ناوەندی فینلاند پێشمەرگە دێرینەکان بەسەردەکاتەوە

ناوەندی فینلاند پێشمەرگە دێرینەکان بەسەردەکاتەوە

 رۆژی چوارشەم رێکەوتی ٢٠٢٣/٣/٢٩ وەفدێک لە ناوەندی یەکێتی نیشتیمانی کوردستان لە فینلاند بەشێک لە پێشمەرگەدێرینەکانیان بەسەر کردەوە، وەفدی ناوەند پێکهاتبوو لە هەڤاڵان جەبار جمعة لێپرسراوی ناوەند و  مەزن بابان لێپرسراوی بەشی رێکخستن و ئەحمەد خۆشناو لێپرسراوی بەشی توێژینەوە و چاودێری
سەرەتا وەفدی ناوەند ماڵی پێشمەرگەی دێرین تەوفیق عزیز کەریم  ناسراو بە (حاجی تەوفیق ) یان بەسەرکردەوە و لەنزیکەوە لەهەواڵی تەندروستیان پرسی کە سەڕەڕای ئەوەی تەمەنی گەورە بووە چەند نەخۆشیەکیشی هەیە، حاجی تەوفیق و خانەوادەکەی زۆر خۆشحاڵ بوون و سوپاسی وەفدی ناوەندیان کرد بۆ ئەو سەردانیە ، وەفدی ناوەند ئەوانی دڵنیا کردەوە کە یەکێتی پێشمەرگە و کادیرەکانی خۆی پەراوێز ناکات و هەمووکات لە خزمەتیان دەبێت ، جێی ئاماژە پێکردنە حاجی تەوفیق لە ساڵی ١٩٧٦پەیوەندی کردووە بەریزەکانی یەکێتی نیشتیمانی کوردستان و چەکی پێشمەرگایەتی لەشان کردووە و درێژەی بە خەباتی پێشمەرگایەتی داوە

 پاشان وەفدی ناوەند ماڵی پێشمەرگەی دێرین و کەم ئەندامی سەنگەر رەشاد محمد مستەفا ناسراو بە (مام رەش) یان بەسەرکردەوە و لەهەواڵی تەندروستیان پرسی کە ماوەیەکی زۆرە چارەسەری تەندروستی وەرئەگرێ، کاک  رەشاد خۆشحاڵی خۆی و خانەوادەکەی دەربڕی بەم سەردانیە و و سوپاسی وەفدی ناوەندیان کرد، لەبەرامبەردا وەفدی ناوەند پێیانی راگەیاند کە ئەوەی پێیان بکرێ درێغی ناکەن، جێی ئاماژە پێکردنە کاک رەشاد لەساڵی ١٩٧٧ پەیوەندی کردووە بە ریزەکانی یەکێتی وبۆتە پێشمەرگە و درێژەی بە خەباتی پێشمەرگایەتی داوە تا ئەوکاتەی بەسەختیی بریندار ئەبێت و تا ئەم ساتە وەختە خەریکی وەرگرتنی چارەسەرە