Accueil

بافڵ جەلال تاڵەبانی، سەرۆکی یەکێتیی نیشتمانیی کوردستان بەیاوەری رەفعەت عەبدوڵا، بڕیاردەری دەستەی کارگێڕی و فەرید ئەسەسەرد، سكرتێری ئەنجوومەنی سەركردایەتی، سەردانی بزووتنەوەی گۆڕانی کرد و لەلایەن عومەر سەید عەلی و وەفدێکی باڵای بزووتنەوەکەوە پێشوازیلێکرا

لە کۆبوونەوەکەدا دوایین گۆڕانکارییە سیاسی و ئابوورییەکانی هەرێم تاوتوێکران و جەخت لە پاراستنی یەکڕیزی و لێکتێگەیشتن کرایەوە لەپێناو چارەسەرکردنی کێشەکان و زاڵبوون بەسەر ئاڵنگارییەکاندا

لە درێژەی کۆبوونەوەکەدا پتەوترکردنی پەیوەندییەکانی نێوان هەردوولا جەختیلێکرایەوە و خێراترکردنی هەنگاوەکان بۆ چارەسەرکردنی کێشەکان لە بەغدا لەچوارچێوەی دەستوور و دەستبەرکردنی ژیانێکی شایستە بۆ خەڵک بەپێویست زانرا

بافڵ جەلال تاڵەبانی، سەرۆکی یەکێتیی نیشتمانیی کوردستان لە دەباشان پێشوازی لە دکتۆر عەبدوللەتیف ئەحمەد کرد

لە دیدارێکدا گفتوگۆ لەبارەی قووڵکردنەوە و پەرەپێدانی گیانی تەبایی و پێکەوەژیان کرا و جەخت لە هەماهەنگی و هاریکاری زیاتر کرایەوە لەپێناو گەشەپێدانی ئەو ئاشتەوایی و پێکەوەییەی لەنێوان نەتەوە و پێکهاتە جیاوازەکاندا هەیە و پارێزگاریکردن لەو بەها باڵایانەی پەیوەستن بە کایەکانی ژیانەوە

سەرۆک بافڵ بە گرنگییەوە ئاماژەی بە رۆڵی مامۆستایانی ئاینی کرد لە هۆشیارکردنەوەی کۆمەڵگە و ئاڕاستەکردنی هاوڵاتیان بەرەو تەبایی و پێکەوەژیان و رایگەیاند، مامۆستایانی ئاینی لە شۆڕشەکانی کورددا رۆڵێکی گرنگیان گێڕاوە و فاکتەرێکی گرنگی سەرخستنی شۆڕش بوون، ئەمڕۆش دەبێت بە هەمان رۆحیەتی کوردانە و مرۆڤدۆستانەوە بەردەوامبن لە رێنوێنیکردنی کۆمەڵگە بە ئاڕاستەی چاکە، دوورکەوتنەوە لەبیری توندڕەوی و قووڵکردنەوەی تەبایی لەنێو کۆمەڵگەدا

بافڵ جەلال تاڵەبانی، سەرۆکی یەکێتیی نیشتمانیی کوردستان لە دەباشان پێشوازی لە تاقانەکانی کیمیابارانی هەڵەبجە کرد

لە دیدارێکدا کە نوخشە ناسیح، قائیمقامی هەڵەبجە و وەهاب هەڵەبجەیی، بەڕێوەبەری گشتیی دژەتیرۆر ئامادەبوون، گفتوگۆ لەبارەی دۆخی تەندروستی و ژیانی تاقانەکانی هەڵەبجە و بەرکەوتووانی چەکی کیمیایی کرا و لە چەند خاڵێکدا تاقانەکان خواست و داواکارییەکانیان خستەڕوو

لەبەرامبەردا سەرۆک بافڵ جەلال تاڵەبانی پشتیوانی خۆی و یەکێتی بۆ داواکارییەکانیان خستەڕوو و رایگەیاند، ئێوە رۆڵەی ئێمەن و لەهەموو قۆناغەکانی ژیاندا لەگەڵتان دەبین و پشتیوانتانین. کار لەسەر هەموو داواکارییە رەواکانتان دەکەین و نوێنەرانمان لە هەرێم و بەغدا بەدیهێنەری مافەکانتان دەبن. ئەو خوشک و برایانەشمان کە تەندروستییان ناجێگیرە و پێویستیان بە هاوکاری هەیە، بێگومان بەدەنگەوەهاتنی خێرامان دەبێت و لەخزمەتتاندا دەبین

هەر لە دیدارەکەدا سەرۆک بافڵ ئاماژەی بە مێژووی خەبات و قوربانییەکانی هەڵەبجە و هەڵەبجەییەکان کرد و وتی، بەدرێژایی مێژوو هەڵەبجەییەکان نموونەی خەبات و تێکۆشان بوون لەپێناو کوردستان و لەرووی فەرهەنگیشەوە مێژوویەکی درەوشاوی هەیە. وتیشی، کیمیابارانی هەڵەبجە بۆ هەمیشە لە یادەوەریماندا ئامادەیی هەیە و هەموو خزمەتەکانی ئێمە بارتەقای قوربانییەکانی ئێوە نییە. بۆیە بەڵێنتان پێدەدەم هەرشتێک لەتواناماندا بێت بۆ خزمەتی ئێوە ئەنجامی دەدەین

 گەنجان دەتوانرێت وەک ژێرخانی ئابووری هەژمار بکرێت چونکە گەنجان هێزێکی کاری گرنگن بۆ گەشەپێدانی ئابووری وڵاتێک. لەڕاستیدا گەنجێکی خوێندەوار و ڕاهێنراو دەتوانێت بەشداری لە گەشەی ئابووریدا بکات بە هێنانی بیرۆکەی نوێ و پەرەپێدانی تەکنەلۆژیای داهێنەرانە و ڕەخساندنی هەلی کار.

بەڵام بۆ ئەوەی گەنجان بە تەواوی ڕۆڵی خۆیان لە ئابووریدا بگێڕن، گرنگە بە شێوەیەکی دروست پەروەردە و ڕاهێنانیان پێبکرێت. ئەمەش پێویستی بە وەبەرهێنانی بەرچاو هەیە لە بواری پەروەردە و ڕاهێناندا، بەتایبەتی لە بوارەکانی وەک زانست، تەکنەلۆجیا، ئەندازیاری و بیرکاری.

جگە لەوەش گرنگە گەنجان دەرفەتی کار و کارگێڕییان بۆ دابین بکرێت بۆ ئەوەی بتوانن کارامەییەکانیان بەکاربهێنن و چالاکانە بەشداری ئابووری بکەن. ئەمەش دەتوانرێت بە دروستکردنی ژینگەیەکی بازرگانی کاراکردن، دابینکردنی هاندانەکانی باج و ئاسانکاری دەستڕاگەیشتن بە دارایی بەدەستبهێنرێت.

لە کۆتاییدا گەنجان سەرمایەیەکی سەرەکین بۆ ئایندەی ئابووری وڵاتێک. بە وەبەرهێنان لە خوێندن و ڕاهێنان و دامەزراندنیان، دەتوانین دڵنیا بین لەوەی وڵات لە دەستێکی سەلامەتدایە و دەتوانین بەرەو ئایندەیەکی خۆشگوزەران بەرەو پێشەوە بچێت.

