Accueil

ئەمڕۆ بەرواری ٢١-١-٢٠٢٣ بە ئامادەبوونی ھەڤاڵ لەمیعە بالەک لێپرسراوی بەشی ڕێکخستن ناوەندی نەمسای یەکێتی نیشتمانی کوردستان ھەڵمەتی بەسەر کردنەوەی ئەندامان و ھەروەھا پڕکردنەوەی فۆرمی ئەندامێتی نوێ ، لای خۆشیەوە بەرپرسی بەشی ڕێکخستن سوپاسی ھەڤاڵان کرد کە بەدەم داواکاری پڕ کردنەوەی فۆرمەکە بوون .


ناوەندی نەمسا ی.ن.ك
٢١-١-٢٠٢٣

سەردان و بەسەر کردنەوە

ئەمڕۆ بەرواری ٢٣-١-٢٠٢٣ هەریەک لە هەڤاڵان ئامینە محمد ئەندامی مەکتەبی ناوەندەکانی دەرەوە و لێپرسراوی ناوەندی نەمسا و هەڤاڵ کاک جەمال خانەقینی ئەندامی کەرتی ڤییەنا و هەڤاڵ لەمیعە بالەک لێپرسراوی بەشی ڕێکخستن و هەڤاڵ سەردار ئەحمەد لێپرسراوی بەشی دارای و هەڤاڵ شاخان عەلی لێپرسراوی کەرتی گراتس و لێپرسراوی ڕاگەیاندن بە مەبەستی لە نزیکەوە ئاگادار بوون لە ڕەوشی تەندروستی سەردانی هەڤاڵ (کامەران کەریم جاف) مان لە نەخۆشخانە کرد کە ماوەیەکی زۆرە تەندروستی باش نیە ، بە ناوی ناوەندی نەمساوە هیوای تەندروستیەکی باشی بۆ ئەخوازین

ناوەندی نەمسا ی.ن.ک

٢٣-١-٢٠٢٣

کۆبوونەوە


ئەمڕۆ بەرواری ٢٣-١-٢٠٢٣ ھەڤاڵ ئامینە محمد ئەندامی مەکتەبی ناوەندەکانی دەرەوە و لێپرسراوی ناوەندی نەمسا یەکێتی نیشتمانی کوردستان و ھەڤاڵ کاک حەمە کەریم لێپرسراوی بەشی پەیوەندیەکانی ناوەندی نەمسا کۆبوونەوە
دانیشتنەکە تایبەت بوو بە تاوتوێکردنی پەیوەندیەکان و چۆنیەتی بەڕێوەچونی کاروبارەکان لە داھاتودا و سەبارەت بە پەیوەندیە گشتیەکان و پەیوەندیە کوردستانیەکان ، ھەروەھا بەرنامەی کاری ساڵی ٢٠٢٣ تاوتوێ کرا و باس لە چۆنیەتی ڕێکخستنەوە و بەرەو پێش بردنی پەیوەندیەکانی یەکێتی نیشتمانی کوردستان کرا


ناوەندی نەمسا ی.ن.ك
٢٣-١-٢٠٢٣

کۆبوونەوە

لەسەر بانگھێشتی باڵوێزی عێراق لە ووڵاتی نەمسا بەڕێز کاک بکر فتاح ئەمڕۆ ھەریەک لە ھەڤاڵان ئامینە محمد ئەندامی مەکتەبی ناوەندەکانی دەرەوە و لێپرسراوی ناوەندی نەمسا ی.ن.ك و ھەڤاڵ کاک حەمە کەریم لێپرسراوی پەیوەندیەکانی ناوەندی نەمسا بەشداریان کرد لە کۆبوونەوەی نوێنەری حیزبە عێراقیەکان لە ووڵاتی نەمسا و لە کۆبوونەوەکەدا بەڕێز کاک بەکر فەتاح تیشکی خستەسەر دواین ڕوداوەکانی عێراق و ئەو ھەوڵانەی کە سەفارەت دەیدات و بەڕێزیان ئاماژەیان بە کردنەوەی سەفارەتی نەمسا لە عێراق داو لە ھەمان کاتدا تەوەری سەرەکی کۆبوونەوەکە بردنەوەی عێراق بوو لە جامی کەنداو کە دەستپێکێکی گرنگە بۆ سەرجەم گەلانی عێراق ھەروەھا گرنگی دان بە بواری وەرزش و ھەستانەوە بۆ سەجەم عێراقیەکان وە ھەروەھا ھەوڵە جدیەکان بۆ چارەسەری ئەو کێشانەی کە لە ڕابردودا و لە ئێستادا چەقیان بەستبوو
دواتر ئامادەبوانیش بە پێشنیار و ڕاوبۆچون و پرسیارەکانیان بەشدار بوون لە دانیشتنەکەدا ، وە بەڕێز جەنابی سەفیر سوپاسی ئامادەبوانی کرد بۆ بەشداری کردنیان

