاڵ پۆڵا تاڵەبانی پێشوازی کرد لە ھەڤاڵ ئەیوبی فەرماندە

ئەمڕۆ لە بارەگای مەکتەب بەڕێز پۆڵا سیروان تاڵەبانی ئەندامی مەکتەبی سیاسی و لێپرسراوی مەکتەبی ناوەندەکانی دەرەوە پێشوازی کرد لە کۆمەڵێک هەڤاڵ لە سەرجەم توێژەکان  و هەروەها بەڕێز لیوا ئەیوب یوسف فەرماندەی لیوای ۳ و ۷ تایبەت عەمید صوبحي کە چەند گفتوگۆیەکی هەڤاڵانە ئەنجام درا ، هەروەها پێشوازی کرد لە هەڤاڵ هێرش حبیب ئەندامی سەرکردایەتی

به‌بۆنه‌ی ‌جه‌ژنی ڕەمەزانی پیرۆزه‌وه‌ 

پیرۆزباییەکی گەرم ئاراستەی تەواوی موسوڵمانانی جیهان وعێراق و کوردستان بەگشتی وخانەوادەی سەربەرزی شەهیدان وئەنفال کراوان و كوردانی تاراوگە و گشت تێکۆشەران دەكەم

به‌ئومێدی ئه‌وه‌ی كه‌ ئه‌م جه‌ژنه‌ ببێته‌مایه‌ی خێرو خۆشی و به‌خته‌وه‌ری بۆهه‌موولایه‌ك،هه‌رێمی كوردستانیش لەئارامی و پێشكه‌وتن وخۆشگوزه‌رانی به‌رده‌وامدا بێت ،هەموولایەک جەژن بەخۆشی بەسەرببەن خوای گەورەڕۆژو وعیبادەتمان لێ قەبوڵ بکا

هه‌رێمه‌كه‌مان ئه‌مڕۆله‌هه‌مووكات زیاترپێویستی بەیەکڕیزی و برایه‌تی و ته‌بایی و پێكه‌وه‌ژیان و لێبوورده‌یی هه‌یه‌ هیوادارین جه‌ژن ببێته‌ فاكته‌رێك بۆ گه‌یشتن به ئامانجه‌ بەدینەهاتووەكانمان

دووباره‌جه‌ژن له‌ هه‌موولایه‌ك پیرۆزبێت وهیوای ئاسودەیی

وخۆشگوزەرانی بۆهەمووان دەخوازم،هەمیشەبه‌خته‌وه‌ربن

پۆڵا سیروان تاڵەبانی 

ئەندامی مەکتەبی سیاسی

٢٠/٤/٢٠٢٣

جەژنی خۆشیی و دڵنەوایی بێت"

بەبۆنەی جەژنی رەمەزانی پیرۆزەوە، بەناوی تێکڕای هەڤاڵانمان لەمەکتەبی ناوەندەکانی دەرەوە، پیرۆزبایی لەپێشمەرگە قارەمانەکان و کەسوکاری سەربەرزی شەهیدان و تێکۆشەرە دێرینەکانی رێگەی کوردایەتی و کۆمەڵانی خەکی کوردستان و  هەموو کوردستانیانی ئازیز دەکەین و  هیوادارین رۆژو کاتەکانی جەژنتان، خۆشی و دڵخۆشییی و ئارامیی بێت
هەروەها خوازیارین جەژنی رەمەزان ببێتە مایەی دڵنەوایی بێ نواو نەوەکانی شەهیدان و ئەو تێکۆشەرانەی ژیان و تەمەنیان بەکوردو کوردستان و ی.ن.ک بەخشی

هەموو رۆژو ساتێکتان جەژن و هەموو ساتەکانی جەژنیشتان خۆشی و شادی بێت

لەگەڵ رێزی
راگەیاندنی
مەکتەبی ناوەندەکانی دەرەوەی
یەکێتیی نیشتمانیی کوردستان
٢٠ی نیسانی ٢٠٢٣

بەبۆنەی (125)مین ساڵیادی رۆژنامەگەریی کوردی و دەرچوونی یەکەم رۆژنامەی کوردی بەناوی (کوردستان) پیرۆزباییەکی گەرم
لە میدیاکارانی کوردستان هەموو ئەوانەی لەپێناو  پێشخستنی بواری رۆژنامەنووسی وڕادەربڕین شەو وڕۆژیان خستۆتە سەریەک