گەنجان سامانێکی ئابوورین بۆ وڵات چونکە نوێنەرایەتی بەشێکی زۆری دانیشتوانی ووڵات دەکەن
گەنجان پێویستیان بە پەروەردەیەکی کوالیتی ئاستێکی بەرز هەیە بۆ ئەوەی بتوانن بەشدارییەکی کاریگەرانە لە ئابووریدا بکەن
پێویستە گەنجان بە کارامەیی تەکنیکی و پیشەیی تەیار بکرێن بۆ ئەوەی بتوانن لە لە نێوەندەکانی دەوڵەتدا دابمەزرێنن
وەبەرهێنان لە پەروەردە و ڕاهێنانی گەنجان وەبەرهێنانێکی درێژخایەنە بۆ ئابووری
پێویستە گەنجان هان بدرێن بۆ ئەوەی ئاستی ووشیاری تاک زیاتر بکەن و چالاکییە ئابوورییەکان ئەنجام بدەن بۆ هاندانی گەشەی
ئابووری
ئەم ٢٠ خالەی خوارەوە حکومەت دەتوانێت بە خاڵبەندیەکی پتەو بیخاتە بەرنامەی کارەوە لێرەوە هەر تاکێکی کوردستان بە سەرجەم نەتەوەکانەوە دەتوانن ڕاو بۆچوونەکانیان بنووسن لە سەر هەر خاڵكیکی کە لایان گرنەوە پاڵپشتی بکەن بۆ ئەوەی حکومەت پەلە بکات لەم پرۆژەی کە گەنج سەرمایەیەکی گرنگە با لە دەستیان نەدەین و داواش لە گەنجان بکرێت بە چاوێکی ڕوون و گەشبینانەوە بە دەم ئەم پڕۆژەیەوە بێن و هەر تاکەو لە چ ئاستێکدا خۆی دەبینێتەوە بەردەوام بیت
بۆ دەستپێکردنی کاروباری داهێنەرانە دەبێت لە ڕووی دارایی و تەکنیکییەوە پاڵپشتی گەنجان بکرێن
گەنجان پێویستیان بە ڕاهێنەرایەتی و نوێنەرایەتی هەیە بۆ ئەوەی لە پڕۆژە کارگێڕییەکانیان سەرکەوتوو بن
پێویستە گەنجان ئاگادار بکرێنەوە لە گرنگی داهێنان و وەبەرهێنان لە هاندانی گەشەی ئابووری
پێویستە گەنجان هان بدرێن بۆ بەدەستهێنانی کارامەیی دیجیتاڵی بۆ ئەوەی بتوانن لە بازاڕی کاردا ڕکابەری بکەن
پێویستە گەنجان هان بدرێن بۆ فێربوونی زمانی نوێ بۆ ئەوەی بتوانن لە ئابوورییەکی جیهانگیردا دامەزراو بن
پێویستە گەنجان ئاگادار بکرێنەوە لەو دەرفەتانەی کە ئابووری سەوز پێشکەشی دەکات بۆ یارمەتیدانی پاراستنی ژینگە
پێویستە گەنجان هان بدرێن بۆ بەشداریکردن لە بەرنامە خۆبەخشییەکان بۆ بەدەستهێنانی کارامەیی کۆمەڵایەتی و کۆمەڵایەتی
پێویستە گەنجان هانبدرێن بۆ بەشداریکردن لە چالاکییە سیاسی و مەدەنییەکان بۆ ئەوەی بەشداری لە ژیانی دیموکراسی وڵاتەکەیاندا بکەن
پێویستە گەنجان هان بدرێن بۆ بەشداریکردن لە ئاڵوگۆڕە نێودەوڵەتییەکان بۆ بەدەستهێنانی لێهاتوویی نێوان کولتوورەکان و بەشداریکردن لە گەشەپێدانی وڵاتەکەیان
پێویستە گەنجان هانبدرێن بۆ بەشداریکردن لە چالاکییە وەرزشییەکان بۆ پەرەپێدانی تەندروستی جەستەیی و دەروونییان
پێویستە گەنجان هانبدرێن بۆ بەشداریکردن لە چالاکییە هونەری و کولتوورییەکان بۆ پەرەپێدانی داهێنان و دەربڕینی هونەری خۆیان
پێویستە گەنجان هانبدرێن بۆ پەرەپێدانی بیرکردنەوەی ڕەخنەگرانە و توانای چارەسەرکردنی کێشە ئاڵۆزەکان
پێویستە گەنجان ئاگادار بکرێنەوە لەو ئاستەنگە ئابووری و کۆمەڵایەتیانەی کە ڕووبەڕووی وڵاتەکەیان دەبێتەوە بۆ ئەوەی بتوانن بە شێوەیەکی کاریگەر بەشدارییان تێدا بکەن
پێویستە گەنجان هانبدرێن بۆ بەشداریکردن لە بەرنامەکانی گەشەپێدانی کەسی بۆ دروستکردنی متمانە بەخۆبوون و توانای گەیشتن بە ئامانجەکانیان
پێویستە گەنجان هان بدرێن بۆ ئەوەی بە هاوکاری لەگەڵ کەسانی دیکە کار بکەن بۆ چارەسەرکردنی ئاستەنگە ئابووری و کۆمەڵایەتییەکانی وڵاتەکەیان

پڕۆژەی بەرزکردنەوەی ئاستی ووشیاری لاوان لە دەرەوەی کوردستان و ناوخۆدا

چەندین ڕێگا هەیە بۆ پەروەردەکردنی گەنجان لەسەر بابەتگەلێکی جیاواز، لێرەدا هەندێکیان دەخەینەڕوو

     ڕێکخستنی وۆرک شۆپی کارلێککارانە: گەنجان باشترین کات فێردەبن کاتێک چالاکانە بەشداری بکەن ڕێکخستنی وۆرک شۆپ لەسەر بابەتگەلی پەیوەندیدار ڕێگەیەکی زۆر باشە بۆ بەشداریکردنی گەنجان و هاندانیان بۆ پرسیارکردن و گەڕان بەدوای بابەتەکەدا

     بەکارهێنانی سۆشیال میدیا: گەنجان لە تۆڕە کۆمەڵایەتییەکاندا زۆر چالاکن، بۆیە گرنگە ئەم پلاتفۆرمانە بەکاربهێنرێت بۆ هۆشیارکردنەوەی گەنجان لەسەر بابەتگەلی جیاجیا دەتوانیت ڤیدیۆی پەروەردەیی، ئینفوگرافیک یان کویز دروست بکەیت بۆ ئەوەی هانیان بدەیت بۆ فێربوون

     ڕێکخستنی بۆنە کۆمەڵایەتییەکان: ڕێکخستنی بۆنە کۆمەڵایەتییەکان وەک کۆنسێرت، ئاهەنگ یان پێشبڕکێی وەرزشی دەتوانێت یارمەتیدەر بێت لە چڕکردنەوەی سەرنجی گەنجان لەسەر پرسە گرنگەکان هەروەها دەتوانیت دیبەیت یان کۆنفڕانس ڕێکبخەیت بۆ ئەوەی بتوانن زیاتر دەربارەی ئەم بابەتانە بزانن