ناوەندی نەمسا ی.ن.ك
٢٣-١-٢٠٢٣

ەکێتی نیشتمانی کوردستان
مەکتەبی ناوەندەکانی دەرەوە
ناوەندی نەمسا


                                  کۆبوونەوە

ئەمڕۆ بەرواری ١٢-٣-٢٠٢٣ دەستەی ناوەندی نەمسا یەکێتی نیشتمانی کوردستان کۆبوونەوە
سەرەتای کۆبوونەوەکە ساتێک بێدەنگی بۆ سەرجەم شەهیدانی ڕێگای ڕزگاری کورد و کوردستان و ڕۆحی ڕەوانشاد سەرۆک مام جەلال
پاشان هەڤاڵ ئامینە محمد ئەندامی مەکتەبی ناوەندەکانی دەرەوە و لێپرسراوی ناوەندی نەمسا تیشکی خستەسەر کاروبارەکانی ناوەندی نەمسا و هەوڵە بەردەوامەکانی ئەندامان بۆ سەرخستنی ناوەندی نەمسا
پاشان لە چوارچێوەی گۆڕانکاریەکانی مەکتەبی ناوەندەکانی دەرەوە یەکێتی نیشتمانی کوردستان و بە ئامادەبوونی بەڕێزان
لێپرسراوی بەشی پەیوەندیەکان و لێپرسراوی بەشی پێشمەرگە دێرینەکان و لێپرسراوی کەرتی لینز و لێپرسراوی کەرتی گراتس و لێپرسراوی کەرتی ڤیەننا و لێپرسراوی چاودێری و بەدواداچون و لێپرسراوی دارایی و لێپرسراوی ئامار و لێپرسراوی ڕێکخستن و لێپرسراوی ڕاگەیاندن و لێپرسراوی بەشی پەیوەندیەکانی ناوەند ئامادە بوون
ئاڵوگۆڕی لێپرسراوی ناوەندی نەمسا هەڤاڵ ئامینە محمد  لەگەڵ کاک هێمن شێروانی بەڕێوەچوو
هەروەها ڕادەست کردنی سەرجەم کەلوپەلەکانی ناوەندەکە بۆ لێپرسراوی نوێ
لەلایەن هەڤاڵ ئامینەوە پیرۆزبایی هەڤاڵ کاک پۆڵا گەیەنرا بە لێپرسراوی نوێ ، هەروەها هەڤاڵ ئامینە داوای کرد لە سەرجەم ئەندامانی دەستەکە کە هاوکار و پشتیوانی هەڤاڵ هێمن بن لە ئەرکە نوێیەکەیدا
بەناوی ئەندامانی دەستەی ناوەندی نەمسا هیوای سەرکەوتن بۆ لێپرسراوی نوێی ناوەندی نەمسا دەخوازین سەرکەوتو بێت


ناوەندی نەمسا
١٢-٣-٢٠٢٣

یەکێتی نیشتمانی کوردستان
مەکتەبی ناوەندەکانی دەرەوە
ناوەندی نەمسا

                         پــــرســـەنــــامــــە

بەڕێز : کاک عەبدووللە پۆڵا و کەسوکار و خانەوادەی کۆچکردوو

بەناوی ناوەندی نەمسا یەکێتی نیشتمانی کوردستان پرسە و سەرەخۆشی خۆمان ئاڕاستەی (حەبیبە مستەفا عەزیز ) دایکی هەڤاڵ کاک عەبدووللە پۆڵا پێشمەرگەی دێرین و ئەندامی ناوەندی نەمسا دەکەین ، داواکارین لە پەروەردگار سەبوری خانەوادەکەیان بدات و خوالێخۆشبوو بە بەهەشتی بەرین بسپێرێت
ئەمڕۆ هەڤاڵ کاک هێمن هاوار شێروانی لێپرسراوی ناوەندی نەمسا و هەڤاڵ لەمیعە باڵەک لێپرسراوی بەشی ڕێکخستن بە مەبەستی دەربڕینی هاوخەمی سەردانی هەڤاڵ کاک عەبدووللە پۆڵایان کرد لە ماڵەوە