بەوپەڕی شانازییەوە یەکێتیی نیشتمانیی کوردستان لەهەمووکات وساتێکدا پاڵپشت وپشتیوانی توێژی ڕۆژنامەنووس و دەنگی ئازاد بووە بەهەست کردن بەگرنگیی کاری رۆژنامەنووسی بەخستنەڕوی شەفافییەتی زیاتر لە راپەراندنی کاروبارەکانیدا، ئەرکی خۆی بۆ خوڵقاندنی ژینگەیەکی لەبار و داکۆکیکار بۆ کاری رۆژنامەنووسی جێبەجێ دەکات، کە لە سایەیدا میدیاکاران بتوانن ئەرکی پیشەیی خۆیان راپەڕێنن و ببنە دەسەڵاتێکی چاودێری سەرکەوتوو

هیوادارین میدیاکارانی کوردستانی هەڵگری ئەو پەیامە نیشتمانییە بن، کە 125 ساڵ لەمەوبەر بە دەستپێشخەری میقداد بەدرخان دامەزرێنەری یەکەمین رۆژنامەی کوردی دەستیپێکرد و بە درێژایی تەمەنی بزووتنەوەی رزگاریخوازیی کوردستان رۆڵێکی سەرەکی لە گەیاندنی پەیامی دۆزی ڕەوای گەلی کورد گێڕاوە و، زۆرن ئەوانە لە پێناو رۆژنامەگەریی کوردستانداو لەو پێناوەدا گیانیان بەخت کرد

بەم بۆنەوەلەساڵیادی(25)مین ساڵیادی دامەزراندنی سەندیکای
رۆژنامەنووسانی کوردستان لەتەواوی ئەندامانی و رۆژنامەنووسانی
 کوردستان پیرۆز دەکەین و هیوای سەرکەوتنیان بۆ دەخوازین

پۆڵا سیروان تاڵەبانی

ئەندامی مەکتەبی سیاسی
٢٢ ی نیسانی ٢٠٢٣

دانیمارک
مەڕاسیمی بەخاکسپاردن و پرسە
 بە ئامادەبوونی نوێنەرانی چەندین حیزب و لایەن و کەس و کارو جەماورێکی زۆر ،  ڕۆژی شەمە ڕێکەوتی 2023.4.29 لە کۆبنھاگن تەرمی پێشمەرگە و تێکۆشەری دێرینی ناو ڕیزەکانی حیزبی دیموکراتی کوردستانی ئێران( فەریدون حوسەینی) خەڵکی شاری مەریوانی ڕۆژھەلاتی کوردستان و دانیشتووی ووڵاتی دانیمارک بەخاک سێردرا  وە لە ھەمان ڕوژدا پرسەی بۆ دانرا ، کە بەداخەوە بە ھۆی  نەخۆشی کۆچی دوایی کرد
بۆ گەیاندنی پەیامی ھاوخەمی  ناوەندی یەکێتی نیشتیمانی کوردستان لە دانیمارک بۆ خانەوادە و  ھاوڕێ و ھاوسەنگەرانی  وە دانانی چەپکە گوڵی ڕێز و وەفا لەسەر گکۆی نەمری وە بەشداری لەپرسەکەدا ...وەفدێکی ناوەندی یەکێتی نیشتیمانی کوردستان لە دانیمارک  کە پێکھاتبوون لە ھەڤاڵان ( ھاوڕێ محمود کارگێڕی ناوەند و شوان ئیسماعیل لێپرسراوی کەرتی ڕێکخستنی ھۆیتاسترۆپ و ھوشیار محمود کارگێڕی کەرتی ڕێکخستنی کۆبنھاگن ) بەشداری ڕێو ڕەسمەکە بوون

ڕاگەیاندنی ناوەندی دانیمارکی ( ی.ن.ک )
                                                              2023.4.30