     هاوبەشی لەگەڵ ڕێکخراوە ناوخۆییەکان: زۆرجار ڕێکخراوە ناوخۆییەکان زۆر چالاکن لە کۆمەڵگادا و دەتوانن یارمەتیدەر بن لە پەروەردەکردنی گەنجان سەبارەت بە بابەتگەلێکی جیاواز بە هاوبەشیکردن لەگەڵ ئەم ڕێکخراوانە دەتوانیت بگەیتە گەنجانی زیاتر و هانیان بدەیت زیاتر دەربارەی ئەو بابەتانە بزانن کە بۆ تۆ گرنگن

     یارییە پەروەردەییەکان بەکاربهێنە: زۆرجار گەنجان زیاتر وەرگرن بۆ فێربوون کاتێک خۆش بێت بۆیە یارییە پەروەردەییەکان ڕێگەیەکی نایاب و باشن بۆ ئەوەی گەنجان لە بابەتگەلی جیاواز ئاگادار بکەنەوە لە هەمان کاتدا ئەزموونێکی خۆشیان پێشکەش دەکەن

هەر میدیایەک هەڵبژێریت، گرنگە فێربوون خۆش و کارلێککارانە بکەیت بۆ ئەوەی گەنجان هان بدەیت بۆ بەشداریکردن و زیاتر فێربوون دەربارەی ئەو بابەتانەی کە بۆیان گرنگن

 ئایا تۆ وەک تاکێکی کوردستان دەتەوێت بەشدار بیت لە سەرکەوتنی گەنجانی ووڵاتەکەت ئەگەر بەڵێ ئایا بە چ شێوەیەک بەشاد دەبیت، دەتوانیت سەرنجی خۆت بنوسیت

ئەنجومەنی سەركردایەتیی یەكێتی كۆبووەوە

ئەمڕۆ (١٤/٣/٢٠٢٣) ئەنجومەنی سەرکردایەتی یەکێتیی نیشتمانیی کوردستان بە سەرپەرشتیی سەرۆک بافل جەلال تاڵەبانی کۆبووەوە
ئەنجومەنی سەرکردایەتی لە کۆبوونەوەی ئاسایی خۆیدا کە لە هۆڵی کۆبوونەوەکانی سەرکردایەتی سازکرا، وێڕای ڕێزگرتن لە یادی قوربانیانی کارەساتی هەڵەبجە کە تاوانێکی بێ وێنەی ڕژێمی دیکتاتۆری بەعس بوو دژ بە گەلەکەمان، و ناردنی درود و سڵاو بۆ گیانی پاکی شەهیدانی کارەساتەکە و سەرجەم شەهیدانی کوردستان، پیرۆزبایی لە خەڵکی خۆڕاگری پارێزگاکە کرد بە بۆنەی بڕیاری بەرەسمی ناساندنی هەڵەبجە وەک پارێزگای (١٩)هەمین لە عێراقدا، دەستخۆشی لە حکومەتی ئیتیحادی کرد کە رەمزیەتی ئەم بڕیارە قەرەبوویەکی مەعنەوییە بۆ کۆمەڵانی خەڵکی شارەکە و هاندەریشە تاوەکو لە هەموو ئاستەکان قەرەبووی ئاوەدانکردنەوە و ساڕێژکردنی برینەکانی هەڵەبجە بکرێت
لە کۆبوونەوەکەدا بە تێروتەسەلی گفتوگۆ لەسەر دۆخی سیاسی هەرێم و عێراق کرا، بە تایبەت پەیوەندی روو لە گەشەکردوی یەکێتی لەگەڵ هێزە سیاسیەکانی کوردستان و بەغدا، لەم بارەیەشەوە هەڤاڵ بافڵ سەرۆکی یەکێتی ئاماژەی بە سەرکەوتنی سیاسەتی یەکێتی لە ئاستی کوردستان و عیراق کرد کە بەرهەمی یەک هەڵوێستی و یەک بڕیاری سەرکردایەتییە و بۆتە راستییەکی حاشاهەڵنەگر لای دۆستەکانی یەکێتی لە ناوەوە و دەرەوەشدا
لە بەشێکی تری کۆبوونەوەکە گفتوگۆ لەسەر کاروباری رێکخراوەیی ئۆرگانەکان و رێوشوێنی پێشخستنیان، کرا

هاونیشتمانیانی خۆشەویست لە سەرتاسەری کوردستان

بەبۆنەی سەری ساڵی نوێی کوردی و جەژنی نەورۆزەوە، لە قووڵایی دڵمەوە پیرۆزباییتان لێدەکەم و هیوادارم رۆژانی جەژن لە دڵخۆشی و کامەرانیدا بەسەربەرن

هیوادارم جەژنی نەورۆز ببێتە مایەی خێر و خۆشی بۆ گەلەکەمان و هەوێنێک بێت بۆ قووڵکردنەوەی گیانی خۆشەویستی و تەبایی لەنێوانماندا. هەموومان بە رۆحێکی کوردانە و لەپێناو سەربەرزی و سەرفرازیی کوردستاندا کاربکەین و داهاتوویەکی سەقامگیر بۆ خەڵکەکەمان دەستەبەر بکەین

لەگەڵ دەستپێکی ساڵی نوێی کوردی و بڵێسەی ئاگری نەورۆزدا، رایدەگەیەنین کە یەکێتیی نیشتمانیی کوردستان پەرۆشی گەشەپێدانی پەیوەندییەکان و فراوانکردنی هەماهەنگییەکانە لەگەڵ هەموو لایەنە سیاسییەکان. پێشوازی لە هەر هەوڵ و دەستپێشخەرییەک دەکەین کە خزمەت بە گەلەکەمان و خەڵکە خۆڕاگرەکەمان بکات. ئێستا و هەمووکاتێک ئامادەی دیالۆگی نیشتمانی و بونیادنەرانەین و لە بەرامبەر ئەم ئەرکە نەتەوەیی و مێژووییەی لەسەر شانمانە بەرپرسیار دەبین
باوەڕی پتەو و نەگۆڕمان بە یەکگرتوویی هەیە، چونکە تەنیا لەو ڕێگەیەوە دەتوانین مافە رەواکانی گەلی کورد بەدەستبهێنین و داهاتوویەکی پرشنگدار بونیادبنێین

ئەمڕۆش کە هاوکاتە لەگەڵ ساڵیادی رزگارکردن و راپەڕینی کەرکووکی خۆشەویستمان، بە دڵ پیرۆزبایی لە کەرکوک و کەرکوکییە سەربەرزەکان دەکەم و دڵنیایان دەکەمەوە یەکێتیی نیشتمانیی کوردستان ئەو هێزە دەبێت بۆ هەمیشە لەگەڵیان دەمێنێتەوە و بە خوێنی خۆمان قودسی کوردستان دەپارێزین