                    انا للە و انا الیە الراجعون

ناوەندی نەمسا ی.ن.ك
١٨-٣-٢٠٢٣

مەکتەبی ناوەندەکانی دەرەوە

(پرسەنامە)

بۆ بەڕێز / هەڤاڵ عبداللە ناسراو بە کاک عبداللە پۆڵا

بەناوی لێپرسراوی مەکتەب و هەموو هەڤاڵانی مەکتەبی ناوەندەکانی دەرەوە پرسەو سەرەخۆشی ئاراستەی هەڤاڵ عبداللە  لە ووڵاتی نەمسا بە لە دەستدانی دایکی بەڕێزتان حەبیبە حاجیلە ڕەواندزی خێزانی وەستا ڕەفیق تیلەکۆی وە هەروەها سەرەخۆشی خۆمان ئاراستەی خانەوادە تێکۆشەرەکەتان دەکەین داواکارین لە خوای گەورە گیانی خوالێخۆشبوو بە بەهەشتی بەرینی خۆی شاد بکات و سەبووری و ئارامی ببەخشێت بە خانەوادە تێکۆشەرەکەیان



پۆڵا سیروان تاڵەبانی
لێپرسراوەی مەکتەبی ناوەندەکانی دەرەوە
١٨\٣\٢٠٢٣

نەمسا
ئەمڕۆ ٢٦/٣/٢٠٢٣ ھەڤاڵان ئامینە خان و سۆران ئەحمەد ئەندام مەکتەبی مەکتەبی ناوەندەکانی دەرەوە لەگەڵ ھەڤاڵ ھێمن شێروانەی لێپرسراوی ناوەندی یەکێتی لە نەمسا کۆبونەوە

بەدەقەیەک وەستان بۆ گیانی پاکی شەھیدان کۆبونەوە دەستی پێکرد دواتر ھەڤاڵان لەسەر کاروبەرنامەی ناوەندی نەمسا گفتوگۆیانکرد و تیشکیان خستەسەر بابەتە گرنگەکانی کە پێویست بوو بۆ گەشەکردنی ھەڤاڵانی یەکێتی لە نەمسا و شێوازی داڕشتنەوەی ھەیکەلی نوێی یەکێتی لەکۆتایدا جارێکیکە پیرۆزبای دەستبەکاربونی پۆستی نوێ لە ھەڤاڵ ھێمن کرا و پشتیوانی ھەڤاڵانی مەکتەب و بەڕێز لێپرسراوی مەکتەبی پێراگەیەنرا

ڕێکخستنەکانی ی.ن.ك لە نەمسا لە زیادبووندایە


بەئامادەبوونی ستافی ئەنجومەنی ناوەند کۆبوونەوەی ناوەندی نەمسا بەڕێوەچوو
سەرەتای کۆبوونەوەکە بە سروودی مەشخەڵان و ساتێک بێدەنگی بۆ گیانی پاکی سەرجەم شەهیدانی ڕێگای ڕزگاری کورد و کوردستان و سەرۆک مام جەلال دەستی پێکرد
پاشان هەڤاڵ کاک هێمن شێروانی لێپرسراوی ناوەندی نەمسا پیرۆزبایی جەژنی ڕەمەزان لەسەرجەم ئامادەبوان کرد و هەروەها بەخێرهاتنی چەند هەڤاڵێکی تازەی بۆ ناو ڕێکخستنەکانی ی.ن.ك لە ووڵاتی نەمسا کرد، دواتر تیشکی خستەسەر کاروبارەکانی ناوەندی نەمسا دەست بەکاربوونی وەک لێپرسراوی نوێ هەروەها باسی لە خزمەت کردن بە ڕەوەندی کورد لە ووڵاتی نەمسا کرد و هەروەها سەردانیکردنی چەند هەڤاڵێک و ئاشتکردنەوەیان
خاڵێکی سەرەکی کۆبوونەوەکە باس کردن بوو لە یادی دامەزراندنی یەکێتی نیشتمانی کوردستان کە بڕیارە بەڕێوە بچێت ، تەوەرێکی تری کۆبوونەوەکە گفتوگۆی ئەندامەکان بوو پرسیار و ڕاوبۆچونەکانیان خستەڕوو وە کۆبوونەوەیەکی هەڤاڵانە و سەردەمیانە بوو ، بەخێرهاتنی ئەو هەڤاڵانەی هاتونەتە ناو ڕێکخستنەکانی یەکێتی نیشتمانی کوردستان لە ووڵاتی نەمسا
لای خۆیەوە هەڤاڵ کاک هێمن شێروانی سوپاسی سەرجەم ئامادەبوانی کرد کە بەژدار بوون لە کۆبونەوەکەدا کاتیان بۆ تەرخانکرد