شاندیکي مەکتەبی سیاسي سەرداني گەرمیاني کرد

لە سەردانێکدا بۆ سنوری گەرمیان هەڤاڵان ئاسۆ مامەند کارگێڕی مەکتەبی سیاسی و پۆڵا سیروان تاڵەبانی ئەندامی مەکتەبی سیاسی زنجیرەیەک کۆبوونەوەیان ئەنجامدا لەگەڵ ئۆڕگانەکانی یەکێتی لە سنوری گەرمیان و سەرەتا لە بارەگای مەڵبەند بە ئامادە بونی لیپرسراوی مەلبەند وە هەڤالانی سەرکردایەتی گەرمیان لەگەڵ ئەنجومەنی مەڵبەندی گەرمیان کۆبوونەوە پاشان لەگەڵ پێشمەرگە دێرینەکان سنوری گەرمیان و هەروەها لەگەڵ ڕێکخراوەکانی ئەو سنورە و هەروەها لەگەڵ ژمارەیەک کادری دێرینی گەرمیان

﷽
‏‏‎‏‎ كُلُّ نَفْسٍ ذَآئِقَةُ الْمَوْتِ وإنَّما تُوَفَونَ أجورَكم يومَ القيامة 
‏‎‏‎ وَبَشِّرِ الصَّابِرِينَ الَّذِينَ إِذَا أَصَابَتْهُمْ مُصِيبَةٌ قَالُوا
 إِنَّا لِلَّهِ وَإِنَّا إِلَيْهِ رَاجِعُونَ

مەکتەبی ناوەندەکانی دەرەوە
(پرسەنامە)
بۆ بەڕێز / هەڤاڵ ئەحمەد خۆشناو لێپرسراوی بەشی چاودێری ناوەندی فنلەند
بەناوی لێپرسراوی مەکتەب و سەرجەم هەڤاڵانی مەکتەبی ناوەندەکانی دەرەوە پرسەو سەرەخۆشی
خۆمان ئاراستەی بنەماڵە تێکۆشەرەکەتان دەکەین لە دەستدانی میدیا خانی خوشکتان کە دەکاتە
دایکی (دونیاو زاناو کلارا) کۆسپێکی ناوادەیە داواکارین لە خوای گەورە گیانی خوالێخۆشبوو بە
بەهەشتی بەرینی خۆی شاد بکات و سەبووری و ئارامی ببەخشێت بە خانەوادە تێکۆشەرەکەتان و
دوا ناخۆشیتان بێت

پۆڵا سیروان تاڵەبانی
لێپرسراوەی مەکتەبی ناوەندەکانی دەرەوە
04.05.2023

بەسەر کردنەوەی ئیدارەی گەرمیان

هەڤاڵان ئاسۆ مامەند کارگێڕی مەکتەبی سیاسی و پۆڵا سیروان تاڵەبانی ئەندامی مەکتەبی سیاسی سەردانی ئیدارەی گەرمیانیان کرد و لە لایەن سەرۆکی ئیدارەی گەرمیان و جێگر و بەڕێوەبەری فەرمانگەکانەوە پێشوازیان لێکرا و لە چەند دانیشتنێکدا جەخت لە خزمەت کردنی زیاتری گەرمیان وگەرمیانیەکان کرا و چڕ کردنەوەی هەموو هەوڵەکان بۆ زیاترکردنی خزمەت گوزاریەکان لە سنوری گەرمیان

ئەمڕۆ ٦/٥/٢٠٢٣ ھەڤاڵ پۆڵا سیروان تاڵەبانی ئەندامی مەکتەبی سیاسی
و لێپرسراوی مەکتەبی ناوەندەکانی دەرەوە بە هاوڕێیەتی ئەندامانی مەکتەب ھەڤاڵ هەندرێن باوە نوری و ھەڤاڵ سۆران سەردانی بەڕێزان کاک ڕۆبیتان و کاک ڕەسول یان کرد کە دوو پیشمەرگەی دیرین وە کەسایەتی دیاری ناوچەی شارەزوور و گەرمیانن

بەڵێن دووپات کردنەوە بۆ ڕێبازی مامی گەورە

ئەمڕۆ بەڕێز لێپرسراوی مەکتەبی ناوەندەکانی دەرەوە  هەڤاڵ پۆڵا سیروان تاڵەبانی و بەشێک لە ئەندامانی مەکتەب و لێپرسراوی ناوەندەکان و ژمارەیەک لە کادرانی یەکیتی لە دەرەوەی ولات سەردانی مەزاری مامی گەورەیان کرد و بەڵێنی وەفا و پابەند بوون بەڕێبازە پیرۆزەکەی دووپات کردەوە و بەردەوام بوون لەسەر ڕێبازی مام و ڕێبازی شەهیدان ئەرک و شەرەفێکی گەورە یە و پاراستنی وەگەشە پێ دانی یەکێتی نیشتیمانی کاری لەپێشینەی هەمووان دەبێت

