هەولێری قەڵای سەوز بەعسیشی بەزاند

لەیادی راپەڕینی هەولێری قەڵای سەوزی یەکێتیی نیشتمانیی کوردستاندا

لە١١ ئاداری ١٩٩١ دا، هەولێرو هەولێرییە هەردەم سەربەرزەکان، بەرابەرایەتیی یەکێتیی نیشتمانیی کوردستان، لەجەورو ستەمی دەسەڵاتی بەعسی رەفتار فاشستی لەناوچوو رزگاریی بوو، سەرانی بەعسی عەفلەقی کونە مشکیان لێببووە قەیسەری

لەدوای تێپەڕبوونی ٣٢ساڵ بەسەر دەرکردنی بەعس لەهەولێر، ئێستا یەکێتیی نیشتمانیی کوردستان لەبیری وردی ئەوەدایە هاوسەنگی هێز بگەڕێنێتەوەو بەنوێگەریی دووبارە بگەڕێتەوە بۆ لای رەنجدەرانی بیروبازوو و دروشمی گەڕانەوە بۆ خانووە قوڕەکان و گەڕانەوەی شکۆ بۆ تاکی کورد سەرمەشقی کاروچالاکییەکانێتی

سڵاو لەشەهیدە نەمرەکانی راپەڕین
سڵاو لەروحی سەرۆک مام جەلال رابەری ئازادیخوازیی کۆمەڵانی خەڵکی کوردستان
سڵاو لەتێکۆشەرە دێرینەکانی کوردو کوردستان
سڵاو لەکوڕە گیان لەسەردەستەکانی مەفرەزە قارەمانەکانی شاڵاو و باوکی رێناس

راگەیاندنی مەکتەبی ناوەندەکانی دەرەوەی
یەکێتیی نیشتمانیی کوردستان
ئادار ٢٠٢٣