ناوەندی نەمسا ی.ن.ك
٢٣-٤-٢٠٢٣

لاهای: مەراسیمی دەست بەكاربوونی بەرپرسی نوێی ناوەندی هۆڵەندای یەكێتی بەڕێوە چوو
ڕۆژی یەكشەمە، 14/5/2023، لە شاری لاهای، بەئامادەبوونی هەریەك لە هەڤاڵان، ئەكرەم مەحەمەد، لێپسراوی كۆمیتەی هۆڵەندای كۆمەڵەی پێشمەرگە دێرینەكان و بەختیار بەكر، نوێنەری یەكێتی نیشتیمانی كوردستان لە هۆڵەندا و سەردار فەتاح ئەمین لێپسراوی ڕێكخراوە دیموكراتییەكانی هۆڵەندا و چەندین پێشمەرگە و تێكۆشەری دێرین و كادیری یەكێتیی دانیشتووی سنوری كاركردنی ناوەندی هۆڵەندا، مەراسیمی دەستبەكاربوونی بەرپرسی نوێی ناوەندی هۆڵەندای یەكێتی بە سەركەوتوویی بەڕێوە چوو و هەڤاڵ (دەرسیم زەند)، بە بڕیاری بەڕێز، مەكتەبی ناوەندەكانی دەرەوەی یەكێتی، وەكو بەرپرسی نوێی ناوەندی هۆڵەندا دەست بەكار بوو. شایەنی باسە، بەڕێز هەڤاڵ پۆڵا سیروان تاڵەبانی، ئەندامی مەكتەبی سیاسی و لێپسراوی مەكتەبی ناوەندەكانی دەرەوە كە لەڕێگەی پەیوەندی تەلەفۆنی بەشداری كۆبوونەوەكە بوو، پیرۆزبایی لە بەرپرسی نوێی ناوەندی هۆڵەندا كرد و هیوای سەركەوتنی بۆ خواست. ئامادەبووانی كۆبوونەوەكەش بەهەمان شێوە پاش پیرۆزبایی كردن، پشتیوانی خۆیان بۆ بڕیاری ڕێكخراوەیی یەكێتی دووپات كردوە و بەڵێنیاندا هاوكار و پشتیوان بن لەپێناو برەودان بە كاری ڕێكخراوەیی. لەبەرامبەردا، بەرپرسی نوێی ناوەندی هۆڵەندا، سوپاسی ئامادەبووانی كرد و بەڵێنیدا وەكو پێشمەرگەیەكی دڵسۆزی ڕێبازی سەرۆك تاڵەبانی بێ جیاوازی كردن كار بكات و هەموو هەڤاڵان بە خوشك و برا و كەس و كاری خۆی بزانێت و بایەخییان پێبدات. كۆبوونەوەكە لە كەش و هەوایەكی حزبیانە و ئارام دا بە  پێشكەشكردنی گوڵی پیرۆزبایی كۆتاییهات.

٤٨ مين ساڵیادی دامەزراندنی یەکێتيی نیشتمانيی کوردستان لە نەمسا بەرز ڕاگیرا ناوەندی نەمسا وەک هەمیشە لە کاروچلاکیەکانیان بەردەوام بوون و لەمساڵدا بە گروتینێکی زۆرەوە یادی یەکێتیی نیشتمانی کوردستانیان کردوە بە بەشداری چەندین کەسایەتی ناوداری کوردستانی و عێراقی و جیهانی

بەژداریکردن و پەیامی

سەفیری عێڕاق کاک ( بەکر فەتاح )
قونسڵی عێڕاق کاک (حەدەر الصمید عی )
نوێنەری حوکومەتی هەرێم ( دکتۆر مصطفی رەمەزان )
بەپرسی پارتی دیموکراتی کوردستان
حیزبی دیموکراتی کوردستانی ئێران
کۆمەڵەی زەحمەتکێشانی کوردستان
حیزبی کۆمەڵەی کوردستانی ئێران
حیزبی شوعی عێڕاق
حیزبی شوعی کوردستان
حیزبی سۆسیالیستی کوردستان  حیزبی سوسیالدیموکراتی نەمسا SPÖ
حیزبی سەوزی نەمسا GRÜNE
نوێنەری پاڕێزگاری ڤییەنا
حیزبی موحافزینی نەمسا OVP
مەڵبەندی کوردی لە نەمسا