مەکتەبی سیاسی بە سەرپەرشتیی هەڤاڵ بافڵ جەلال تاڵەبانی، سەرۆکی یەکێتیی نیشتمانیی کوردستان کۆبووەوە

‏‎لەو کۆبوونەوەیەدا کە هەڤاڵ جەعفەر شێخ مستەفا، ئەندامی ئەنجوومەنی باڵای سیاسی و بەرژەوەندییەکانی یەکێتی ئامادەی بوو، وێڕای بەخێرهاتنەوەی سەرۆک بافڵ و گەڕانەوەی بە تەندروستییەكی باشەوە، رەوشی سیاسیی كوردستان و عیراق هەڵسەنگێندرا و دیدگای یەكێتی بۆ چارەسەركردنی كێشەكان و سوودوەرگرتن لە دەرفەتەكان گفتوگۆی لەبارەوەكرا

هەروەها جەخت لە یەكڕیزی و پێشخستنی پرۆسەی سیاسی كرایەوە بەئامانجی باشتركردنی ژیانی كۆمەڵانی خەڵك و گەشەپێدانی دیموكراسی

‏‎مەكتەبی سیاسی خۆشحاڵی خۆی بەو كەشە ئەرێنییە ناوخۆییەی كوردستان و پەرۆشیی لایەنەكانی كوردستان و دۆستەكانی گەلەكەمان بۆ دروستكردنی كۆدەنگیی نیشتمانی و یەكخستنی تواناكان دەربڕی و هیوای خواست حوكمڕانی و سەرخستنی پرۆسەی چاكسازی گەشەكردنی بەرچاو بەخۆیەوە ببینێت

مەكتەبی راگەیاندن و مەكتەبی ناوەندەكانی دەرەوە لەبارەی هەماهەنگی میدیایی كۆبوونەوە

ئەمڕۆ دوو شەممە 15/5/2023 هەردوو مەكتەبی راگەیاندن و مەكتەبی ناوەندەكان دەرەوەی یەكێتیی نیشتمانیی كوردستان كۆبوونەوە و نەخشەڕێگای هەماهەنگی و پەرەپێدانی میدیای یەكێتیان لە پایتەخت و وڵاتانی ئەوروپا تاوتوێكرد و چەند بڕیارێكیان بۆ بوژاندنەوەی نوسینگە و نوێنەرایەتی راگەیاندنی یەكێتیدا
هەڤاڵ پۆڵا سیروان تاڵەبانی ئەندامی مەكتەبی سیاسی و لێپرسراوی مەكتەبی ناوەندەكانی دەرەوە و ژمارەیەك لە ئەندامانی مەكتەب پێشوازییانكرد لە هەڤاڵ ستران عەبدوڵڵا ئەندامی مەكتەبی سیاسی و لێپرسراوی مەكتەبی راگەیاندن و ژمارەیەك لە ئەندامانی مەكتەب، لە دیدارێكدا گفتوگۆی تێروتەسەل لەبارەی رێكارەكانی پەرەپێدان و هەماهەنگی نێوان هەردوو مەكتەب لە رووی میدیاییەوە گفتوگۆی لەبارەوە كرا و چەند بڕیارێكیش بۆ خێراكردنی ئەو هەنگاوانە دران

ھەڤاڵ پۆڵا تاڵەبانی ئەندامی مەکتەبی سیاسی و لێپرسراوی ناوەندەکانی دەرەوە پێشوازی کرد لە بەڕێز شێخ دلێر شێخ کامیل نوێنەری  حکومەتی سویسرا لەھەرێمی کوردستان
لەم چاوپێکەوتنەدا تیشک خرایەسەر کاری ھاوپەش و پشتیوانی و ھەوڵدان بۆ پەیوەندیەکی پتەوی نێوان وڵاتی سویسرا و یەکێتیی نیشتمانی کوردستان بەڕێز شێخ دلێر سوپاسی پێشوازی و پشتیوانیەکەی ھەڤاڵ پۆڵای کرد