دووبارە جەژنتان پیرۆزبێت و سەرفرازبن

بافڵ جەلال تاڵەبانی
سەرۆکی یەکێتیی نیشتمانیی کوردستان

پەیامی پشتیوانی هەڤاڵ بافڵ جەلال تاڵەبانی دەربارەی دیداری یەکێتی

یەكێتیی نیشتمانیی كوردستان حیزبێكی رەسەن، خاوەن ئامانج و نوێگەرە. خەبات بۆ مافە نەتەوەیی و نیشتمانییەكان دەكات و كار بۆ بنەما سەرەكییەكانی مافی مرۆڤ، ئاشتی، دیموكراسی و مافی چارەی خۆنووسین دەكات

‎لەم وێستگەی گۆڕانكارییە ریشەییەدا كە گەڕانەوەیە بۆ سیاسەتی حەكیمانەی سەرۆك مام جەلال، چاكسازی دەكەینە بنەمای نوێبوونەوە و یەكێتی ناو یەكێتی پتەوتر دەكەین. ئۆرگانەكانمان كاریگەر و چالاكتر دەكەین تاوەكو ماندوونەناسانە ئەركەكان ڕابپەڕێنن و دڵسۆزانەتر كار بكەن
‎ ستراتیژێكی دوورمەودای سیاسی، ئابووری، كۆمەڵایەتی و رێكخراوەیی كە خزمەت بە ژینگەی سیاسی و حكومڕانی لە عێراق بكات دەكەینە هەوێنی كاركردنمان

‎گەنجە خوێنگەرم و ژنە چالاكەكانمان هێزی لەبن نەهاتووی ئەم حیزبە نوێگەرە دەبن و پێشڕەویی ئەم خەباتە پیرۆزە دەكەن
‎پێشمەرگەی دێرین، زیندانیانی سیاسی، كەمئەندامانی سەنگەر و تێكۆشەران سەرمایەیەكی گەورەی یەكێتیین و ئەزموونەكانیان دەكەینە سەرمەشقی كاركردنمان

‎سەربەرزی و سەرفرازیی كۆمەڵانی خەڵكی كوردستان ئامانجی مێژوویی و هەمیشەیی ئەم حیزبە تێكۆشەرەیە، بۆ ئەمەش هیچ هێزێك نامانوەستێنێت

‎بافڵ جەلال تاڵەبانی

ساڵی 1975  كه‌ سه‌رۆك مام جه‌لال و هه‌ڤاڵانی ده‌ستیان به‌ خه‌باتی نوێی كوردایه‌تی كرد و یه‌كێتی نیشتیمانی كوردستانیان دامه‌زراند، به‌ ئامانجی روونه‌وه‌ هێڵه‌ گشتییه‌كانی بیڕوڕای یه‌كێتییان داڕشت. ئه‌و كاته‌، گفتوگۆی چڕی هه‌ڤاڵانی ده‌سته‌ی دامه‌زرێنه‌ر بۆ ئه‌وه‌ بوو كه‌ یه‌كێتی بگاته‌ گه‌ڵاڵه‌ی ستراتیجێكی پێشكه‌وتنخواز و دیموكرات و كوردانه‌ له‌ پێناو خزمه‌تكردنی گه‌لی كوردستان و روبه‌ڕووبوونه‌وه‌ی سته‌م و تاوانه‌كانی ده‌سه‌ڵاتی  عێڕاق، به‌جۆرێك کە‌ له‌ توانایدا بێت گه‌لی كوردستان له‌ نائومێدییه‌وه‌ بگوازێته‌وه‌ بۆ سه‌رده‌می نوێی و تێكۆشان، به‌م هیوایه‌وه‌ له‌ شه‌وه‌زه‌نگی نائومێدیدا چرای ئومێدی هه‌ڵكرد.

  سه‌رۆك مام جه‌لال له‌ نامیلكه‌ی( یه‌كێتی نیشتمانی كوردستان بۆچی؟) كۆبه‌ندی هیواو ئاواته‌كان، پرسیار و وه‌ڵامه‌كانی كرده‌ رێنوێنی یه‌كێتییه‌كان و نامیلكه‌ی گیرفانی پێشمه‌رگه‌و كادیران و ئه‌ندامانی یه‌كێتی، هه‌ر له‌م نامیلكه‌یه‌دا شوناس و ئه‌ركی تێكۆشه‌رانی ناو یه‌كێتیشی دیاری كرد.

    دیاره‌ له‌ هه‌موو قۆناخێكی سیاسیدا، پرسیاری نوێ دێته‌ ئاراوه‌و وه‌ڵامی یه‌كێتییانه‌ش هه‌ر ده‌بێ پڕ به‌پێستی ئه‌ركه‌كانی هه‌لومه‌رجی نوێ بێت.  قۆناخی تازه‌ی كۆمه‌ڵگه‌ی كوردستان پێویستی به‌ پرسیاری تازه‌و وه‌ڵامی تازه‌ش هه‌یه‌.

   له‌ هه‌موو وێستگه‌كانی كه‌مپینی هه‌ڵبژاردنه‌كانی كوردستان و عێڕاق و بۆنه‌كانی تری جه‌ماوه‌ریدا، له‌ كاتی كۆبونه‌وه‌و گفتوگۆی هه‌ڤاڵانه‌شم له‌گه‌ڵ كادیر و دڵسۆزانی یه‌كێتی، رووبه‌ڕوی ئه‌م پرسیارانه‌‌ ده‌بمه‌وه‌: یه‌كێتی چی پێیه‌ بۆ دواڕۆژی كوردستان؟ پلان، ستراتیج و دیدگای چییه‌ بۆ پرس و بابه‌ته‌ هه‌مه‌جۆره‌كان؟ راسته‌ یه‌كێتی‌ مێژوویه‌كی پڕ شانازی و ده‌سكه‌وتی دیاری هه‌یه‌، كاروانێكی دورو‌درێژی شه‌هیدان و خه‌باتێكی هه‌مه‌لایه‌نی فیكری و سیاسی هه‌یه‌ له‌ سه‌رخستنی پرسی ره‌وای گه‌له‌كه‌ماندا، سه‌ركرده‌ی مه‌زنی وه‌ك مام جه‌لالی پێشكه‌شی كوردستان كردوه‌، له‌ چه‌ندین بواری سیاسی و كۆمه‌ڵایه‌تی و كلتوریدا ده‌ستپێشخه‌ر بووه‌، به‌ڵام هێشتا پرسیاری زۆر ماون كه‌ یه‌كێتی چی پێیه‌ بۆ دوارۆژ و ئاینده‌ی نه‌وه‌كانی داهاتوو؟ له‌هه‌مان كاتدا له‌ واقعی ئێستادا كێشه‌ راسته‌قینه‌كانی به‌رده‌م یه‌كێتی چییه‌ و چۆن بتوانێ له‌ هه‌موو ئاسته‌كاندا دونیابینی خۆی نوێ بكاته‌وه؟ یه‌كێتییه‌كان ده‌پرسن و هه‌قیشیانه، ئاخۆ ئیتر به‌ چ دڵنیایی و متمانه‌یه‌كه‌وه‌ پڕۆژه‌ی یه‌كێتی و ستراتیجمان بۆ(ئاشتی، دیموکراسی، مافی مرۆڤ و چاره‌ی خۆنوسین) سه‌ربخه‌ن؟