بەسەرپەرشتی
هێمن هاوار شێروانی
لێپرسراوی ناوەندی نەمسای ( ی ن ك )
بەبەژداری
هەڤاڵ ( ئامینە عوسمان علی )
ئەندامی مەکتەبی نەوەندی دەرەوە
هەڤاڵ ( حەمە کەریم )
عیلاقاتی یەکێتیی ووڵاتی نەمسا
هەڤاڵ ( دکتۆر شۆرش عبدالغفور )
عیلاقاتی یەکێتیی ووڵاتی هەنگاریا
هەڤاڵ ( عبداللە پۆڵا ) ڕاوێژکاری ناوەندو پێشمەرگەی دێرین
  هەڤاڵ ( هاکار شەدەڵە )
لێپرسراوی
پەیوەندیە ئەروپیەکانی نەمسا
هەڤاڵ ( شاخان علی )
لێپرسراوی ڕاگەیاندن
هەڤاڵ ( ماهیر محمد امین )
لێپرسراوی کەرتی هەنگاریا
هەڤاڵ ( فەرهاد شاکر )
لێپرسراوی کەرتی ڤییەنا

هۆڵەندا: 48 هەمین ساڵڕۆژی یەكێتی پیرۆز ڕاگیرا

ڕۆژی یەکشەممە بەرواری (٤/٦/٢٠٢٣)، لەبارەگای ناوەندی هۆڵەندای یەكێتی نیشتیمانی كوردستان لە مەڕاسیمێکدا بەئامادەبونی هەر یەک لە (بەختیار بەكر) نوێنەری یەكێتی لەهۆڵەندا و (ئەكرەم مەحەمەد) بەرپرسی كۆمیتەی كۆمەڵەی پێشمەرگە دێرینەكان و بەرپرسی ئۆرگان و كەرتە تێكۆشەرەكان و كەسایەتی و ئەندامانی دڵسۆزی یەكێتی ئامادەبوون ، ٤٨ هەمین ساڵڕۆژی یەكێتی پیرۆز ڕاگیرا
 سەرەتای مەراسیمەكە لەلایەن (دەرسیم زەند) لێپرسراوی ناوەندی هۆڵەندا بە وتەی بەخێرهێنان دەستی پێكرد. پاشان نوێنەری یەكێتی لە هۆڵەندا، وتارێكی پێشكەش كرد و تیشك خرایە سەر مێژوو و پێگەی پڕ لە خەبات وكاریگەری یەكێتی لە ئێستا ولەڕابردوودا
پاشان هەستاین بەدابەش کردنی سوپاس نامەی بەرێز کاك پۆڵا سیروان تاڵەبانی ئەندامی مەکتەبی سیاسی و لێپرسراوی مەکتەبی ناوەندەکانی دەرەوە ، کە تیایدا ئامادەبووان خۆشحاڵی و سوپاس گوزەشتی خۆیان بۆ بەڕێزیان دەربڕی
دواتر هەموان پێگەوە مۆمی (٤۸) ساڵەی یەکتیێیەکەمان داگیرساند
شایەنی باسە هەموو ئامادەبووان بەدڵ خۆشی وهیوایەکی زۆرەوە تا دواچرکە و لەکەش و هەوایەکی هەڤاڵانە یادگاری و بەسەرهاتەکانی شاخ و پێشمەرگایەتی و چالاکیەکانی شاخ و شاریان گێڕایەوە
ئەوەی جێگای دڵ خۆشی هەمووان بوو کەژنانی پێشمەرگەش بەسەرهاتەکانی خۆیان گێرایەوە وەک ئاماژەیەک کە ڕۆڵی ژنان هیچ کەمتر نەبووەلە پیاوان لەبزوتنەوەی رزگاری خوازی گەلەکەمان
له کۆتاییدا لێپرسراوی ناوەند لەم رۆژەدا بەڵێنی دووپات کردەوە کەهەمیشە درێژە پێدەری ڕێبازە پیرۆزەکەی سەرۆك مام جەلال بێت بۆ بەدیهێنانی مافی گەلەکەمان و بەرەوە پێشبردنی یەکێتییەکەمان

