کۆبونەوەی پۆڵا سیروان تاڵەبانی لەگەڵ کادێرانی ئێزدی

ڕۆژی یەکشەممە بەرواری ٢٦/٣/٢٠٢٣  بەئامادەبونی بەڕێزهەڤاڵ (پۆڵا سیروان تاڵەبانی)بەرپرسی ناوەندەکانی دەرەوەو ئەندامی مەکتەب سیاسی و هەڤاڵ (سەروەر ئیسماعیل) بەرپرسی ناوەندی ئەڵمانیای (ی.ن.ك) کۆبونەوەیەک لەگەڵ ژمارەیەک کادری پێشکەوتو کەسایەتی و تێکۆشەری دێرینی یەکێتی لە خوشک و برایانی ئێزدی
دانیشتوی ووڵاتی ئەڵمانیا سازکرد
سەرەتای کۆبونەوەکە بە ساتێك بێ دەنگی بۆ شەهیدانی ڕێگای ڕزگاری کوردستان دەستی پێکرد،پاشان هەڤاڵ( عمر میرفاروق بەگ) بەخێرهاتنی ئامادەبوانی کرد و سوپاسی بەشداریکردنیانی کرد.دوای ووتەکانی بەڕێزیان هەڤاڵ
 بەرپرسی ناوەندی ئەڵمانیا دەربارەی کاروچالاکیەکانی ستافی هەڵبژێردراوی نوێی ئەڵمانیای کرد و گرنگی بەشداری کردنی  خوشکان و برایانی ئێزدی بەرزنرخاند لەچالاکیەکانی  ناوەندی ئەڵمانیا (ی ی.ن.ك)
 پاشان بەڕێز هەڤاڵ (پۆڵا سیروان تاڵەبانی) لە ووتەیەکدا بەخێرهاتنی ئامادەبوانی کرد و بەووردی لەسەر دۆزی خوشكان و برایانی ئێزیدی دوواو ئاماژەی بە ڕۆڵی ئێزدیان کرد لە شۆڕشی نوێی گەلەکەماندا ،وە دووپاتی کردەوە کە لەسەر ڕێبازە پیرۆزەکەی مامی مەزنمان هەڤاڵ (مام جلال تاڵەبانی) بەردەوام دەبین لە خزمەتکردن بە ئێزیدیان و جەختی کردەوە کە (ی.ن.ك) هەمیشە داکۆکیکارێکی سەختی مافە ڕەواکانی خوشکان و برایانی ئێزدی بووە و  لە داهاتوشدا بەردەوام دەبێت. و لەکۆتایی ووتەکەیدا بەڕێزیان ئەم هەنگاوەی ناوەندی ئەڵمانیای(ی.ن.ك) بەرز نرخاند و سوپاس و پێزانینی خۆی بە ناوەندی ئەڵمانیا گەیاند بۆ کۆکردنەوەی خوشکان و برایانی ئێزدی لەووڵاتی ئەڵمانیا،
پاشان ئامادەبوان پێشنیاو سەرنجی خۆیان خستەڕوو،وە سەرنج و پرسیارەکانیان گەیاندە بەرپرسی مەکتەب و بەرپرسی ناوەندی ئەڵمانیا
شایەنی باسە کۆبونەوەکە بە بەشداری ژمارەیەکی بەرچاوی خوشکان و برایانی ئێزدی بەڕێوە چوو ئەم هەنگاوەش سەرەتای کاری پێکەوەیی دەبێت و لەداهاتودا درێژە بەم کۆبونەوانە دەدرێت، بەمەبەستی زیاتر نزیکبوونەوەمان و لەیەکترگەیشتنمان لەگەڵ خوشکان و برایانی ئێزیدی

ڕاگەیاندنی ناوەندی ئەڵمانیا
 (ی.ن.ك )
             26/03/2023