   پرسیاره‌كان كه‌ لێمان ده‌كرا و خۆشمان له‌ناوخۆمان تاوتۆی ده‌كه‌ین، پرسیاری راست و  ره‌واو به‌جێن. یه‌كێتییه‌كانیش ئه‌م پرسیارانه‌ له‌ خۆیان ده‌كه‌ن و به‌دوای وه‌ڵامدا ده‌گه‌ڕێن كه‌ هه‌م درێژه‌ی رێگای تێكۆشانی چوار ده‌یه‌ی رابڕدوو بێت و هه‌میش ئاسۆی روونی دواڕۆژی گه‌له‌كه‌مان نیشان بدات. له‌م پێناوه‌دا ‌ ئێمه‌ دیالۆگ و دیداری چڕوپڕمان پێویسته‌ بۆ ئه‌وه‌ی پێكه‌وه‌ بیر له‌ گه‌ڵاڵه‌یه‌كی پڕو ده‌وڵه‌مه‌ند و كاریگه‌ر بكه‌ینه‌وه‌. تا سه‌ره‌نجام شوناسی سیاسی و كۆمه‌ڵایه‌تی یه‌كێتیش رونترو جیاوازییه‌كانی به‌رچاوتر بێ بۆ هه‌مووان

  به‌شانازییه‌كی زۆره‌وه‌ هه‌ڤاڵانم له‌ مه‌كته‌بی سیاسیی و ئه‌نجومه‌نی سه‌كردایه‌تی ئه‌م ئه‌ر‌كه‌یان پێ سپاردم كه‌ دیداری یه‌كێتی ساز بكه‌ین و سیاسه‌ت و دیدی یه‌كێتی له‌م قۆناغه‌ نوێیه‌دا دیاری بكه‌ین له‌ هه‌موو بواره‌كاندا، به‌نده‌ش داواده‌كه‌م هه‌موو هه‌ڤاڵانم هاوكار بن بۆ ئه‌وه‌ی پێكه‌وه‌ شان بده‌ینه‌ به‌ر ئه‌م ئه‌ركه‌ حزبییه و جێبه‌جێی بكه‌ین‌

   ( دیداری یه‌كێتی) كه‌ به‌ په‌رۆشییه‌وه‌ ‌ده‌ستمان داوه‌تێ و مه‌به‌ستمانه‌ له‌ فراوانترین و به‌رزترین ئاستدا سه‌رپێی بخه‌ین. له‌م روانگه‌وەیه‌وه‌ ده‌بێته‌ دیداری خه‌مخۆری و هه‌وڵی یه‌كێتییانه‌یه‌ بۆ نوێبونه‌وه‌و چاكسازی و به‌هێزكردنی پێگه‌ی یه‌كێتییه‌ له‌ هه‌موو ئاسته‌كان

   هه‌ڤاڵان! راسته‌ له‌ كۆنگرەی چوار كه‌ ناوی ((كۆنگره‌ی نوێبوونه‌وه‌ ))بوو، گۆڕانكاری و نووێبونه‌وه‌ له‌ پێكهاته‌و هه‌ندێ له‌ كاراكته‌ره‌كان كرا، به‌ڵام به‌داخه‌وه‌ له‌به‌ر چه‌ندین هۆ، كۆنگره‌ی چواریش نه‌بووه‌ هۆی نوێبوونه‌وه‌یه‌كی جه‌وهه‌ری و راسته‌قینه‌ له‌ فكر و دیدی سیاسیمان بۆ ئاینده‌و دواڕۆژی  یه‌كێتی و وڵاته‌كه‌مان. بۆیه‌ پێویسته‌ ئه‌م دیداره‌ نوێبوونه‌وه‌ی جه‌وهه‌ری و راسته‌قینه‌‌‌ بكاته‌ ئه‌ركی سه‌ره‌كی خۆی و په‌ره‌ی پێبدا، ئه‌م ئه‌ركه‌ش به‌لای منه‌وه‌ چه‌ند حیزبییه‌ ئه‌وه‌نده‌ش نیشتیمانی و ئه‌خلاقییه‌. چونكه‌ بوونی یه‌كێتییه‌كی به‌هێز گره‌نتی پاراستنی ئازادییه‌كان و به‌دیهێنانی خواستی كۆمه‌ڵانی خه‌ڵكه‌، كه‌ ئه‌وه‌ش نیشانه‌ی وه‌فاو پێزانینه‌ بۆ خه‌باتی شه‌هیدان و ئه‌وانه‌ی له‌ رابڕدوی خه‌باتی یه‌كێتی و كوردایه‌تیدا ره‌نجیان داوه‌و ماندو بوون

 ئه‌م دیداره‌ بانگه‌وازێكی هه‌ڤاڵانه‌و نیشتمانییانه‌یه‌ بۆ تاوتوێ كردنی واقعی ئێستای یه‌كێتی و ناسنامه‌كه‌ی، بۆ نوێكردنه‌وه‌ی گوتاری سیاسی و كۆمه‌ڵایه‌تی و گه‌شه‌پێدانییه‌تی، بۆ ئه‌وه‌ی‌ به‌ دیدگایه‌كی نوێوه‌ ئاماده‌بێت ئه‌ركه‌كانی سه‌رشانی جێبه‌جێ بكا و سه‌ره‌نجام باشتر خزمه‌تی كۆمه‌ڵانی خه‌ڵك و خاكی كوردستان بكات، بۆ سبه‌ینێیه‌كی باشتر كوردستانێكی ئاوه‌دان بۆ هه‌مووان، بێ جیاوازی، فه‌راهه‌م بكات

 له‌م چواچێوه‌یه‌دا( دیداری یه‌كێتی) ده‌یه‌وێ چه‌ندین ته‌وه‌ری جێی بایه‌خی ئێستاو ئاینده‌ی حزبه‌كه‌مان، پێداویستی و كێشه‌و پێشهاته‌كانی كۆمه‌ڵگه‌كه‌مان، ئه‌زموونی سیاسی گه‌له‌كه‌مان تاوتوێ بكات، چونكه‌ پێشهات و گۆڕانكارییه‌كانی كۆمه‌ڵگا و سه‌رده‌م له‌ ئاستی كوردستان و ده‌ره‌وه‌شدا ئه‌م هه‌وڵ و كۆششه‌ تازه‌یه‌ ده‌خوازێت. پێویستمان به‌وه‌یه‌ له‌هه‌موو سێكته‌ره‌كاندا، دیدی نوێ و ده‌سپێشخه‌ری یه‌كێتییانه‌ بێنینه‌ كایه‌وه‌