ئەمرۆ 25/06/2023ناوەندی هۆڵەندای یەکێتی نیشتمانی کوردستان هەستا
بەئامادەکردنێکی سەیرانێکی خۆش بەبۆنەی یادی یەکێتی و دوا چالاکی پێش پشووی هاوین.
وەکوو ئەزانن کورد نەتەوەیەکە بەوە ناسراوە کە کۆمەلایەتیە،  هەر لە دێر زەمانەوە بۆ خۆشی و ناخۆشی وەستاوە لەگەڵ هاوڕێی،  دراوسێ ، خزم و دۆستی بەڵام بەداخەوە ئێمە لە دەرەوە بە حوکمی ئەوەی سەرقاڵی ئیش و کار وخێزانی خۆمان بوینە تا ڕادەیەک پەیوەندییە کۆمەڵاییەتیەکانمان فەرامۆش کراون!
هەر بۆیە چۆن وەک ئەوەی ئاماژەمان پێی دابوو لە داوەت نامەکەمان پتەو کردنی پەیوەندییە کۆمەڵاییەتیەکان. پێویستە  ئەو پەیوەندییە جارێکی تر زیندووی کەینەوە و لەخۆشی و ناخۆشی یەکدا بەشداربین و ئەم سەیرانەمان ئەمڕۆ دەستپێکێک و نمونەیەک بوو و بۆ دووبارە زیندوو کردنەوە پەیوەندییە کۆمەڵایەتیەکان. سەیرانەکەشمان بووە مایەی شاد و فەراهەم کردنی ئاشتی کۆمەڵامەڵایەتی.

بە ئامادەبوونی بەرێز(شێخ شەماڵ) ئەندامی مەکتەبی ناوەندەکانی دەرەوەو لێپرسراوی بەشی پەیوەندییە کوردییەکان  وەهەروەها بەسەرپەرشتی بەرێز لێپرسراوی ناوەندی هۆڵەندای(ی.ن.ك) خاتوو(دەرسیم زەند) کۆبوونەوەی کەرتەکان ئەنجام درا
لەکۆبوونەوەکەدا تیشک خرایە سەر ئەم  بابەتانەی خوارەوە
 بارودۆخی سیاسی ئێستای کوردستان
گۆرانکاریەکانی ناوەندەکانی دەرەوە و چۆنیەتی کاری ئایندە
ئاماری ناوەند و سەر لە نوێ ئامار کردنەوەی هەڤاڵان بابەتێکی تری سەرەکی کۆبوونەوەکەبوو
ئیش کردن لەسەر رێكخستنەوەی ناوەند ئامانجێکی تری کۆبوونەوەبوو
کۆبوونەوەکە لە کەش و هەوایەکی هەڤاڵانە  و حزبیانە بەسەرکەوتوویی کۆتایی پێ هات

"تێپەڕاندنی ئاستەنگەکان"
یەکەم کۆبوونەوەی دەستەی نوێی کارگێڕیی ناوەندی هۆڵەندا


 یەکەم کۆبوونەوەی دەستەی کارگێڕیی نوێی ناوەندی یەکێتیی نیشتمانیی کوردستان لەهۆڵەندا، بەئامادەبوونی
 هەڤاڵ پۆڵا سیروان تاڵەبانی لێپرسراوی مەکتەبی ناوەندەکانی دەرەوەو ئەندامی مەکتەبی سیاسیی  یەکێتیی نیشتمانیی کوردستان  ، ھەڤاڵ شێخ شەماڵ ئەندامی مەکتەب و ھەڤاڵ خاتوو دەرسیم لێپرسراوی ناوەندی ھۆڵەندا بەئۆنڵاین  بەڕێوەچوو

لەو کۆبوونەوەیەدا هەڤاڵ لێپرسراوی مەکتەب، گرنگی کۆبوونەوەی دەستەی نوێی کارگێڕیی خستەڕوو، وێڕای پیرۆزبایی لەهەڤاڵانی دەستەی کارگێڕی ناوەندەکە، هیوای سەرکەوتنی بۆ خواستن، پاشان  پرسەکانی پەیوەست بەزیاتر گەشەپێدانی یەکێتی و  بارودۆخی هەرێم و میکانیزمەکانی هێنانەکایەی یەکدەنگی و پاراستنی یەکێتییەکانی "نێو یەکێتی و یەکێتی کۆمەڵانی خەڵک و یەکێتی هێزو لایەنە سیاسیەکان"ی بۆ ئامادەبووان خستەڕوو، رایگەیاند، تەنیا رێگە بۆ تێپەڕاندنی ئاستەنگەکان یەکخستنەوەی نێو ماڵی کوردایەتیە

