یەکخستنی تواناکانی راگەیاندنکاران

یەکخستنی تواناکانی راگەیاندنکاران

راگەیاندنی مەکتەبی ناوەندەکانی دەرەوەی ی.ن.ک سەعات ٨:٠٠ی ئێوارەی یەک شەممە، ٤کانوون یەکەم ٢٠٢٢، بەرێنمایی و راسپاردەکانی هەڤاڵ پۆڵا سیروان تاڵەبانی ئەندامی (م.س) و لێپرسراوی مەکتەبی ناوەندەکانی دەرەوەی ی.ن.ک و بەسەرپەرشتی هەڤاڵ سۆران لێپرسراوی راگەیاندن لەمەکتەبی ناوەندەکانی دەرەوەی ی.ن.ک یەکەم کۆبوونەوەی بەرایی لێپرسراوانی ڕاگەیاندنی ناوەندەکانی دەرەوە "لەڕێگەی ڤیدیۆ سکایپەوە" بەساتێک بێدەنگی و رێزگرتن لە گیانی پاکی شەهیدانی هەردەم زیندوو دەستیپێکرد..هەڤاڵ سۆران رووناکی خستە سەر ئەومیکانیزمانەی دەبنە پتەوکردنی بنەماکانی راگەیاندن و ئەو فاکتەرانەی تواناکان یەکدەخات، بۆ ئەوەی راگەیاندنی یەکێتی لەجاران زیاتر بەجۆش و خرۆشەوە لەدەرەوەش رۆڵی کارای خۆی بینێت لەهۆشیارکردنی تێکڕای کوردستانیان لەئەوروپاو ئەمریکاو ئوسترالیا، بەشداربێت لەنەخش و ئاراستەکردنی رای گشتیی کۆمەڵانی خەڵکی کوردستان...بۆ ئەو مەبەستەش ئامادەبووان، پرسیارو بیروڕاو سەرنج و تێڕوانینەکانی خۆیان خستەڕوو، بەگرنگییەوە لەلایەن هەڤاڵ لێپرسراوی راگەیاندن لەمەکتەبی ناوەندەکانی دەرەوەی ی.ن.ک وەڵامیان درایەوەو هەمووان کۆک بوون لەسەر ئەوەی درێژە بەکۆبوونەوەکان بدرێت و بەگیانی هەستکردن بەبەرپرسیارێتەوە کاربکەن بۆ بەرەوپێشبردنی رەوتی راگەیاندن لەدەرەوە....راگەیاندنی مەکتەبی ناوەندەکانی دەرەوەی ی.ن.ک٤ کانوونی یەکەم ٢٠٢٢