  هه‌ڤاڵان! با راشكاو بین ‌و به‌ كراوه‌یی قسه‌ بكه‌ین، ئێمه‌ی یه‌كێتی ده‌مێكه‌ تووشی چه‌ندین كێشه‌و گرفتی هه‌مه‌جۆر بوینه‌ته‌وه‌، كه‌ زۆر جار باجی قورسمان له‌سه‌ری داوه‌، ئه‌گه‌ر بۆ داهاتوش به‌ جدی ودڵسۆزانه‌ هه‌وڵی چاره‌سه‌رو تێپه‌ڕاندنیان نه‌ده‌ین، دوور نییه‌ توشی كێشه‌و گرفتی گه‌وره‌تر نه‌بین. جگه‌ له‌وه‌ش دۆخی تازه‌ی كۆمه‌ڵگاو هه‌لومه‌رجی ئابوری و سیاسی وكۆمه‌ڵایه‌تی نوێ، پرسیارو كێشه‌و ئه‌رك و پێداویستی نوێی هێناوه‌ته‌ كایه‌وه‌، كه‌ وا ده‌خوازێ دوودڵ نه‌بین له‌ گفتوگۆو راگۆڕینه‌وه‌ بۆ ده‌ستنیشانكردنی كه‌موكوڕیه‌كان و دۆزینه‌وه‌ی چاره‌سه‌ره‌كان. بۆیه‌ پێمان وایه‌ دیالۆگ و گفتوگۆیه‌كی ڕاشكاوانه‌ی هه‌ڤاڵانی یه‌كێتیی له‌نێوخۆمان ، هه‌م گیانی هه‌ڤاڵێتیمان گه‌رموگوڕ ده‌كاته‌وه‌ و هه‌میش جوانترین و به‌ كه‌ڵكترین بیروباوه‌ڕه‌كان ده‌خاته‌ خزمه‌ت ده‌سپێكردنه‌وه‌یه‌كی نوێی تێكۆشانمان

هه‌ڤاڵان! ئه‌م وتاره‌ بۆ ناساندنی سروشتی دیداره‌كه‌و له‌هه‌مان كاتدا داواكارییه‌كه‌ له‌ هه‌مو‌و هه‌ڤاڵانمان له‌ ناوه‌وه‌و ده‌ره‌وه‌ی وڵات  بۆ ئه‌وه‌ی به‌شدارێكی كارا بن له‌ ده‌وڵه‌مه‌ندكردنی و سه‌ره‌نجام له‌ گه‌شه‌پێدان و نوێكردنه‌وه‌ی گوتاری سیاسیی و فیكری یه‌كێتی لە ده‌یه‌ی سێیه‌می ئه‌م سه‌ده‌یه‌دا: سه‌ده‌ی بیست و یه‌ك

 هه‌ڵبه‌ت زیاتر له‌ په‌نجه‌ره‌یه‌ك و پتر له‌ رێوشوێنێكی كراوه‌ هه‌یه‌ تا بیروڕاكان له‌ خزمه‌ت دیداره‌كه‌ گه‌ڵاڵه‌ ده‌بن و پێكه‌وه‌ بیربكه‌ینه‌وه‌ بۆ خزمه‌تی  دیدو ستراتیجی نوێی یه‌كێتی

 به‌و ئامانجه،‌ پیرۆزانه‌وه‌ هیوادارین رێوشوێنی پێویست بگرینه‌ به‌ر بۆ ئه‌وه‌ی دیداری یه‌كێتی ببێته‌ دیداری گشت یه‌كێتییه‌كان

 هه‌ڤاڵانی خۆشه‌ویست

   فه‌رمون له‌م وتاره‌وه‌ هه‌ڵمه‌تێكی فراوان ده‌سپێبكه‌ین، پێكه‌وه‌ كه‌سوكاری سه‌ربه‌رزی شه‌هیدان،  پێشمه‌رگه‌ وتێكۆشه‌رانی حزبایه‌تی و خه‌باتی پیشه‌یی و دیموكراتی خوێنكاران و لاوان، كچان و كوڕانی ئاینده‌خواز، رۆشنبیران و نوسه‌ران و ئه‌كادیمیانی ئه‌ندام و دۆستی یه‌كێتی، كه‌سایه‌تییه‌ ئایینی وئابوریناس و وه‌ر‌زشوانی خه‌مخۆری كوردستان، كارێك بكه‌ین دیداره‌كه‌ بكه‌ینه‌ بۆنه‌یه‌ك بۆ جۆشدانه‌وه‌ی حزبایه‌تی راسته‌قینه‌ له‌ پێناوی ئامانجه‌ دوورمه‌وداكانی حزبه‌كه‌ی مام دا. ده‌مه‌وێت هه‌موو هه‌ڤاڵان به‌شدار بن له‌ دیاریكردنی سیاسه‌ت و دیدی یه‌كێتی

 هه‌روه‌ها له‌م وتاره‌وه‌ ده‌مه‌وێت سه‌كۆی دیداری یه‌كێتیتان پێ بناسێنم. جگه‌ له‌ كۆڕو كۆبونه‌وه‌كانمان، ئه‌م سه‌كۆیه‌ش ده‌كه‌‌ینه‌ پردێكی په‌یوه‌ندی نێوانمان و زۆرترین دیدو پڕۆژه‌و بۆچونه‌كان كۆكه‌ینه‌وه‌ و ئاماده‌ی بكه‌ین‌ بۆ رۆژی دیداری یه‌كێتی كه‌ له‌ ئاینده‌یه‌كی نزیكدا كات و شوێنه‌كه‌ی دیاری ده‌كرێن

تا رۆژی دیداری یه‌كێتیی، به‌ هیوای دیدار... بۆ پێشه‌وه

 

قوباد تاڵه‌بانی
سه‌رپه‌رشتیاری مه‌كته‌بی سكرتارییه‌تی سه‌رۆك مام جه‌لال

یەکڕیزیی و تەبایی

رۆژی پێنج شەممە ١ حوزەیران ٢٠٠٢٣  لەیادی ٤٨ ساڵەی دامەزراندنی یەکێتیی نیشتمانیی کوردستان، هەڤاڵ پۆڵا سیروان تاڵەبانی ئەندامی م.س و وەفدێکی یاوەری لەمەکتەبی ناوەندەکانی دەرەوەی یەکێتی، بۆ پیرۆزبایی،
 سەردانی مەڵبەندی یەکی رێکخستنی  ی.ن.ک لەسلێمانی کردو لەلایەن لێپرسراو هەڤاڵانی مەڵبەندەوە پێشوازییان لێکرا

لەدیدارێکدا وێڕای ئاڵوگۆڕی پیرۆزبایی هەردوولا تەئکیدیان  لەپەیوەست بوون بەو میکانزمانە کرووەوە کەفاکتەری سەرەکین بۆ گەشەپێدانی یەکێتی

پاشان هەڤاڵ پۆڵاو وەفدی هاوڕێی سەرانی مەزاری سەرۆک مام جەلال یان کرد

لەو یادە مەزنەدا پەیمانی دڵسۆزیی و وەفادارییان دوپاتکردەوەو بەڵێنیاندا لەجاران زیاتر خزمەتی رێبازی حزبەکەی مام بکەن و خوێنی شەهیدان و قوربانیییەکان بکەنە کوانووی جۆشدانەوەی خەبات و تێکۆشان، بەڵێنیشیاندا یەکڕیزیی و تەبایی بکەنە سەرمەشقی کاروچالاکییەکانیان



راگەیاندنی
مەکتەبی ناوەندکانی دەرەوەی
یەکێتیی نیشتمانیی کوردستان
١ حوزەیران ٢٠٢٣

ئەرک و بەرپرسیارێتی

سەردار هەلەبجەیی

دوو دەستەواژەی پێکەوە گرێدراوی هەموو سات و سەردەمەکانی ژیانی  کۆڵایەتی و ڕامیاریی و ئابووریی و فەرهەنگین ئەرک و بەرپرسیارێتی.