بەپرسیارو خستنەڕووی دیدو تێڕوانینەکانی هەڤاڵانی ئامادەبوو، وەڵامدانەوەیان لەلایەن هەڤاڵ پۆڵاوە کۆتایی بەکۆبوونەوەکە هات

راگەیاندنی
ناوەندی یەکێتیی نیشتمانیی کوردستان لە ھۆڵەندا

ناوەندی هۆڵەندای (ی.ن.ك) یەکەمین کۆبوونەوەی دەستەی کارگێری خۆی ئەنجام دەدات

رۆژی یەك شەمە بەرواری ٢٤ی ٩ی ٢٠٢٤ ناوەندی هۆڵەندای (ی.ن.ك) یەکەمین کۆبوونەوەی دەستەی کارگێری ئەنجام دا
دەستپێکی  کۆبوونەوەکە بە ساتێک  وەستان بۆ گیانی پاکی شەهیدان دەستی پێ کرد
پاشان خاتوو (دەرسیم زەند) لێپرسراوی ناوەند کورتەیەك لە سەر بەرنامە و میکانیزمی و کارەکانی ناوەند پێشکەش کرد. دواتر هەر بەشەو پلانی  ئیشکردنی خستەبەردەم  هەڤاڵانی ئامادەبوو
کۆبوونەوەکە لەکەش و هەوایەکی زۆر
هەڤالانەو یەکێتیانە کۆتایی هات

بەرواری ١١-١١-٢٠٢٣ مەڵبەندی کوردی ڤییەنا بانگهێشتی لێپرسراوی ناوەندی نەمسا هەڤاڵ هێمن هاوار شێروانی کرد بە ئامادەبوونی لێپرسراوی بەشی ڕێکخست هەڤاڵ لەمیعە باڵەک و لێپرسراوی بەشی پەیوەندیە عێراقی و کوردستانیەکان هەڤاڵ عەبدووللە پۆڵا و لێپرسراوی بەشی دارایی هەڤاڵ سەردار ئەحمەد هەروەها بە بەژداری کردنی زۆری هەڤاڵانمان بەژداربوون

مەڵبەندی کوردی بانگهێشتی هەریەک لەم هەڤاڵانە (Frau Helga Smirhovsky ,Herr Wieland Schneider,Frau Maria Six-Hohenbalken ,Dr.Jan Peter Kreisky ,Dr.Thomas Schmidinger , Frau Mary Kreutzer , Herr Paul Klingenberg ,Frau Laura Schuller , Frau Berivan Aslan , Dr.Mikael Nuri )کرد .

لە ٣٥ ساڵی ڕابردودا هاوکاری کوردیان کردوە لە ساڵانی ٨٠ کانەوە بەژدار بونە لە کاتی کیمیابارانی هەڵەبجە و ڕاپەڕین ساڵی ١٩٩١ و وە ئەوانەی هاتونەتە ووڵاتی نەمسا لە وەرگرتنی لجوء و پێدای ئیقامەی مانەوە و وە لە پێشکەش کردنی کلتوری کوردی و نوسینەوەی کلتوری کوردی .

وە بەڕێز تۆماس شمیدینگە لە بەشی زانستە ڕامیاریەکان لە زانکۆی نەمسا توانیویانە لەگەڵ چەند هەڤاڵێکی کورد و نەمساوی کوردستان بخەنە ناو بەشی زانستە ڕامیاریەکان لەوێ بتوانن دەرسی لەسەر بخوێنن .

هەروەها لێپرسراوی ناوەندی نەمسا و زۆرێک لە هەڤاڵان بەژداربوونە بە شێوەیەکی زۆر باش بەڕێوە چووە ، هەروەها ئەو نەمساویانەی بانگهێشت کراون ڕێزیان لێنرا بە هۆکاری ئەوەی هاوکاری کوردیان کردوە ئەوانەی لە حیزبی SPÖ , هەروەها هەڤاڵ عەزیز میران ئامادەبوو .