یەکڕیزیی و تەبایی

رۆژی پێنج شەممە ١ حوزەیران ٢٠٠٢٣  لەیادی ٤٨ ساڵەی دامەزراندنی یەکێتیی نیشتمانیی کوردستان، هەڤاڵ پۆڵا سیروان تاڵەبانی ئەندامی م.س و وەفدێکی یاوەری لەمەکتەبی ناوەندەکانی دەرەوەی یەکێتی، بۆ پیرۆزبایی،
 سەردانی مەڵبەندی یەکی رێکخستنی  ی.ن.ک لەسلێمانی کردو لەلایەن لێپرسراو هەڤاڵانی مەڵبەندەوە پێشوازییان لێکرا

لەدیدارێکدا وێڕای ئاڵوگۆڕی پیرۆزبایی هەردوولا تەئکیدیان  لەپەیوەست بوون بەو میکانزمانە کرووەوە کەفاکتەری سەرەکین بۆ گەشەپێدانی یەکێتی

پاشان هەڤاڵ پۆڵاو وەفدی هاوڕێی سەرانی مەزاری سەرۆک مام جەلال یان کرد

لەو یادە مەزنەدا پەیمانی دڵسۆزیی و وەفادارییان دوپاتکردەوەو بەڵێنیاندا لەجاران زیاتر خزمەتی رێبازی حزبەکەی مام بکەن و خوێنی شەهیدان و قوربانیییەکان بکەنە کوانووی جۆشدانەوەی خەبات و تێکۆشان، بەڵێنیشیاندا یەکڕیزیی و تەبایی بکەنە سەرمەشقی کاروچالاکییەکانیان



راگەیاندنی
مەکتەبی ناوەندکانی دەرەوەی
یەکێتیی نیشتمانیی کوردستان
١ حوزەیران ٢٠٢٣

٤٨ مين ساڵیادی دامەزراندنی یەکێتيی نیشتمانيی کوردستان لە نەمسا بەرز ڕاگیرا ناوەندی نەمسا وەک هەمیشە لە کاروچلاکیەکانیان بەردەوام بوون و لەمساڵدا بە گروتینێکی زۆرەوە یادی یەکێتیی نیشتمانی کوردستانیان کردوە بە بەشداری چەندین کەسایەتی ناوداری کوردستانی و عێراقی و جیهانی

بەژداریکردن و پەیامی

سەفیری عێڕاق کاک ( بەکر فەتاح )
قونسڵی عێڕاق کاک (حەدەر الصمید عی )
نوێنەری حوکومەتی هەرێم ( دکتۆر مصطفی رەمەزان )
بەپرسی پارتی دیموکراتی کوردستان
حیزبی دیموکراتی کوردستانی ئێران
کۆمەڵەی زەحمەتکێشانی کوردستان
حیزبی کۆمەڵەی کوردستانی ئێران
حیزبی شوعی عێڕاق
حیزبی شوعی کوردستان
حیزبی سۆسیالیستی کوردستان  حیزبی سوسیالدیموکراتی نەمسا SPÖ
حیزبی سەوزی نەمسا GRÜNE
نوێنەری پاڕێزگاری ڤییەنا
حیزبی موحافزینی نەمسا OVP
مەڵبەندی کوردی لە نەمسا


بەسەرپەرشتی
هێمن هاوار شێروانی
لێپرسراوی ناوەندی نەمسای ( ی ن ك )
بەبەژداری
هەڤاڵ ( ئامینە عوسمان علی )
ئەندامی مەکتەبی نەوەندی دەرەوە
هەڤاڵ ( حەمە کەریم )
عیلاقاتی یەکێتیی ووڵاتی نەمسا
هەڤاڵ ( دکتۆر شۆرش عبدالغفور )
عیلاقاتی یەکێتیی ووڵاتی هەنگاریا
هەڤاڵ ( عبداللە پۆڵا ) ڕاوێژکاری ناوەندو پێشمەرگەی دێرین
  هەڤاڵ ( هاکار شەدەڵە )
لێپرسراوی
پەیوەندیە ئەروپیەکانی نەمسا
هەڤاڵ ( شاخان علی )
لێپرسراوی ڕاگەیاندن
هەڤاڵ ( ماهیر محمد امین )
لێپرسراوی کەرتی هەنگاریا
هەڤاڵ ( فەرهاد شاکر )
لێپرسراوی کەرتی ڤییەنا