ئەرک ئەگەرچی هەندێ جار وەکو دەستەواژە پێش دەکەوێت، بەڵام بەپرسیارێتی ماناو مەغزای فروان ترو سەنگین تری هەیە لەژیانی گشتیماندا.

ئەرک واتە خۆ سەلماندن و چوونە ژێر باری بەپرسیارێتییەکی دیاریکراوەوە، واتە بەجێهێشتنی جێ پەنجەی بیرو کرداری مرۆڤ بەسەر یەکێک لەکایە ژیارییەکانی مرۆڤایەتییەوە.

ئەرک وەرگرتن واته متمانەی بەرانبەر بە کەسێتی کەسێک بۆ کارێکی تایبەت هەر بۆیە، ئەرک و بەرپرسیارێتی مرۆڤەکان یان دەزگاو دامەزراوەکان بۆ خودی کەسێک هاندانە بۆ بڕوا بەخۆبوون و خۆ پەرەوەردەکردن و پێگەیاندن بۆ ئەرک و بەرپرسیاێتی لەئاستی پێویستدا، بەجۆرێک هەم مرۆڤ خۆی تیا سەربەرزو سەرفرازبێت و هەم ئەو متمانەیەش نەدۆڕێنێ کە پێیدەبەخشن و هەم ئەرک و بەرپرسیارێتیەکەش بۆ سوودی گشتی بەگەڕ بخات.

نابێت ئەوەشمان لەیاد بچێت ئەرک و بەرپرسسارێتی هەمیشە بەرانبەر بەمافێکی دیاریکراوە جا مادیی بێتیان مەعنەوی

ڕەواندنەوەی
بێهیوایی نەتەوەیی
      ‌      
.......................................
    سەردار
 هەڵەبجەیی

لەگەڵ ئەوەی نەتەوەکەمان لەباشووری کوردستان تا دواسنوور بێ هیوابووە، لەو ژیانە قورس و بێ موچەیی و هەلو مەرجە گرانییەی هەموو پێداویستییەکانی ژیان، لەگەڵ ئەوەشدا جوڵەی حکومەت و حیزبە حومکڕانەکان زۆر خاوە بەجۆرێک ئەو کەمە  خۆڕاگریی و ئومێدەی جەماوار کەهەیە بۆ دەستکەوتەکانی خوێنی شەهیدان و خەباتی خەبات گێڕان خەریکە وەکو خۆر بەرەو ئاوا بوون دەچێت
ئا لەم کاتەشدا هەموو دووژمن و داگیرکەران گوشارکانیان زیادکردووەو، حکومەتی عیراق  یەکەم قوناغیشی بەدەست بەسەراگرتنەوەی هەناردەی نەوتی کوردستان دەست پێکردو ڕۆژانەش داواکاریی زیاتری لەحکومەتی هەرێم هەیە
هیچ کاتێک هێندەی ئێستا حکومەت و حیزبە کوردستانییەکان پێویستییان بە یەکڕیزیی و ئاشتەوایی نیشتمانی و نەتەوەیی نەبووە
لەچەند مانگی داهاتودا هەڵبژاردنی پارێزگاکان لەعیراق دەکرێت و سێ پارێزگای کەرکوک و موسڵ و دیالە   کورد بەیەکڕیزی دەتوانێت کەرکوک بێ ڕکەبەر بەرێتەوەو لەموسڵ و خانەقینی سەر بەدیالەش کورسی پێویست بێنێ بۆ خزمەتکردنی نەتەوەکەمان و ڕەواندنەوەی بێهیوایی
بەو جۆرە ئەتوانن شان بدەنە بەر خەبات و خزمەتی نەتەوەمان تاکو ئەو ئاستەی بێهیوایی نەتەوەیی بڕەوێتەوە

 یۆتۆبۆری 2023/07/31

پێشەنگ و سەربەرزبە ئەی هەڤاڵی یەکێتی

 کایەی سیاسی لە کوردستان، بێ یەکێتی  بێ بەهایە


بەئومێدی هەنگاونان بەرەو رووناکی، دەنگ دەدەین بە یەکێتیی نیشتمانیی کوردستان، حزبی شەهیدان و پارێزەرانی خاکی دایکی نیشتمان

  ئەندامان و دۆست و لایەنگرانی تێکڕای حزبەکان بەگشتیی وحزبەکانی کوردستان بەتایبەتی،  دەنگ بە حزبی خۆیان دەدەن، داکۆکی لێدەکەن، تەنانەت بەحزبی  فریاد ڕەس و پاڵەوانی دەزانن، ئەوە مافێکی رەای خۆیانە، بەڵام بۆچی دەبێت گوشاربخەنە سەربیری روون و راست و دروستی ئەندامێکی یەکێتی، کەلەسەر دارو پەردووی هەزاران گوندی رووخاو ئێسکو پروسکی دەیان هەزار شەهیدو قوربانیی رێگەی رزگاریی کە سەرقافڵەی شەهیدەکانی، سەرکردە تێکوشەرەکانێتی، پەروەردە بووەو بیری بۆتێکۆشان و خەبات و قوربانیی و کوردایەتی زاخاودراوە... ئەوەیە بانێک و دووهەوا


   یەکێتیەک، هەر لەسەرەتاوە بڕوای بەبیری ئازادو فرەمینبەرو  بەئاشتی پێکەوە ژیان هەبووبێت و تائێستاش هەر بەردەوامە لەسەر ئەو رێچکەیە، ئیتر چۆن نابێتە سەرقافڵەچی ئەو کاروانەی هەموو تواناکانی بۆ دیاریکردنی مافی چارەنووسی خەڵکی کوردستان خستبێتەکار



 چەندین؛ حزب لە هەناوی ئەمەوە، جیابوونەوە  لەدایک بوون و پێکهاتن، سەدان و هەزاران ئەندامی مەکتەبی سیاسیی و سەرکردایەتی پێشمەرگەو ئەندام و دۆست و لایەنگری یەکێتیشیان لەگەڵ خۆیاندا برد، کەچی تائێستا هەر بەپێوە وەستاوەو پێشەنگی کوردایەتییە، هێشتا نەیارە ناڕەسەنەکانی، بەرێنمایی و چاوساغەکانی نەیارەکانی دیکەی یەکێتی، چاویان لەوەیە لق و پۆپی دیکەی لێ جیابکەنەوە، ئا ئەوانە لەبیریان چووە، کە رەگ و هەناوی یەکێتیی نیشتمانیی کوردستان لەگەڵ رەگ و هەناوی کۆمەڵانی خەڵکی کوردستاندا وەها تێکئاڵاوەو ئاوێتە بووە، کە بەهیچ باهۆزێک لەیەکتر جیاناکرێنەوە، هەروەها زۆر کەسی تری پێش ئەمانیش هەمان رێگەیان تاقیکردەوە، سەرەنجام یان جارێکی تر گەڕانەوە نێو ماڵە گەورەکەی یەکێتی، یاخوود سەری خۆیان کێشا بەتاشەبەردەکانی کێوەکانی کوردستاندا...یەکێتی هێشتا بە پێوە وەستاوەو هەر سەوز دەچێتەوەو خۆڕاگرانە سرودی نەبەردی دەڵێتەوە

