هەڤاڵ پۆڵا بۆ هەڤاڵانی ناوەندی ی.ن.ک لەسوید

هەڤاڵ پۆڵا بۆ هەڤاڵانی ناوەندی ی.ن.ک لەسوید
لەجاران زیاتر بەگیانی هەستکردن بە بەرپرسیارێتییەوە کارو ئەرکەکانیان رابپەڕێنن

یەکێتی وەک هەمیشە پێشەنگ و رێبەری خەڵکی کۆڵنەدەری کوردستانە

ئێوارەی سێ شەممە ١٦ئایار٢٠٢٣ بەسەرپەرشتی هەڤاڵ پۆڵا سیروان تاڵەبانی ئەندامی م.س و لێپرسراوی مەکتەبی ناوەندەکانی دەرەوەو ئامادەبوونی هەڤاڵانی ئەندام مەکتەب  ھەڤاڵ ساڵح،ھەڤاڵ  هەندێن و ھەڤاڵ سۆران"  وە لێپرسراوی نوێی ناوەندی سوید ھەڤاڵ  باخان  و هەڤاڵانی ئەنجومەنی ناوەندی یەکێتیی نیشتمانیی کوردستان لەسوید، بەساتێک بێدەنگی بۆ رێزلێنان لەشەهیدانی رێگەی رزگاریی کوردستان کۆبوونەوە

لە یەکەم کۆبوونەوەی ئەنجومەنی ناوەندەکەدا کەبەئامادەبوونی هەڤاڵ باخان لێپرسراوی نوێی ناوەندەکە بەڕێوەچوو، هەڤاڵ پۆڵا، وێڕای پیرۆزبایی، هیوای سەرکەوتنی بۆخواست، هەروەها رووناکیشی خستە سەر دواین رووداو پەرەسەندنەکانی ناوخۆی هەرێم و ئەرکی نوێی هەڤاڵ باخان بۆ خزمەتی کوردستانیانی خۆشەویست لەسوید

هەڤاڵ پۆڵا وتی: ئێمە سوپاس و ستایشی ھەڤاڵ پەیمان دەکەین لێپرسراوی ناوەندی سوید کەلە ڕابردودا بەوپەڕی دڵسۆزیەوە ئەرکەکانی خۆی وەک لێپرسراوی ناوەند ڕاپەڕاندووە وەئومێدی سەرکەوتنی بۆ دەخوازین لەئەرکی نوێدا ئەو گۆڕانکاریانە تەنیا ناوەندی ی.ن.ک لەسوید ناگرێتەوە، بەڵکو تێکڕای ناوەندەکان دەگرێتەوە، مەبەستیش لێی بەخشینی گوڕو تین و نوێگەرییە بەڕیزەکانی رێکخستن لەدەرەوەی وڵات،  گەشبینی خۆشی دەربڕی لەوەی هەڤاڵانی ناوەندی یەکێتی لەسوید، لەجاران زیاتر بەگیانی هەستکردن بەبەرپرسیارێتییەوە کارو ئەرکەکانیان رابپەڕێنن، داواشیکرد تۆکمەکردنی ریزەکانیان و پێکەوە کاری هاوبەش بۆ خزمەتی ی.ن.ک و رێبازیی سەرۆک مام جەلال، بکەن بەئەولەویەتی چالاکییەکانیان

سەبارەت بەدۆخی ناوخۆی هەرێم و قۆناغی هەستیاری ئێستاو، هەروەها نەخشەو پلان و خۆئامادەکردنەکانی یەکێتیی نیشتمانیی کوردستانی  لەقۆناغی ئێستاو داهاتوو بۆ هەڤاڵان روونکردەوەو رایگەیاند، یەکێتی وەک هەمیشە بەپێشەنگ و رێبەری خەڵکی کۆڵنەدەر دەمێنێتەوەو ئامانجیشی دەستەبەرکردنی ژیانێکی شایستەیە بۆ خزمەتی کۆمەڵانی خەڵکی کوردستان کەلەئاستی تێکۆشان و قوربانییەکانیاندا بێت

لای خۆشیانەوە هەڤاڵانی ناوەندی ی.ن.ک پشتیوانیی و پشتگیریی خۆیان بۆ بڕیارەکانی  مەکتەبی ناوەندەکان دوپاتکردەوە بۆ سەرخستنی پەیڕەوی راست و رەوانی ی.ن.ک

 پاشان بەپرسیارو خستنەڕووی سەرنج و تێبینییەکانی هەڤاڵان و وەڵامدانەوەیان لەلایەن هەڤاڵ "پۆڵا"ەوە کۆتایی بەکۆبوونەوەکە هات

راگەیاندنی
 مەکتەبی ناوەندەکانی دەرەوە
١٦ئایار٢٠٢٣