اوەندی ی ن ک لەسویسرا

ناوەندی سویسرا سەردانی باڵوێزخانەی عێراقی کرد ھەڤاڵ بەختیار لێپرسراوی ناوەندی سویسرا لەگەل ھەڤاڵانی دەستەی بەڕێوەبەری ناوەند

لەلایەن بەڕێز محەمەد جەواد کاربەڕێکەری باڵوێزخانەی عێراقەوە پێشوازیەکی گەرمیان لێکرا بەئامادە بونی بەێز ئەحمەد قونسوڵی باڵوێزخانەی عێراق

لەدرێژەی کۆبونەوەکەدا شاندی ناوەندی یەکێتی سەرجەم گلەی و گازندەی عێراقیەکانی دانیشتوی سویسرایان گەیاند و باسێکی چڕوپریان کرد بۆ چۆنیەتی چارەسەر و کێشەی ھاوڵاتیان

لەکۆتای دیدارەکەدا بەڕێز محەمەد جەواد بەڵێنی ھاوکاریداو دوپاتی کردەوە کەھەمیشە دەرگای باڵوێزخانە کراوەیە بۆ ھاوڵاتیان وەبەتایبەتی بۆ یەکێتی نیشتمانی کوردستان

پرسە

بەداخەوە موعتەسەم ئەکرەم حەسەن، بریکاری پێشووی وەزیری نەوت و برای هەڤاڵ دکتۆر مۆفەق ئەکرەم سۆرانی کۆچی دوایی کرد

بۆ ئەو خەمە قوڵە بەناوی هەڤاڵ پۆڵا لێپرسراوی مەکتەبی ناوەندەکانی دەرەوەو هەڤاڵانی ئەنجومەنی مەکتەب، سەرەخۆشی لەئەندامانی خانەوادەو هەڤاڵ دکتۆر مۆفەق وکەسوکارو بنەماڵەی تێکۆشەرو سەربەرزیان دەکەین، داواکارین لەخوای گەورە روحی کۆچکردووی ئازیز بەبەهەشتی  بەرین شاد بکات و دوا خەم و پەژارەی بنەماڵەکەشی بێت

انا لله وانا الیه راجعون


پۆڵا سیروان تاڵەبانی  
 
لێپرسراوی مەکتەبی ناوەندەکانی دەرەوەی

یەکێتیی نیشتمانیی کوردستان
١ ئەیلول ٢٠٢٣

کۆبوونەوەی دەوری کۆمیتەی دیپلۆماسیی هاوبەشی پارتە کوردستانییەکان
لەڕۆژانی یەکشەممە 09-03-2023 (24)ەمین کۆبونەوەی کۆمیتەی دیپلۆماسیی هاوبەشی پارتە کوردستانییەکان لە بارەگای KNK لە برۆکسلی وڵاتی بەلجیکا بەڕێوە چوو . لەلایەن یەکیتی نیشتیمانی کوردستان هەڤاڵ شێخ شەماڵ ئەندامی مەکتەب و لێپرسراوی بەشی پەیوەندییەکانی کوردستانی لە مەکتەبی ناوەندەکانی دەرەوەی بەیاوەری هەڤاڵ سمکۆ رەشید، ئەندامی ناوەندی هۆڵەندا بەرپرسی بەشی پەوەندییەکان بەشدار بوون
 