بەقسەی بەتاڵ و قەوانی سواو، کار لە پێگە جەماوەریەکەی ناکرێت، ئەمێستاکە لەگەڵ نزیکبونەوەمان لەوادەی پرۆسەی هەڵبژاردن کە بڕیاڕە؛ لەمانگی شوباتی ساڵی ٢٠٢٤ بەڕێوەبچێت،  هەموان" بێ جیاوازی بەهەموو رەنگەکانەوە کەوتونەتەخۆ و لەراگەیاندن و  ناوەندە حزبیەکانەوە، کار بۆ سەرکەوتن و پێشکەوتنی خۆیان لە پرۆسەکەدا دەکەن

 یەکێتیش وەک حزبێکی سەرەکی بەشدار لەپرۆسەی سیاسیی هەرێم و قاڵبووی بۆتەی خەبات و تێکۆشان، تواناکانی خۆی خستۆتەکار، بۆ سەرکەوتنی ئەو پرۆسەیەش، سەرۆک بافڵ، بەبیرو دیدو فەلسەفەی سەرۆک مام جەلال لەم قۆناغەدا سەرۆکایەتی ئەو کاروانەدەکات، کە خوازیارن لەداهاتوویەکی نزیکداخۆیان کوردو کوردستان بگەیەنن بەکەناری ئارامیی
 بۆئەوەش یەکێتی لەگەڵ جەماوەرەکەی ئاشت بێتەوەو ئاشتیش بۆتەوە، هەر بۆیە یەکێتیی نیشتمانیی کوردستان، زۆر لەنەخشەو پیلانی نەیارەکانی گەورەترەو بەردەوام   بەرەو پێشکەوتن و  سەرکەوتنی زیاتر هەنگاو دەنێت، پشت بەخودا، پاشان پشت بەجەماوەرە سەوز پۆشەکەی خۆی هەردەم لەگەشەسەندن و بنیاتنانەوەی خۆیدایەو وەک قەڵای پتەو خۆڕاگریی ئامادەوسازە بۆ خزمەتکردنی کوردو کوردستان


لە ئێستادا، یەکێتی پێنجەم کۆنگرەڕ خۆی دەکات، ئامانج لەو کۆنگرەیەش خۆنوێکردنەوەیەتی بەجۆرێک کەلەگەڵ یەکێتیی نێوان ئەندامەکانی و یەکێتی نێوان کۆمەڵانی خەڵکی کوردستان و یەکێتی نێوان حزب و لایەنە سیاسییەکاندا کۆک و تەبا بێت و تێیدا پانتایەکی فراوانی بۆ ئازادی و جیاوازیەکان هێشتۆتەوە،  یەکێتی لەفرە جەمسەر ، باڵ باڵێن و کوتلەکاری رزگار دەکات، دەچێتە قۆناغێکی نوێی سیاسیەوە، یەکێتی نوێ،  یەک ئاڕاستە، یەک بڕیار، یەکهێزو خۆڕاگر دەبێت،  یەکێتیی نیشتمانیی کوردستان، کە حزبێکی کاریگەر و سەرەکیە لە ڕۆژهەڵاتی ناوەڕاست و ناوچەکە ئاماژەکان دەری دەخەن لە گەشە سەندن دایەو ناسرەوێت تا هەموو ویست و خواستەکانی کۆمەڵانی خەڵکی کوردستان بەدیدەهێنێت


محمد ڕەوف قوربانی
چالاکوان و کادری یەکێتی

لەرۆژی شەهیدانی یەکێتیی نیشتمانیی کوردستاندا

"بەردەوامیی رێبازی شەهیدان و هێنانەدی ویست و خواستەکانیان"

رۆژی ٢١ تشرین دووەم هەموو ساڵێک رۆژی شەهیدانی یەکێتیی نیشتمانیی کوردستانە، کە هاوکاتیش ساڵیادی ئیعدام کردنی سێ سەڕکردەی تێکۆشەرو پێشەنگی خەبات و تێکۆشان و سەردەقەشکێنەکانی ئیعدامکردنە کە هەڤاڵانی نەمر "خاڵە شیهاب و جەعفەر عەبدولواحیدو ئەنوەر زۆراب"، بەدروشمی کەم ژیان و کەڵ ژیان لە٢١ تشرین دووەم ١٩٧٦ لەلایەن جەلادەکانی رژێمی بەعسەوە ئیعدام کران

خاڵە شیهاب دروشمی کەم ژیان و کەڵ ژیانی کردە رێبازو دوای تێپەڕبوونی ٤٧ ساڵ بەسەر ئیعدامردنیان تائێستا ئەو دروشمە سەرمەشقی شەهیدانەو هەموو رۆژێک بۆ یەکێتییەکان رۆژی شەهیدانە، چونکە رۆژێک نەبووەو نییە ی.ن.ک خوێنی رۆڵە شەهیدەکانی، بۆ رزگاریی و ئازادیی پێشکەش نەکردبێت
 
 لەمڕۆژەدا کە یادی هەموو شەهیدە نەمرەکان دەکرێنەوە،  رووبارێک لەخوێنی شەهیدە شکۆدارەکان لە"سەرکردەو فەرماندەو پێشمەرگە قارەمانەکان" و بەخشینی گیانی شیرینیان، داری ئازادی لەهەرێم و پارچەکانی تری کوردستان ئاودێرکردو ئازادیی و رزگاریی ئەمڕۆی لێهاتە بەرهەم، ئەوەش فاکتەرێکە کە یەکێتی بەپەرۆشەوە لەئەزموونی هەرێمی کوردستان دەڕوانێ و بۆ بەئاشتی چارەسەرکردنی کێشەکان و کۆتاییهێنان بەتاکلایەنی دەسەڵات و هاوسەنگکردنەوەی هێزو دەسەڵات و بەشداریکردنی وەکو یەکی لەپرۆسەی سیاسیی کوردستان کردۆتە سەرمەشقی کارو تێکۆشانەکانی


لەم رۆژەدا، هەڤاڵ و ئەندام و دۆست و لایەنگرانی یەکێتیی نیشتمانیی کوردستان، بەڵێن بۆ گیانی پاکی شەهیدان دوپات دەکەنەوە، هەموو تواناکانیان بە گەشەپێدانی یەکێتی پێشەنگی کوردایەتی تەرخانبکەن و تابەدیهاتنی هەموو ویست و خواستە نیشتمانییەکانی شەهیدان و گەیشتن بەسەرکەوتن کۆڵنەدەن و هەمووان پێکەوە یەکهەڵوێست و یەکدەنگ خەبات بکەن بۆ پاراستنی یەکێتی ناو یەکێتی و یەکێتی نێوان هێزە سیاسییەکان


سڵاو لەگیانی پاکی شەهیدان


راگەیاندنی دەرەوەی
یەکێتیی نیشتمانیی کوردستان