مەڵبەندی کوردی بەڕێوەی بردوە وە ناوەندی نەمسا ڕۆڵی خۆی هەبوە ، پاشان گۆرانیبێژ مستەفا دادەر لە هۆڵەنداوە ئامادەبوو وە دکتۆرێکی نەمساوی بە پیانۆ  و هەڤاڵ ڕزگار خۆشناو بە عود بێژ بەژدار بوو .

پاشان بەرپرسی بەشەکانی مەڵبەندی کوردی هەریەک لە هەڤاڵان (دانا شەدەڵە و هەردی شێروانی و بروسک ڕەشید و جەلیل خەیات ) سەرپەرشتیاری مەڵبەند دەکەن .

ناوەندی نەمسا ی.ن.ك

١٢-١١-٢٠٢٣

ئامادەبوونمان لەپرسەی خاتوو( عائیشە عبدالواحید) خوشکی شەهید جەعفەر و دایکی   خاتوو نەرمین عوسمان  و خاتوو نازەنین خان و کاك هاوتا
بەداخەوە بۆ ئەم ژنە رۆشەنبیرو خوێندەوار ە
جێگەی بەهەشت بێ و دوامەنزڵی پرنووربێ و خودای پەروەردگار  بەبەهەشتی بەرینی شادبکات و سەبووری خانەوادەکەی بکات
زۆرینەی ئەندامان و کادیرانی ی. ن. ك  ئامادەی پرسەکەبوون لەبارەگای ناوەند لە شاری لاهای

دەرسیم زەند
ل.ن. هۆڵەندا

کۆبوونەوەی ناوەندی نەمسا -کەرتی هەنگاریا ی.ن.ك بەڕێوەچوو

ئەمڕۆ بەرواری ٢٦-١١-٢٠٢٣ بەسەرپەرەشتی هەڤاڵ هێمن هاوار شێروانی لێپرسراوی ناوەندی نەمسا و بە ئامادەبوونی هەریەک لە هەڤاڵ عەبدووللە پۆڵا لێپرسراوی پەیوەندیە کوردستانی و عێراقیەکان و هەڤاڵ پەیمان هادی حسن لێپرسراوی ئامار و هەڤاڵ شاخان عەلی عەبدووللە لێپرسراوی ڕاگەیاندن و هەڤاڵ سەردار ئەحمەد لێپرسراوی دارایی و هەڤاڵ هەکار شەدەڵە لێپرسراوی پەیوەندیەکان و هەڤاڵ لەمیعە باڵەک لێپرسراوی ڕێکخستن و هەڤاڵ محمد کەریم ئیبراهیم نوێنەری ی.ن.ك لە ووڵاتی نەمسا و هەڤاڵ ماهر محمد ئەمین لێپرسراوی کەرتی ووڵاتی هەنگاریا بەڕێووەچوو

سەرەتای کۆبوونەوەکە ساتێک بێدەنگی بۆ ڕۆحی سەرۆک مام جەلال و سەرجەم شەهیدانی ڕێگای ڕزگاری کورد و کوردستان
پاشان هەڤاڵ هێمن هاوار شێروانی تیشکی خستەسەر گۆڕانکاریەکانی ناوەوە و دەرەوەی یەکێتی نیشتیمانی کوردستان و بەستنی کۆنگرەی پێنجەمی یەکێتی نیشتیمانی کوردستان و گۆڕانکاری مەڵبەندەکان و هەروەها مەکتەبەکان و باسکردنی باردوخی ناوخۆی یەکێتی نیشتیمانی کوردستان لە ناوەوە و دەرەوە هەروەها ڕۆڵی سەرۆک باڤڵ تاڵەبانی دوای گۆڕانکاریەکان و سەردانیکردنی بۆ لای لایەنە سیاسیەکان و باشترکردنی پەیوەندیەکانی نێوان لایەنە سیاسیەکانی عێراق و کوردستان و ناوچەکە ، داڕشتن و بەرنامە دانان بۆ هەڵبژاردنی ئەنجومەنی پارێزگاکانی عێراق پشتگیری کردنی کەسوکارمان لە کوردستان و دەنگدان بە ئەندامانی لیستی ژمارە (١٢٠) ی.ن.ك لە ناوچە جێناکۆکەکان

هەروەها ئێوارەی ئەمڕۆ وەک ناوەندی نەمسا بەژداربووین لە پرسەی خوالێخۆشبوو (السید الحاج رمزی الصمیدعی) باوکی بەڕێز کونسوڵی عێراق لە ووڵاتی نەمسا

ناوەندی نەمسا ی.ن.ك
٢٦-١١-٢٠٢٣