لەدوای بەخێرهاتنی ئامادەبوان و بە ساتێک وەستان بۆ رێزلێنان لەگیانی پاکی شەهیدانی کورد و کوردستان لەلایەن هەڤاڵ شێخ شەماڵ کۆبوونەوە کرایەوە. بەڕێوەبردن و ئیدارەدانی کۆبوونەوە لەلایەن هەڤاڵان ( زوبێر ئایدار و شێخ شەماڵ و دڵشاد خان )  بەڕێو چوو
بابەتی کۆبونەوەکە  بریتی بوون لەم تەوەرانەی خوارەوە :  
• ڕەوشی سیاسی کوردستان بەگشتی
• کێشەی ئێستای کەرکوک
• کوردستانی ڕۆژ ئاوا و تایبەتر شاری حەسەکە  
• هەڵسەنگاندنی کۆنفرانسی 100 ساڵەی پەیمانی لۆزان
• پلانسازی بۆ کارو چالاکی داهاتوو بەتایبەتیش ئامادەکاری بۆ کۆنفرانسێکی تایبەت بە بێگانەکان سەبارەت بە پەیمانی شومی لۆزان
• شایەنی ووتنە 32 پارت و ڕێکخراوی سیاسی کوردستانی بەشدار بوون لە کۆبونەوەکە،نزیک بە 19 کەس بەشداری چڕو پڕیان کرد لە شڕۆڤەکردنی ئەم بابەتانەی خوارەوە
 
• ڕەوشی سیاسی کوردستان و مەترسییەکان  
• کێشەی ئێستای کەرکوک
• کوردستانی ڕۆژ ئاوا و تایبەتر شاری حەسەکە  
• هەڵسەنگاندنی کۆنفرانسی 100 ساڵەی پەیمانی لۆزان
• پلانسازی کۆ کارو چالاکی سێ مانگی داهاتوو بەتایبەتیش ئامادەکاری بۆ کۆنفرانسێکی تایبەت بۆ بێگانەکان سەبارەت بە پەیمانی شومی لۆزان .

بافڵ جه‌لال تاڵه‌بانی، سەرۆکی یەکێتیی نیشتمانیی کوردستان و حوسێن ئەمیر عەبدوڵلاهیان، وەزیری دەرەوەی ئێران لە تاران کۆبوونەوە.

لە کۆبوونەوەکەدا کە رەفعەت عەبدوڵا، بڕیاردەری دەستەی کارگێڕی و دەرباز کۆسرەت رەسوڵ، کارگێڕی مەکتەبی سیاسی و عیماد ئەحمەد، ئەندامی مەکتەبی سیاسی و هیوا ئەحمەد، سەرۆکی دەزگای ئاسایشی هەرێم ئامادەبوون، جەخت لە گەشەپێدان و بەرەوپێشچوونی پەیوەندیی دۆستانە و فراوانکردنی هاریکارییەکانی نێوان هەرێم، عیراق و کۆماری ئیسلامیی ئێران کرایەوە بەشێوەیەک کە لەخزمەت بەدیهێنانی بەرژەوەندییە باڵاکان و پاراستنی سەقامگیریی ناوچەکە بێت.

لە درێژەی کۆبوونەوەکەدا سەرۆک بافڵ جەلال تاڵەبانی لەبارەی دوایین پێشهات و گۆڕانکارییە سیاسییەکانی ناوچەکەوە هەڵوێستی یەکێتی روونکردەوە و رایگەیاند، ئامانجمان بەدیهێنانی سەقامگیریی و پێکەوەژیانە لەناوچەکە، بۆ ئەمەش بەهەمووشێوەیەک پشتیوانی گفتوگۆ و لێکتێگەیشتنی بەرپرسیارانە دەکەین و بڕواشمان وایە ئەوە تەنیا رێگایە بۆ زاڵبوون بەسەر کێشەکان و گەیشتن بە ئامانجە نیشتمانییەکان.

لەبەرامبەردا حوسێن ئەمیر عەبدوڵلاهیان، وەزیری دەرەوەی ئێران ئاماژەی بە رۆڵ و سیاسەتی حەکیمانەی سەرۆک مام جەلال کرد و رایگەیاند، ئەو سەرکردەیەک بوو هەموو دەنگ و رەنگە جیاوازەکانی کۆدەکردەوە، کاریگەرییەکانی ئەو لە بونیادنانی عیراقی نوێدا لەبیرناکرێت و بەڕێزەوە لە هەوڵەکانی دەڕوانین.

پەرەپێدانی پەیوەندییە ئابووری و بازرگانییەکانی نێوان هەرێم، عیراق و ئێران تەوەرێکیتری کۆبوونەوەکەبوو و هەردوولا لەسەر فراوانکردنی هاریکارییەکان و فراوانکردنی ئاڵوگۆڕە بازرگانییەکان هاوڕابوون.